1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב ואתה בן אדם כה אמר אדני יהוה לאדמת ישראל--קץ בא הקץ על ארבעת (ארבע) כנפות הארץ
3 vnumber="3"> css="font-weight:bold"> ג עתה הקץ עליך ושלחתי אפי בך ושפטתיך כדרכיך ונתתי עליך את כל תועבותיך
4 vnumber="4"> css="font-weight:bold"> ד ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה {פ} art="x-p"/>
5 vnumber="5"> css="font-weight:bold"> ה כה אמר אדני יהוה רעה אחת רעה הנה באה
6 vnumber="6"> css="font-weight:bold"> ו קץ בא בא הקץ הקיץ אליך הנה באה
7 vnumber="7"> css="font-weight:bold"> ז באה הצפירה אליך יושב הארץ בא העת קרוב היום מהומה--ולא הד הרים
8 vnumber="8"> css="font-weight:bold"> ח עתה מקרוב אשפוך חמתי עליך וכליתי אפי בך ושפטתיך כדרכיך ונתתי עליך את כל תועבותיך
9 vnumber="9"> css="font-weight:bold"> ט ולא תחוס עיני ולא אחמול כדרכיך עליך אתן ותועבותיך בתוכך תהיין וידעתם כי אני יהוה מכה
10 vnumber="10"> css="font-weight:bold"> י הנה היום הנה באה יצאה הצפרה--צץ המטה פרח הזדון
11 vnumber="11"> css="font-weight:bold"> יא החמס קם למטה רשע לא מהם ולא מהמונם ולא מהמהם--ולא נה בהם
12 vnumber="12"> css="font-weight:bold"> יב בא העת הגיע היום--הקונה אל ישמח והמכר אל יתאבל כי חרון אל כל המונה
13 vnumber="13"> css="font-weight:bold"> יג כי המכר אל הממכר לא ישוב ועוד בחיים חיתם כי חזון אל כל המונה לא ישוב ואיש בעונו חיתו לא יתחזקו
14 vnumber="14"> css="font-weight:bold"> יד תקעו בתקוע והכין הכל ואין הלך למלחמה כי חרוני אל כל המונה
15 vnumber="15"> css="font-weight:bold"> טו החרב בחוץ והדבר והרעב מבית אשר בשדה בחרב ימות ואשר בעיר רעב ודבר יאכלנו
16 vnumber="16"> css="font-weight:bold"> טז ופלטו פליטיהם והיו אל ההרים כיוני הגאיות כלם המות--איש בעונו
17 vnumber="17"> css="font-weight:bold"> יז כל הידים תרפינה וכל ברכים תלכנה מים
18 vnumber="18"> css="font-weight:bold"> יח וחגרו שקים וכסתה אותם פלצות ואל כל פנים בושה ובכל ראשיהם קרחה
19 vnumber="19"> css="font-weight:bold"> יט כספם בחוצות ישליכו וזהבם לנדה יהיה--כספם וזהבם לא יוכל להצילם ביום עברת יהוה נפשם לא ישבעו ומעיהם לא ימלאו כי מכשול עונם היה
20 vnumber="20"> css="font-weight:bold"> כ וצבי עדיו לגאון שמהו וצלמי תועבתם שקוציהם עשו בו על כן נתתיו להם לנדה
21 vnumber="21"> css="font-weight:bold"> כא ונתתיו ביד הזרים לבז ולרשעי הארץ לשלל וחללוה (וחללוהו)
22 vnumber="22"> css="font-weight:bold"> כב והסבותי פני מהם וחללו את צפוני ובאו בה פריצים וחללוה {פ} art="x-p"/>
23 vnumber="23"> css="font-weight:bold"> כג עשה הרתוק כי הארץ מלאה משפט דמים והעיר מלאה חמס
24 vnumber="24"> css="font-weight:bold"> כד והבאתי רעי גוים וירשו את בתיהם והשבתי גאון עזים ונחלו מקדשיהם
25 vnumber="25"> css="font-weight:bold"> כה קפדה בא ובקשו שלום ואין
26 vnumber="26"> css="font-weight:bold"> כו הוה על הוה תבוא ושמעה אל שמועה תהיה ובקשו חזון מנביא--ותורה תאבד מכהן ועצה מזקנים
27 vnumber="27"> css="font-weight:bold"> כז המלך יתאבל ונשיא ילבש שממה וידי עם הארץ תבהלנה מדרכם אעשה אתם ובמשפטיהם אשפטם וידעו כי אני יהוה {פ} art="x-p"/>