1 vnumber="1"> אללי לי כי הייתי כאספי קיץ כעללת בציר אין אשכול לאכול בכורה אותה נפשי
2 vnumber="2"> אבד חסיד מן הארץ וישר באדם אין כלם לדמים יארבו איש את אחיהו יצודו חרם
3 vnumber="3"> על הרע כפים להיטיב השר שאל והשפט בשלום והגדול דבר הות נפשו הוא--ויעבתוה
4 vnumber="4"> טובם כחדק ישר ממסוכה יום מצפיך פקדתך באה עתה תהיה מבוכתם
5 vnumber="5"> אל תאמינו ברע אל תבטחו באלוף משכבת חיקך שמר פתחי פיך
6 vnumber="6"> כי בן מנבל אב בת קמה באמה כלה בחמתה איבי איש אנשי ביתו
7 vnumber="7"> ואני ביהוה אצפה אוחילה לאלהי ישעי ישמעני אלהי
8 vnumber="8"> אל תשמחי איבתי לי כי נפלתי קמתי כי אשב בחשך יהוה אור לי {פ}
art="x-p"/>
9 vnumber="9"> זעף יהוה אשא כי חטאתי לו עד אשר יריב ריבי ועשה משפטי--יוציאני לאור אראה בצדקתו
10 vnumber="10"> ותרא איבתי ותכסה בושה--האמרה אלי איו יהוה אלהיך עיני תראינה בה עתה תהיה למרמס כטיט חוצות
11 vnumber="11"> יום לבנות גדריך יום ההוא ירחק חק
12 vnumber="12"> יום הוא ועדיך יבוא למני אשור וערי מצור ולמני מצור ועד נהר וים מים והר ההר
13 vnumber="13"> והיתה הארץ לשממה על ישביה מפרי מעלליהם {פ}
art="x-p"/>
14 vnumber="14"> רעה עמך בשבטך צאן נחלתך--שכני לבדד יער בתוך כרמל ירעו בשן וגלעד כימי עולם
15 vnumber="15"> כימי צאתך מארץ מצרים אראנו נפלאות
16 vnumber="16"> יראו גוים ויבשו מכל גבורתם ישימו יד על פה אזניהם תחרשנה
17 vnumber="17"> ילחכו עפר כנחש--כזחלי ארץ ירגזו ממסגרתיהם אל יהוה אלהינו יפחדו ויראו ממך
18 vnumber="18"> מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא
19 vnumber="19"> ישוב ירחמנו יכבש עונתינו ותשליך במצלות ים כל חטאותם
20 vnumber="20"> תתן אמת ליעקב חסד לאברהם אשר נשבעת לאבתינו מימי קדם {ש}
art="x-p"/>