1 vnumber="1"> css="font-weight:bold"> א ואל משה אמר עלה אל יהוה אתה ואהרן נדב ואביהוא ושבעים מזקני ישראל והשתחויתם מרחק
2 vnumber="2"> css="font-weight:bold"> ב ונגש משה לבדו אל יהוה והם לא יגשו והעם לא יעלו עמו
3 vnumber="3"> css="font-weight:bold"> ג ויבא משה ויספר לעם את כל דברי יהוה ואת כל המשפטים ויען כל העם קול אחד ויאמרו כל הדברים אשר דבר יהוה נעשה
4 vnumber="4"> css="font-weight:bold"> ד ויכתב משה את כל דברי יהוה וישכם בבקר ויבן מזבח תחת ההר ושתים עשרה מצבה לשנים עשר שבטי ישראל
5 vnumber="5"> css="font-weight:bold"> ה וישלח את נערי בני ישראל ויעלו עלת ויזבחו זבחים שלמים ליהוה--פרים
6 vnumber="6"> css="font-weight:bold"> ו ויקח משה חצי הדם וישם באגנת וחצי הדם זרק על המזבח
7 vnumber="7"> css="font-weight:bold"> ז ויקח ספר הברית ויקרא באזני העם ויאמרו כל אשר דבר יהוה נעשה ונשמע
8 vnumber="8"> css="font-weight:bold"> ח ויקח משה את הדם ויזרק על העם ויאמר הנה דם הברית אשר כרת יהוה עמכם על כל הדברים האלה
9 vnumber="9"> css="font-weight:bold"> ט ויעל משה ואהרן--נדב ואביהוא ושבעים מזקני ישראל
10 vnumber="10"> css="font-weight:bold"> י ויראו את אלהי ישראל ותחת רגליו כמעשה לבנת הספיר וכעצם השמים לטהר
11 vnumber="11"> css="font-weight:bold"> יא ואל אצילי בני ישראל לא שלח ידו ויחזו את האלהים ויאכלו וישתו {ס} art="x-p"/>
12 vnumber="12"> css="font-weight:bold"> יב ויאמר יהוה אל משה עלה אלי ההרה--והיה שם ואתנה לך את לחת האבן והתורה והמצוה אשר כתבתי להורתם
13 vnumber="13"> css="font-weight:bold"> יג ויקם משה ויהושע משרתו ויעל משה אל הר האלהים
14 vnumber="14"> css="font-weight:bold"> יד ואל הזקנים אמר שבו לנו בזה עד אשר נשוב אליכם והנה אהרן וחור עמכם מי בעל דברים יגש אלהם
15 vnumber="15"> css="font-weight:bold"> טו ויעל משה אל ההר ויכס הענן את ההר
16 vnumber="16"> css="font-weight:bold"> טז וישכן כבוד יהוה על הר סיני ויכסהו הענן ששת ימים ויקרא אל משה ביום השביעי מתוך הענן
17 vnumber="17"> css="font-weight:bold"> יז ומראה כבוד יהוה כאש אכלת בראש ההר לעיני בני ישראל
18 vnumber="18"> css="font-weight:bold"> יח ויבא משה בתוך הענן ויעל אל ההר ויהי משה בהר ארבעים יום וארבעים לילה {פ} art="x-p"/>