1 vnumber="1"> css="font-weight:bold"> א וירד שמשון תמנתה וירא אשה בתמנתה מבנות פלשתים
2 vnumber="2"> css="font-weight:bold"> ב ויעל ויגד לאביו ולאמו ויאמר אשה ראיתי בתמנתה מבנות פלשתים ועתה קחו אותה לי לאשה
3 vnumber="3"> css="font-weight:bold"> ג ויאמר לו אביו ואמו האין בבנות אחיך ובכל עמי אשה--כי אתה הולך לקחת אשה מפלשתים הערלים ויאמר שמשון אל אביו אותה קח לי כי היא ישרה בעיני
4 vnumber="4"> css="font-weight:bold"> ד ואביו ואמו לא ידעו כי מיהוה היא--כי תאנה הוא מבקש מפלשתים ובעת ההיא פלשתים משלים בישראל
5 vnumber="5"> css="font-weight:bold"> ה וירד שמשון ואביו ואמו תמנתה ויבאו עד כרמי תמנתה והנה כפיר אריות שאג לקראתו
6 vnumber="6"> css="font-weight:bold"> ו ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשה
7 vnumber="7"> css="font-weight:bold"> ז וירד וידבר לאשה ותישר בעיני שמשון
8 vnumber="8"> css="font-weight:bold"> ח וישב מימים לקחתה ויסר לראות את מפלת האריה והנה עדת דבורים בגוית האריה ודבש
9 vnumber="9"> css="font-weight:bold"> ט וירדהו אל כפיו וילך הלוך ואכל וילך אל אביו ואל אמו ויתן להם ויאכלו ולא הגיד להם כי מגוית האריה רדה הדבש
10 vnumber="10"> css="font-weight:bold"> י וירד אביהו אל האשה ויעש שם שמשון משתה כי כן יעשו הבחורים
11 vnumber="11"> css="font-weight:bold"> יא ויהי כראותם אותו ויקחו שלשים מרעים ויהיו אתו
12 vnumber="12"> css="font-weight:bold"> יב ויאמר להם שמשון אחודה נא לכם חידה אם הגד תגידו אותה לי שבעת ימי המשתה ומצאתם--ונתתי לכם שלשים סדינים ושלשים חלפת בגדים
13 vnumber="13"> css="font-weight:bold"> יג ואם לא תוכלו להגיד לי--ונתתם אתם לי שלשים סדינים ושלשים חליפות בגדים ויאמרו לו--חודה חידתך ונשמענה
14 vnumber="14"> css="font-weight:bold"> יד ויאמר להם מהאכל יצא מאכל ומעז יצא מתוק ולא יכלו להגיד החידה שלשת ימים
15 vnumber="15"> css="font-weight:bold"> טו ויהי ביום השביעי ויאמרו לאשת שמשון פתי את אישך ויגד לנו את החידה--פן נשרף אותך ואת בית אביך באש הלירשנו קראתם לנו הלא
16 vnumber="16"> css="font-weight:bold"> טז ותבך אשת שמשון עליו ותאמר רק שנאתני ולא אהבתני--החידה חדת לבני עמי ולי לא הגדתה ויאמר לה הנה לאבי ולאמי לא הגדתי--ולך אגיד
17 vnumber="17"> css="font-weight:bold"> יז ותבך עליו שבעת הימים אשר היה להם המשתה ויהי ביום השביעי ויגד לה כי הציקתהו ותגד החידה לבני עמה
18 vnumber="18"> css="font-weight:bold"> יח ויאמרו לו אנשי העיר ביום השביעי בטרם יבא החרסה מה מתוק מדבש ומה עז מארי ויאמר להם--לולא חרשתם בעגלתי לא מצאתם חידתי
19 vnumber="19"> css="font-weight:bold"> יט ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהו
20 vnumber="20"> css="font-weight:bold"> כ ותהי אשת שמשון למרעהו אשר רעה לו {פ} art="x-p"/>