1 vnumber="1"> ויהי דבר יהוה אלי לאמר
2 vnumber="2"> בן אדם דבר אל בני עמך ואמרת אליהם ארץ כי אביא עליה חרב ולקחו עם הארץ איש אחד מקציהם ונתנו אתו להם לצפה
3 vnumber="3"> וראה את החרב באה על הארץ ותקע בשופר והזהיר את העם
4 vnumber="4"> ושמע השמע את קול השופר ולא נזהר ותבוא חרב ותקחהו--דמו בראשו יהיה
5 vnumber="5"> את קול השופר שמע ולא נזהר דמו בו יהיה והוא נזהר נפשו מלט
6 vnumber="6"> והצפה כי יראה את החרב באה ולא תקע בשופר והעם לא נזהר ותבוא חרב ותקח מהם נפש--הוא בעונו נלקח ודמו מיד הצפה אדרש {פ}
art="x-p"/>
7 vnumber="7"> ואתה בן אדם צפה נתתיך לבית ישראל ושמעת מפי דבר והזהרת אתם ממני
8 vnumber="8"> באמרי לרשע רשע מות תמות ולא דברת להזהיר רשע מדרכו--הוא רשע בעונו ימות ודמו מידך אבקש
9 vnumber="9"> ואתה כי הזהרת רשע מדרכו לשוב ממנה ולא שב מדרכו--הוא בעונו ימות ואתה נפשך הצלת {פ}
art="x-p"/>
10 vnumber="10"> ואתה בן אדם אמר אל בית ישראל כן אמרתם לאמר כי פשעינו וחטאתינו עלינו ובם אנחנו נמקים ואיך נחיה
11 vnumber="11"> אמר אליהם חי אני נאם אדני יהוה אם אחפץ במות הרשע כי אם בשוב רשע מדרכו וחיה שובו שובו מדרכיכם הרעים ולמה תמותו--בית ישראל {פ}
art="x-p"/>
12 vnumber="12"> ואתה בן אדם אמר אל בני עמך צדקת הצדיק לא תצילנו ביום פשעו ורשעת הרשע לא יכשל בה ביום שובו מרשעו וצדיק לא יוכל לחיות בה--ביום חטאתו
13 vnumber="13"> באמרי לצדיק חיה יחיה והוא בטח על צדקתו ועשה עול--כל צדקתו לא תזכרנה ובעולו אשר עשה בו ימות
14 vnumber="14"> ובאמרי לרשע מות תמות ושב מחטאתו ועשה משפט וצדקה
15 vnumber="15"> חבל ישיב רשע גזלה ישלם בחקות החיים הלך לבלתי עשות עול--חיו יחיה לא ימות
16 vnumber="16"> כל חטאתו אשר חטא לא תזכרנה לו משפט וצדקה עשה חיו יחיה
17 vnumber="17"> ואמרו בני עמך לא יתכן דרך אדני והמה דרכם לא יתכן
18 vnumber="18"> בשוב צדיק מצדקתו ועשה עול--ומת בהם
19 vnumber="19"> ובשוב רשע מרשעתו ועשה משפט וצדקה--עליהם הוא יחיה
20 vnumber="20"> ואמרתם לא יתכן דרך אדני איש כדרכיו אשפוט אתכם בית ישראל {פ}
art="x-p"/>
21 vnumber="21"> ויהי בשתי עשרה שנה בעשרי בחמשה לחדש--לגלותנו בא אלי הפליט מירושלם לאמר הכתה העיר
22 vnumber="22"> ויד יהוה היתה אלי בערב לפני בוא הפליט ויפתח את פי עד בוא אלי בבקר ויפתח פי ולא נאלמתי עוד {פ}
art="x-p"/>
23 vnumber="23"> ויהי דבר יהוה אלי לאמר
24 vnumber="24"> בן אדם ישבי החרבות האלה על אדמת ישראל אמרים לאמר אחד היה אברהם ויירש את הארץ ואנחנו רבים לנו נתנה הארץ למורשה {ס}
art="x-p"/>
25 vnumber="25"> לכן אמר אלהם כה אמר אדני יהוה על הדם תאכלו ועינכם תשאו אל גלוליכם--ודם תשפכו והארץ תירשו
26 vnumber="26"> עמדתם על חרבכם עשיתן תועבה ואיש את אשת רעהו טמאתם והארץ תירשו {ס}
art="x-p"/>
27 vnumber="27"> כה תאמר אלהם כה אמר אדני יהוה חי אני אם לא אשר בחרבות בחרב יפלו ואשר על פני השדה לחיה נתתיו לאכלו ואשר במצדות ובמערות בדבר ימותו
28 vnumber="28"> ונתתי את הארץ שממה ומשמה ונשבת גאון עזה ושממו הרי ישראל מאין עובר
29 vnumber="29"> וידעו כי אני יהוה בתתי את הארץ שממה ומשמה על כל תועבתם אשר עשו {פ}
art="x-p"/>
30 vnumber="30"> ואתה בן אדם--בני עמך הנדברים בך אצל הקירות ובפתחי הבתים ודבר חד את אחד איש את אחיו לאמר באו נא ושמעו מה הדבר היוצא מאת יהוה
31 vnumber="31"> ויבואו אליך כמבוא עם וישבו לפניך עמי ושמעו את דבריך ואותם לא יעשו כי עגבים בפיהם המה עשים אחרי בצעם לבם הלך
32 vnumber="32"> והנך להם כשיר עגבים יפה קול ומטב נגן ושמעו את דבריך ועשים אינם אותם
33 vnumber="33"> ובבאה הנה באה--וידעו כי נביא היה בתוכם {פ}
art="x-p"/>