1 vnumber="1"> css="font-weight:bold"> א שמעו נא את אשר יהוה אמר קום ריב את ההרים ותשמענה הגבעות קולך
2 vnumber="2"> css="font-weight:bold"> ב שמעו הרים את ריב יהוה והאתנים מוסדי ארץ כי ריב ליהוה עם עמו ועם ישראל יתוכח
3 vnumber="3"> css="font-weight:bold"> ג עמי מה עשיתי לך ומה הלאתיך ענה בי
4 vnumber="4"> css="font-weight:bold"> ד כי העלתיך מארץ מצרים ומבית עבדים פדיתיך ואשלח לפניך את משה אהרן ומרים
5 vnumber="5"> css="font-weight:bold"> ה עמי זכר נא מה יעץ בלק מלך מואב ומה ענה אתו בלעם בן בעור--מן השטים עד הגלגל למען דעת צדקות יהוה
6 vnumber="6"> css="font-weight:bold"> ו במה אקדם יהוה אכף לאלהי מרום האקדמנו בעולות בעגלים בני שנה
7 vnumber="7"> css="font-weight:bold"> ז הירצה יהוה באלפי אילים ברבבות נחלי שמן האתן בכורי פשעי פרי בטני חטאת נפשי
8 vnumber="8"> css="font-weight:bold"> ח הגיד לך אדם מה טוב ומה יהוה דורש ממך כי אם עשות משפט ואהבת חסד והצנע לכת עם אלהיך {ס} art="x-p"/>
9 vnumber="9"> css="font-weight:bold"> ט קול יהוה לעיר יקרא ותושיה יראה שמך שמעו מטה ומי יעדה
10 vnumber="10"> css="font-weight:bold"> י עוד האש בית רשע--אצרות רשע ואיפת רזון זעומה
11 vnumber="11"> css="font-weight:bold"> יא האזכה במאזני רשע ובכיס אבני מרמה
12 vnumber="12"> css="font-weight:bold"> יב אשר עשיריה מלאו חמס וישביה דברו שקר ולשונם רמיה בפיהם
13 vnumber="13"> css="font-weight:bold"> יג וגם אני החליתי הכותך--השמם על חטאתך
14 vnumber="14"> css="font-weight:bold"> יד אתה תאכל ולא תשבע וישחך בקרבך ותסג ולא תפליט ואשר תפלט לחרב אתן
15 vnumber="15"> css="font-weight:bold"> טו אתה תזרע ולא תקצור אתה תדרך זית ולא תסוך שמן ותירוש ולא תשתה יין
16 vnumber="16"> css="font-weight:bold"> טז וישתמר חקות עמרי וכל מעשה בית אחאב ותלכו במעצותם--למען תתי אתך לשמה וישביה לשרקה וחרפת עמי תשאו {פ} art="x-p"/>