1 vnumber="1"> css="font-weight:bold"> א ויבא יוסף ויגד לפרעה ויאמר אבי ואחי וצאנם ובקרם וכל אשר להם באו מארץ כנען והנם בארץ גשן
2 vnumber="2"> css="font-weight:bold"> ב ומקצה אחיו לקח חמשה אנשים ויצגם לפני פרעה
3 vnumber="3"> css="font-weight:bold"> ג ויאמר פרעה אל אחיו מה מעשיכם ויאמרו אל פרעה רעה צאן עבדיך--גם אנחנו גם אבותינו
4 vnumber="4"> css="font-weight:bold"> ד ויאמרו אל פרעה לגור בארץ באנו כי אין מרעה לצאן אשר לעבדיך כי כבד הרעב בארץ כנען ועתה ישבו נא עבדיך בארץ גשן
5 vnumber="5"> css="font-weight:bold"> ה ויאמר פרעה אל יוסף לאמר אביך ואחיך באו אליך
6 vnumber="6"> css="font-weight:bold"> ו ארץ מצרים לפניך הוא--במיטב הארץ הושב את אביך ואת אחיך ישבו בארץ גשן--ואם ידעת ויש בם אנשי חיל ושמתם שרי מקנה על אשר לי
7 vnumber="7"> css="font-weight:bold"> ז ויבא יוסף את יעקב אביו ויעמדהו לפני פרעה ויברך יעקב את פרעה
8 vnumber="8"> css="font-weight:bold"> ח ויאמר פרעה אל יעקב כמה ימי שני חייך
9 vnumber="9"> css="font-weight:bold"> ט ויאמר יעקב אל פרעה ימי שני מגורי שלשים ומאת שנה מעט ורעים היו ימי שני חיי ולא השיגו את ימי שני חיי אבתי בימי מגוריהם
10 vnumber="10"> css="font-weight:bold"> י ויברך יעקב את פרעה ויצא מלפני פרעה
11 vnumber="11"> css="font-weight:bold"> יא ויושב יוסף את אביו ואת אחיו ויתן להם אחזה בארץ מצרים במיטב הארץ בארץ רעמסס--כאשר צוה פרעה
12 vnumber="12"> css="font-weight:bold"> יב ויכלכל יוסף את אביו ואת אחיו ואת כל בית אביו--לחם לפי הטף
13 vnumber="13"> css="font-weight:bold"> יג ולחם אין בכל הארץ כי כבד הרעב מאד ותלה ארץ מצרים וארץ כנען מפני הרעב
14 vnumber="14"> css="font-weight:bold"> יד וילקט יוסף את כל הכסף הנמצא בארץ מצרים ובארץ כנען בשבר אשר הם שברים ויבא יוסף את הכסף ביתה פרעה
15 vnumber="15"> css="font-weight:bold"> טו ויתם הכסף מארץ מצרים ומארץ כנען ויבאו כל מצרים אל יוסף לאמר הבה לנו לחם ולמה נמות נגדך כי אפס כסף
16 vnumber="16"> css="font-weight:bold"> טז ויאמר יוסף הבו מקניכם ואתנה לכם במקניכם--אם אפס כסף
17 vnumber="17"> css="font-weight:bold"> יז ויביאו את מקניהם אל יוסף ויתן להם יוסף לחם בסוסים ובמקנה הצאן ובמקנה הבקר ובחמרים וינהלם בלחם בכל מקנהם בשנה ההוא
18 vnumber="18"> css="font-weight:bold"> יח ותתם השנה ההוא ויבאו אליו בשנה השנית ויאמרו לו לא נכחד מאדני כי אם תם הכסף ומקנה הבהמה אל אדני לא נשאר לפני אדני בלתי אם גויתנו ואדמתנו
19 vnumber="19"> css="font-weight:bold"> יט למה נמות לעיניך גם אנחנו גם אדמתנו--קנה אתנו ואת אדמתנו בלחם ונהיה אנחנו ואדמתנו עבדים לפרעה ותן זרע ונחיה ולא נמות והאדמה לא תשם
20 vnumber="20"> css="font-weight:bold"> כ ויקן יוסף את כל אדמת מצרים לפרעה כי מכרו מצרים איש שדהו כי חזק עלהם הרעב ותהי הארץ לפרעה
21 vnumber="21"> css="font-weight:bold"> כא ואת העם--העביר אתו לערים מקצה גבול מצרים ועד קצהו
22 vnumber="22"> css="font-weight:bold"> כב רק אדמת הכהנים לא קנה כי חק לכהנים מאת פרעה ואכלו את חקם אשר נתן להם פרעה--על כן לא מכרו את אדמתם
23 vnumber="23"> css="font-weight:bold"> כג ויאמר יוסף אל העם הן קניתי אתכם היום ואת אדמתכם לפרעה הא לכם זרע וזרעתם את האדמה
24 vnumber="24"> css="font-weight:bold"> כד והיה בתבואת ונתתם חמישית לפרעה וארבע הידת יהיה לכם לזרע השדה ולאכלכם ולאשר בבתיכם--ולאכל לטפכם
25 vnumber="25"> css="font-weight:bold"> כה ויאמרו החיתנו נמצא חן בעיני אדני והיינו עבדים לפרעה
26 vnumber="26"> css="font-weight:bold"> כו וישם אתה יוסף לחק עד היום הזה על אדמת מצרים לפרעה--לחמש רק אדמת הכהנים לבדם--לא היתה לפרעה
27 vnumber="27"> css="font-weight:bold"> כז וישב ישראל בארץ מצרים בארץ גשן ויאחזו בה ויפרו וירבו מאד
28 vnumber="28"> css="font-weight:bold"> כח ויחי יעקב בארץ מצרים שבע עשרה שנה ויהי ימי יעקב שני חייו--שבע שנים וארבעים ומאת שנה
29 vnumber="29"> css="font-weight:bold"> כט ויקרבו ימי ישראל למות ויקרא לבנו ליוסף ויאמר לו אם נא מצאתי חן בעיניך שים נא ידך תחת ירכי ועשית עמדי חסד ואמת אל נא תקברני במצרים
30 vnumber="30"> css="font-weight:bold"> ל ושכבתי עם אבתי ונשאתני ממצרים וקברתני בקברתם ויאמר אנכי אעשה כדברך
31 vnumber="31"> css="font-weight:bold"> לא ויאמר השבעה לי--וישבע לו וישתחו ישראל על ראש המטה {פ} art="x-p"/>