1 vnumber="1"> css="font-weight:bold"> א ושם נקרא איש בליעל ושמו שבע בן בכרי--איש ימיני ויתקע בשפר ויאמר אין לנו חלק בדוד ולא נחלה לנו בבן ישי--איש לאהליו ישראל
2 vnumber="2"> css="font-weight:bold"> ב ויעל כל איש ישראל מאחרי דוד אחרי שבע בן בכרי ואיש יהודה דבקו במלכם מן הירדן ועד ירושלם
3 vnumber="3"> css="font-weight:bold"> ג ויבא דוד אל ביתו ירושלם ויקח המלך את עשר נשים פלגשים אשר הניח לשמר הבית ויתנם בית משמרת ויכלכלם ואליהם לא בא ותהיינה צררות עד יום מתן אלמנות חיות {ס} art="x-p"/>
4 vnumber="4"> css="font-weight:bold"> ד ויאמר המלך אל עמשא הזעק לי את איש יהודה שלשת ימים ואתה פה עמד
5 vnumber="5"> css="font-weight:bold"> ה וילך עמשא להזעיק את יהודה וייחר (ויוחר) מן המועד אשר יעדו {ס} art="x-p"/>
6 vnumber="6"> css="font-weight:bold"> ו ויאמר דוד אל אבישי עתה ירע לנו שבע בן בכרי מן אבשלום אתה קח את עבדי אדניך ורדף אחריו--פן מצא לו ערים בצרות והציל עיננו
7 vnumber="7"> css="font-weight:bold"> ז ויצאו אחריו אנשי יואב והכרתי והפלתי וכל הגברים ויצאו מירושלם לרדף אחרי שבע בן בכרי
8 vnumber="8"> css="font-weight:bold"> ח הם עם האבן הגדולה אשר בגבעון ועמשא בא לפניהם ויואב חגור מדו לבשו ועלו חגור חרב מצמדת על מתניו בתערה והוא יצא ותפל {ס} art="x-p"/>
9 vnumber="9"> css="font-weight:bold"> ט ויאמר יואב לעמשא השלום אתה אחי ותחז יד ימין יואב בזקן עמשא--לנשק לו
10 vnumber="10"> css="font-weight:bold"> י ועמשא לא נשמר בחרב אשר ביד יואב ויכהו בה אל החמש וישפך מעיו ארצה ולא שנה לו--וימת ויואב ואבישי אחיו רדף אחרי שבע בן בכרי
11 vnumber="11"> css="font-weight:bold"> יא ואיש עמד עליו מנערי יואב ויאמר מי אשר חפץ ביואב ומי אשר לדוד--אחרי יואב
12 vnumber="12"> css="font-weight:bold"> יב ועמשא מתגלל בדם בתוך המסלה וירא האיש כי עמד כל העם ויסב את עמשא מן המסלה השדה וישלך עליו בגד כאשר ראה כל הבא עליו ועמד
13 vnumber="13"> css="font-weight:bold"> יג כאשר הגה מן המסלה--עבר כל איש אחרי יואב לרדף אחרי שבע בן בכרי
14 vnumber="14"> css="font-weight:bold"> יד ויעבר בכל שבטי ישראל אבלה ובית מעכה--וכל הברים {ס} ויקלהו (ויקהלו) ויבאו אף אחריו
15 vnumber="15"> css="font-weight:bold"> טו ויבאו ויצרו עליו באבלה בית המעכה וישפכו סללה אל העיר ותעמד בחל וכל העם אשר את יואב משחיתם להפיל החומה
16 vnumber="16"> css="font-weight:bold"> טז ותקרא אשה חכמה מן העיר שמעו שמעו אמרו נא אל יואב קרב עד הנה ואדברה אליך
17 vnumber="17"> css="font-weight:bold"> יז ויקרב אליה ותאמר האשה האתה יואב ויאמר אני ותאמר לו שמע דברי אמתך ויאמר שמע אנכי
18 vnumber="18"> css="font-weight:bold"> יח ותאמר לאמר דבר ידברו בראשנה לאמר שאול ישאלו באבל וכן התמו
19 vnumber="19"> css="font-weight:bold"> יט אנכי שלמי אמוני ישראל אתה מבקש להמית עיר ואם בישראל--למה תבלע נחלת יהוה {פ} art="x-p"/>
20 vnumber="20"> css="font-weight:bold"> כ ויען יואב ויאמר חלילה חלילה לי אם אבלע ואם אשחית
21 vnumber="21"> css="font-weight:bold"> כא לא כן הדבר כי איש מהר אפרים שבע בן בכרי שמו נשא ידו במלך בדוד--תנו אתו לבדו ואלכה מעל העיר ותאמר האשה אל יואב הנה ראשו משלך אליך בעד החומה
22 vnumber="22"> css="font-weight:bold"> כב ותבוא האשה אל כל העם בחכמתה ויכרתו את ראש שבע בן בכרי וישלכו אל יואב ויתקע בשפר ויפצו מעל העיר איש לאהליו ויואב שב ירושלם אל המלך {ס} art="x-p"/>
23 vnumber="23"> css="font-weight:bold"> כג ויואב אל כל הצבא ישראל ובניה בן יהוידע על הכרי (הכרתי) ועל הפלתי
24 vnumber="24"> css="font-weight:bold"> כד ואדרם על המס ויהושפט בן אחילוד המזכיר
25 vnumber="25"> css="font-weight:bold"> כה ושיא (ושוא) ספר וצדוק ואביתר כהנים
26 vnumber="26"> css="font-weight:bold"> כו וגם עירא היארי היה כהן לדוד {ס} art="x-p"/>