1 vnumber="1"> css="font-weight:bold"> א בשנה התשעית לצדקיהו מלך יהודה בחדש העשרי בא נבוכדראצר מלך בבל וכל חילו אל ירושלם ויצרו עליה
2 vnumber="2"> css="font-weight:bold"> ב בעשתי עשרה שנה לצדקיהו בחדש הרביעי בתשעה לחדש הבקעה העיר
3 vnumber="3"> css="font-weight:bold"> ג ויבאו כל שרי מלך בבל וישבו בשער התוך--נרגל שראצר סמגר נבו שר סכים רב סריס נרגל שראצר רב מג וכל שארית שרי מלך בבל
4 vnumber="4"> css="font-weight:bold"> ד ויהי כאשר ראם צדקיהו מלך יהודה וכל אנשי המלחמה ויברחו ויצאו לילה מן העיר דרך גן המלך בשער בין החמתים ויצא דרך הערבה
5 vnumber="5"> css="font-weight:bold"> ה וירדפו חיל כשדים אחריהם וישגו את צדקיהו בערבות ירחו ויקחו אותו ויעלהו אל נבוכדראצר מלך בבל רבלתה בארץ חמת וידבר אתו משפטים
6 vnumber="6"> css="font-weight:bold"> ו וישחט מלך בבל את בני צדקיהו ברבלה--לעיניו ואת כל חרי יהודה שחט מלך בבל
7 vnumber="7"> css="font-weight:bold"> ז ואת עיני צדקיהו עור ויאסרהו בנחשתים לביא אתו בבלה
8 vnumber="8"> css="font-weight:bold"> ח ואת בית המלך ואת בית העם שרפו הכשדים באש ואת חמות ירושלם נתצו
9 vnumber="9"> css="font-weight:bold"> ט ואת יתר העם הנשארים בעיר ואת הנפלים אשר נפלו עליו ואת יתר העם הנשארים--הגלה נבוזראדן רב טבחים בבל
10 vnumber="10"> css="font-weight:bold"> י ומן העם הדלים אשר אין להם מאומה השאיר נבוזראדן רב טבחים בארץ יהודה ויתן להם כרמים ויגבים ביום ההוא
11 vnumber="11"> css="font-weight:bold"> יא ויצו נבוכדראצר מלך בבל על ירמיהו ביד נבוזראדן רב טבחים לאמר
12 vnumber="12"> css="font-weight:bold"> יב קחנו ועיניך שים עליו ואל תעש לו מאומה רע כי אם ( ) כאשר ידבר אליך--כן עשה עמו
13 vnumber="13"> css="font-weight:bold"> יג וישלח נבוזראדן רב טבחים ונבושזבן רב סריס ונרגל שראצר רב מג--וכל רבי מלך בבל
14 vnumber="14"> css="font-weight:bold"> יד וישלחו ויקחו את ירמיהו מחצר המטרה ויתנו אתו אל גדליהו בן אחיקם בן שפן להוצאהו אל הבית וישב בתוך העם {ס} art="x-p"/>
15 vnumber="15"> css="font-weight:bold"> טו ואל ירמיהו היה דבר יהוה בהיתו עצור בחצר המטרה לאמר
16 vnumber="16"> css="font-weight:bold"> טז הלוך ואמרת לעבד מלך הכושי לאמר כה אמר יהוה צבאות אלהי ישראל הנני מבי את דברי אל העיר הזאת לרעה ולא לטובה והיו לפניך ביום ההוא
17 vnumber="17"> css="font-weight:bold"> יז והצלתיך ביום ההוא נאם יהוה ולא תנתן ביד האנשים אשר אתה יגור מפניהם
18 vnumber="18"> css="font-weight:bold"> יח כי מלט אמלטך ובחרב לא תפל והיתה לך נפשך לשלל כי בטחת בי נאם יהוה {פ} art="x-p"/>