1 vnumber="1"> css="font-weight:bold"> א וידבר יהוה אל משה ואל אהרן לאמר
2 vnumber="2"> css="font-weight:bold"> ב איש על דגלו באתת לבית אבתם יחנו בני ישראל מנגד סביב לאהל מועד יחנו
3 vnumber="3"> css="font-weight:bold"> ג והחנים קדמה מזרחה דגל מחנה יהודה לצבאתם ונשיא לבני יהודה נחשון בן עמינדב
4 vnumber="4"> css="font-weight:bold"> ד וצבאו ופקדיהם--ארבעה ושבעים אלף ושש מאות
5 vnumber="5"> css="font-weight:bold"> ה והחנים עליו מטה יששכר ונשיא לבני יששכר נתנאל בן צוער
6 vnumber="6"> css="font-weight:bold"> ו וצבאו ופקדיו--ארבעה וחמשים אלף וארבע מאות
7 vnumber="7"> css="font-weight:bold"> ז מטה זבולן ונשיא לבני זבולן אליאב בן חלן
8 vnumber="8"> css="font-weight:bold"> ח וצבאו ופקדיו--שבעה וחמשים אלף וארבע מאות
9 vnumber="9"> css="font-weight:bold"> ט כל הפקדים למחנה יהודה מאת אלף ושמנים אלף וששת אלפים וארבע מאות--לצבאתם ראשנה יסעו {ס} art="x-p"/>
10 vnumber="10"> css="font-weight:bold"> י דגל מחנה ראובן תימנה לצבאתם ונשיא לבני ראובן אליצור בן שדיאור
11 vnumber="11"> css="font-weight:bold"> יא וצבאו ופקדיו--ששה וארבעים אלף וחמש מאות
12 vnumber="12"> css="font-weight:bold"> יב והחונם עליו מטה שמעון ונשיא לבני שמעון שלמיאל בן צורישדי
13 vnumber="13"> css="font-weight:bold"> יג וצבאו ופקדיהם--תשעה וחמשים אלף ושלש מאות
14 vnumber="14"> css="font-weight:bold"> יד ומטה גד ונשיא לבני גד אליסף בן רעואל
15 vnumber="15"> css="font-weight:bold"> טו וצבאו ופקדיהם--חמשה וארבעים אלף ושש מאות וחמשים
16 vnumber="16"> css="font-weight:bold"> טז כל הפקדים למחנה ראובן מאת אלף ואחד וחמשים אלף וארבע מאות וחמשים--לצבאתם ושנים יסעו {ס} art="x-p"/>
17 vnumber="17"> css="font-weight:bold"> יז ונסע אהל מועד מחנה הלוים בתוך המחנת כאשר יחנו כן יסעו איש על ידו לדגליהם {ס} art="x-p"/>
18 vnumber="18"> css="font-weight:bold"> יח דגל מחנה אפרים לצבאתם ימה ונשיא לבני אפרים אלישמע בן עמיהוד
19 vnumber="19"> css="font-weight:bold"> יט וצבאו ופקדיהם--ארבעים אלף וחמש מאות
20 vnumber="20"> css="font-weight:bold"> כ ועליו מטה מנשה ונשיא לבני מנשה גמליאל בן פדהצור
21 vnumber="21"> css="font-weight:bold"> כא וצבאו ופקדיהם--שנים ושלשים אלף ומאתים
22 vnumber="22"> css="font-weight:bold"> כב ומטה בנימן ונשיא לבני בנימן אבידן בן גדעני
23 vnumber="23"> css="font-weight:bold"> כג וצבאו ופקדיהם--חמשה ושלשים אלף וארבע מאות
24 vnumber="24"> css="font-weight:bold"> כד כל הפקדים למחנה אפרים מאת אלף ושמנת אלפים ומאה--לצבאתם ושלשים יסעו {ס} art="x-p"/>
25 vnumber="25"> css="font-weight:bold"> כה דגל מחנה דן צפנה לצבאתם ונשיא לבני דן אחיעזר בן עמישדי
26 vnumber="26"> css="font-weight:bold"> כו וצבאו ופקדיהם--שנים וששים אלף ושבע מאות
27 vnumber="27"> css="font-weight:bold"> כז והחנים עליו מטה אשר ונשיא לבני אשר פגעיאל בן עכרן
28 vnumber="28"> css="font-weight:bold"> כח וצבאו ופקדיהם--אחד וארבעים אלף וחמש מאות
29 vnumber="29"> css="font-weight:bold"> כט ומטה נפתלי ונשיא לבני נפתלי אחירע בן עינן
30 vnumber="30"> css="font-weight:bold"> ל וצבאו ופקדיהם--שלשה וחמשים אלף וארבע מאות
31 vnumber="31"> css="font-weight:bold"> לא כל הפקדים למחנה דן--מאת אלף ושבעה וחמשים אלף ושש מאות לאחרנה יסעו לדגליהם {פ} art="x-p"/>
32 vnumber="32"> css="font-weight:bold"> לב אלה פקודי בני ישראל לבית אבתם כל פקודי המחנת לצבאתם--שש מאות אלף ושלשת אלפים וחמש מאות וחמשים
33 vnumber="33"> css="font-weight:bold"> לג והלוים--לא התפקדו בתוך בני ישראל כאשר צוה יהוה את משה
34 vnumber="34"> css="font-weight:bold"> לד ויעשו בני ישראל ככל אשר צוה יהוה את משה כן חנו לדגליהם וכן נסעו--איש למשפחתיו על בית אבתיו {פ} art="x-p"/>