1 vnumber="1"> css="font-weight:bold"> א ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוה
2 vnumber="2"> css="font-weight:bold"> ב ויאמר אליו יהוה מזה (מה זה) בידך ויאמר מטה
3 vnumber="3"> css="font-weight:bold"> ג ויאמר השליכהו ארצה וישלכהו ארצה ויהי לנחש וינס משה מפניו
4 vnumber="4"> css="font-weight:bold"> ד ויאמר יהוה אל משה שלח ידך ואחז בזנבו וישלח ידו ויחזק בו ויהי למטה בכפו
5 vnumber="5"> css="font-weight:bold"> ה למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב
6 vnumber="6"> css="font-weight:bold"> ו ויאמר יהוה לו עוד הבא נא ידך בחיקך ויבא ידו בחיקו ויוצאה והנה ידו מצרעת כשלג
7 vnumber="7"> css="font-weight:bold"> ז ויאמר השב ידך אל חיקך וישב ידו אל חיקו ויוצאה מחיקו והנה שבה כבשרו
8 vnumber="8"> css="font-weight:bold"> ח והיה אם לא יאמינו לך ולא ישמעו לקל האת הראשון--והאמינו לקל האת האחרון
9 vnumber="9"> css="font-weight:bold"> ט והיה אם לא יאמינו גם לשני האתות האלה ולא ישמעון לקלך--ולקחת ממימי היאר ושפכת היבשה והיו המים אשר תקח מן היאר והיו לדם ביבשת
10 vnumber="10"> css="font-weight:bold"> י ויאמר משה אל יהוה בי אדני לא איש דברים אנכי גם מתמול גם משלשם גם מאז דברך אל עבדך כי כבד פה וכבד לשון אנכי
11 vnumber="11"> css="font-weight:bold"> יא ויאמר יהוה אליו מי שם פה לאדם או מי ישום אלם או חרש או פקח או עור--הלא אנכי יהוה
12 vnumber="12"> css="font-weight:bold"> יב ועתה לך ואנכי אהיה עם פיך והוריתיך אשר תדבר
13 vnumber="13"> css="font-weight:bold"> יג ויאמר בי אדני שלח נא ביד תשלח
14 vnumber="14"> css="font-weight:bold"> יד ויחר אף יהוה במשה ויאמר הלא אהרן אחיך הלוי--ידעתי כי דבר ידבר הוא וגם הנה הוא יצא לקראתך וראך ושמח בלבו
15 vnumber="15"> css="font-weight:bold"> טו ודברת אליו ושמת את הדברים בפיו ואנכי אהיה עם פיך ועם פיהו והוריתי אתכם את אשר תעשון
16 vnumber="16"> css="font-weight:bold"> טז ודבר הוא לך אל העם והיה הוא יהיה לך לפה ואתה תהיה לו לאלהים
17 vnumber="17"> css="font-weight:bold"> יז ואת המטה הזה תקח בידך אשר תעשה בו את האתת {פ} art="x-p"/>
18 vnumber="18"> css="font-weight:bold"> יח וילך משה וישב אל יתר חתנו ויאמר לו אלכה נא ואשובה אל אחי אשר במצרים ואראה העודם חיים ויאמר יתרו למשה לך לשלום
19 vnumber="19"> css="font-weight:bold"> יט ויאמר יהוה אל משה במדין לך שב מצרים כי מתו כל האנשים המבקשים את נפשך
20 vnumber="20"> css="font-weight:bold"> כ ויקח משה את אשתו ואת בניו וירכבם על החמר וישב ארצה מצרים ויקח משה את מטה האלהים בידו
21 vnumber="21"> css="font-weight:bold"> כא ויאמר יהוה אל משה בלכתך לשוב מצרימה ראה כל המפתים אשר שמתי בידך ועשיתם לפני פרעה ואני אחזק את לבו ולא ישלח את העם
22 vnumber="22"> css="font-weight:bold"> כב ואמרת אל פרעה כה אמר יהוה בני בכרי ישראל
23 vnumber="23"> css="font-weight:bold"> כג ואמר אליך שלח את בני ויעבדני ותמאן לשלחו--הנה אנכי הרג את בנך בכרך
24 vnumber="24"> css="font-weight:bold"> כד ויהי בדרך במלון ויפגשהו יהוה ויבקש המיתו
25 vnumber="25"> css="font-weight:bold"> כה ותקח צפרה צר ותכרת את ערלת בנה ותגע לרגליו ותאמר כי חתן דמים אתה לי
26 vnumber="26"> css="font-weight:bold"> כו וירף ממנו אז אמרה חתן דמים למולת {פ} art="x-p"/>
27 vnumber="27"> css="font-weight:bold"> כז ויאמר יהוה אל אהרן לך לקראת משה המדברה וילך ויפגשהו בהר האלהים--וישק לו
28 vnumber="28"> css="font-weight:bold"> כח ויגד משה לאהרן את כל דברי יהוה אשר שלחו ואת כל האתת אשר צוהו
29 vnumber="29"> css="font-weight:bold"> כט וילך משה ואהרן ויאספו את כל זקני בני ישראל
30 vnumber="30"> css="font-weight:bold"> ל וידבר אהרן--את כל הדברים אשר דבר יהוה אל משה ויעש האתת לעיני העם
31 vnumber="31"> css="font-weight:bold"> לא ויאמן העם וישמעו כי פקד יהוה את בני ישראל וכי ראה את ענים ויקדו וישתחוו art="x-p"/>