1 vnumber="1"> css="font-weight:bold"> א ויאמר דויד--זה הוא בית יהוה האלהים וזה מזבח לעלה לישראל {פ} br art="x-p"/>
2 vnumber="2"> css="font-weight:bold"> ב ויאמר דויד--לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים
3 vnumber="3"> css="font-weight:bold"> ג וברזל לרב למסמרים לדלתות השערים ולמחברות--הכין דויד ונחשת לרב אין משקל
4 vnumber="4"> css="font-weight:bold"> ד ועצי ארזים לאין מספר כי הביאו הצידנים והצרים עצי ארזים לרב--לדויד {פ} br art="x-p"/>
5 vnumber="5"> css="font-weight:bold"> ה ויאמר דויד שלמה בני נער ורך והבית לבנות ליהוה להגדיל למעלה לשם ולתפארת לכל הארצות אכינה נא לו ויכן דויד לרב לפני מותו
6 vnumber="6"> css="font-weight:bold"> ו ויקרא לשלמה בנו ויצוהו לבנות בית ליהוה אלהי ישראל {ס}
7 vnumber="7"> css="font-weight:bold"> ז ויאמר דויד לשלמה בנו (בני)--אני היה עם לבבי לבנות בית לשם יהוה אלהי
8 vnumber="8"> css="font-weight:bold"> ח ויהי עלי דבר יהוה לאמר דם לרב שפכת ומלחמות גדלות עשית לא תבנה בית לשמי--כי דמים רבים שפכת ארצה לפני
9 vnumber="9"> css="font-weight:bold"> ט הנה בן נולד לך הוא יהיה איש מנוחה והניחותי לו מכל אויביו מסביב כי שלמה יהיה שמו ושלום ושקט אתן על ישראל בימיו
10 vnumber="10"> css="font-weight:bold"> י הוא יבנה בית לשמי והוא יהיה לי לבן ואני לו לאב והכינותי כסא מלכותו על ישראל--עד עולם
11 vnumber="11"> css="font-weight:bold"> יא עתה בני יהי יהוה עמך והצלחת ובנית בית יהוה אלהיך כאשר דבר עליך
12 vnumber="12"> css="font-weight:bold"> יב אך יתן לך יהוה שכל ובינה ויצוך על ישראל ולשמור את תורת יהוה אלהיך
13 vnumber="13"> css="font-weight:bold"> יג אז תצליח--אם תשמור לעשות את החקים ואת המשפטים אשר צוה יהוה את משה על ישראל חזק ואמץ אל תירא ואל תחת
14 vnumber="14"> css="font-weight:bold"> יד והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף
15 vnumber="15"> css="font-weight:bold"> טו ועמך לרב עשי מלאכה--חצבים וחרשי אבן ועץ וכל חכם בכל מלאכה
16 vnumber="16"> css="font-weight:bold"> טז לזהב לכסף ולנחשת ולברזל אין מספר קום ועשה ויהי יהוה עמך
17 vnumber="17"> css="font-weight:bold"> יז ויצו דויד לכל שרי ישראל לעזר לשלמה בנו {ס}
18 vnumber="18"> css="font-weight:bold"> יח הלא יהוה אלהיכם עמכם והניח לכם מסביב כי נתן בידי את ישבי הארץ ונכבשה הארץ לפני יהוה ולפני עמו
19 vnumber="19"> css="font-weight:bold"> יט עתה תנו לבבכם ונפשכם לדרוש ליהוה אלהיכם וקומו ובנו את מקדש יהוה האלהים להביא את ארון ברית יהוה וכלי קדש האלהים לבית הנבנה לשם יהוה {פ} br art="x-p"/>