1 vnumber="1"> css="font-weight:bold"> א ויצעק איש אפרים ויעבר צפונה ויאמרו ליפתח מדוע עברת להלחם בבני עמון ולנו לא קראת ללכת עמך--ביתך נשרף עליך באש
2 vnumber="2"> css="font-weight:bold"> ב ויאמר יפתח אליהם איש ריב הייתי אני ועמי ובני עמון מאד ואזעק אתכם ולא הושעתם אותי מידם
3 vnumber="3"> css="font-weight:bold"> ג ואראה כי אינך מושיע ואשימה נפשי בכפי ואעברה אל בני עמון ויתנם יהוה בידי ולמה עליתם אלי היום הזה--להלחם בי
4 vnumber="4"> css="font-weight:bold"> ד ויקבץ יפתח את כל אנשי גלעד וילחם את אפרים ויכו אנשי גלעד את אפרים כי אמרו פליטי אפרים אתם--גלעד בתוך אפרים בתוך מנשה
5 vnumber="5"> css="font-weight:bold"> ה וילכד גלעד את מעברות הירדן לאפרים והיה כי יאמרו פליטי אפרים אעברה ויאמרו לו אנשי גלעד האפרתי אתה ויאמר לא
6 vnumber="6"> css="font-weight:bold"> ו ויאמרו לו אמר נא שבלת ויאמר סבלת ולא יכין לדבר כן ויאחזו אותו וישחטוהו אל מעברות הירדן ויפל בעת ההיא מאפרים ארבעים ושנים אלף
7 vnumber="7"> css="font-weight:bold"> ז וישפט יפתח את ישראל שש שנים וימת יפתח הגלעדי ויקבר בערי גלעד {פ} art="x-p"/>
8 vnumber="8"> css="font-weight:bold"> ח וישפט אחריו את ישראל אבצן מבית לחם
9 vnumber="9"> css="font-weight:bold"> ט ויהי לו שלשים בנים ושלשים בנות שלח החוצה ושלשים בנות הביא לבניו מן החוץ וישפט את ישראל שבע שנים
10 vnumber="10"> css="font-weight:bold"> י וימת אבצן ויקבר בבית לחם {פ} art="x-p"/>
11 vnumber="11"> css="font-weight:bold"> יא וישפט אחריו את ישראל אילון הזבולני וישפט את ישראל עשר שנים
12 vnumber="12"> css="font-weight:bold"> יב וימת אילון הזבולני ויקבר באילון בארץ זבולן {פ} art="x-p"/>
13 vnumber="13"> css="font-weight:bold"> יג וישפט אחריו את ישראל עבדון בן הלל הפרעתוני
14 vnumber="14"> css="font-weight:bold"> יד ויהי לו ארבעים בנים ושלשים בני בנים רכבים על שבעים עירם וישפט את ישראל שמנה שנים
15 vnumber="15"> css="font-weight:bold"> טו וימת עבדון בן הלל הפרעתוני ויקבר בפרעתון בארץ אפרים בהר העמלקי {פ} art="x-p"/>