1 vnumber="1"> כי ימצא חלל באדמה אשר יהוה אלהיך נתן לך לרשתה נפל בשדה לא נודע מי הכהו
2 vnumber="2"> ויצאו זקניך ושפטיך ומדדו אל הערים אשר סביבת החלל
3 vnumber="3"> והיה העיר הקרבה אל החלל--ולקחו זקני העיר ההוא עגלת בקר אשר לא עבד בה אשר לא משכה בעל
4 vnumber="4"> והורדו זקני העיר ההוא את העגלה אל נחל איתן אשר לא יעבד בו ולא יזרע וערפו שם את העגלה בנחל
5 vnumber="5"> ונגשו הכהנים בני לוי--כי בם בחר יהוה אלהיך לשרתו ולברך בשם יהוה ועל פיהם יהיה כל ריב וכל נגע
6 vnumber="6"> וכל זקני העיר ההוא הקרבים אל החלל--ירחצו את ידיהם על העגלה הערופה בנחל
7 vnumber="7"> וענו ואמרו ידינו לא שפכה (שפכו) את הדם הזה ועינינו לא ראו
8 vnumber="8"> כפר לעמך ישראל אשר פדית יהוה ואל תתן דם נקי בקרב עמך ישראל ונכפר להם הדם
9 vnumber="9"> ואתה תבער הדם הנקי--מקרבך כי תעשה הישר בעיני יהוה {ס}
art="x-p"/>
10 vnumber="10"> כי תצא למלחמה על איביך ונתנו יהוה אלהיך בידך--ושבית שביו
11 vnumber="11"> וראית בשביה אשת יפת תאר וחשקת בה ולקחת לך לאשה
12 vnumber="12"> והבאתה אל תוך ביתך וגלחה את ראשה ועשתה את צפרניה
13 vnumber="13"> והסירה את שמלת שביה מעליה וישבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשה
14 vnumber="14"> והיה אם לא חפצת בה ושלחתה לנפשה ומכר לא תמכרנה בכסף לא תתעמר בה תחת אשר עניתה {ס}
art="x-p"/>
15 vnumber="15"> כי תהיין לאיש שתי נשים האחת אהובה והאחת שנואה וילדו לו בנים האהובה והשנואה והיה הבן הבכר לשניאה
16 vnumber="16"> והיה ביום הנחילו את בניו את אשר יהיה לו--לא יוכל לבכר את בן האהובה על פני בן השנואה הבכר
17 vnumber="17"> כי את הבכר בן השנואה יכיר לתת לו פי שנים בכל אשר ימצא לו כי הוא ראשית אנו לו משפט הבכרה {ס}
art="x-p"/>
18 vnumber="18"> כי יהיה לאיש בן סורר ומורה--איננו שמע בקול אביו ובקול אמו ויסרו אתו ולא ישמע אליהם
19 vnumber="19"> ותפשו בו אביו ואמו והוציאו אתו אל זקני עירו ואל שער מקמו
20 vnumber="20"> ואמרו אל זקני עירו בננו זה סורר ומרה--איננו שמע בקלנו זולל וסבא
21 vnumber="21"> ורגמהו כל אנשי עירו באבנים ומת ובערת הרע מקרבך וכל ישראל ישמעו ויראו {ס}
art="x-p"/>
22 vnumber="22"> וכי יהיה באיש חטא משפט מות--והומת ותלית אתו על עץ
23 vnumber="23"> לא תלין נבלתו על העץ כי קבור תקברנו ביום ההוא--כי קללת אלהים תלוי ולא תטמא את אדמתך אשר יהוה אלהיך נתן לך נחלה {ס}
art="x-p"/>