1 vnumber="1"> css="font-weight:bold"> א ויהי בעת ההוא וירד יהודה מאת אחיו ויט עד איש עדלמי ושמו חירה
2 vnumber="2"> css="font-weight:bold"> ב וירא שם יהודה בת איש כנעני ושמו שוע ויקחה ויבא אליה
3 vnumber="3"> css="font-weight:bold"> ג ותהר ותלד בן ויקרא את שמו ער
4 vnumber="4"> css="font-weight:bold"> ד ותהר עוד ותלד בן ותקרא את שמו אונן
5 vnumber="5"> css="font-weight:bold"> ה ותסף עוד ותלד בן ותקרא את שמו שלה והיה בכזיב בלדתה אתו
6 vnumber="6"> css="font-weight:bold"> ו ויקח יהודה אשה לער בכורו ושמה תמר
7 vnumber="7"> css="font-weight:bold"> ז ויהי ער בכור יהודה--רע בעיני יהוה וימתהו יהוה
8 vnumber="8"> css="font-weight:bold"> ח ויאמר יהודה לאונן בא אל אשת אחיך ויבם אתה והקם זרע לאחיך
9 vnumber="9"> css="font-weight:bold"> ט וידע אונן כי לא לו יהיה הזרע והיה אם בא אל אשת אחיו ושחת ארצה לבלתי נתן זרע לאחיו
10 vnumber="10"> css="font-weight:bold"> י וירע בעיני יהוה אשר עשה וימת גם אתו
11 vnumber="11"> css="font-weight:bold"> יא ויאמר יהודה לתמר כלתו שבי אלמנה בית אביך עד יגדל שלה בני--כי אמר פן ימות גם הוא כאחיו ותלך תמר ותשב בית אביה
12 vnumber="12"> css="font-weight:bold"> יב וירבו הימים ותמת בת שוע אשת יהודה וינחם יהודה ויעל על גזזי צאנו הוא וחירה רעהו העדלמי--תמנתה
13 vnumber="13"> css="font-weight:bold"> יג ויגד לתמר לאמר הנה חמיך עלה תמנתה לגז צאנו
14 vnumber="14"> css="font-weight:bold"> יד ותסר בגדי אלמנותה מעליה ותכס בצעיף ותתעלף ותשב בפתח עינים אשר על דרך תמנתה כי ראתה כי גדל שלה והוא לא נתנה לו לאשה
15 vnumber="15"> css="font-weight:bold"> טו ויראה יהודה ויחשבה לזונה כי כסתה פניה
16 vnumber="16"> css="font-weight:bold"> טז ויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אלי
17 vnumber="17"> css="font-weight:bold"> יז ויאמר אנכי אשלח גדי עזים מן הצאן ותאמר אם תתן ערבון עד שלחך
18 vnumber="18"> css="font-weight:bold"> יח ויאמר מה הערבון אשר אתן לך ותאמר חתמך ופתילך ומטך אשר בידך ויתן לה ויבא אליה ותהר לו
19 vnumber="19"> css="font-weight:bold"> יט ותקם ותלך ותסר צעיפה מעליה ותלבש בגדי אלמנותה
20 vnumber="20"> css="font-weight:bold"> כ וישלח יהודה את גדי העזים ביד רעהו העדלמי לקחת הערבון מיד האשה ולא מצאה
21 vnumber="21"> css="font-weight:bold"> כא וישאל את אנשי מקמה לאמר איה הקדשה הוא בעינים על הדרך ויאמרו לא היתה בזה קדשה
22 vnumber="22"> css="font-weight:bold"> כב וישב אל יהודה ויאמר לא מצאתיה וגם אנשי המקום אמרו לא היתה בזה קדשה
23 vnumber="23"> css="font-weight:bold"> כג ויאמר יהודה תקח לה פן נהיה לבוז הנה שלחתי הגדי הזה ואתה לא מצאתה
24 vnumber="24"> css="font-weight:bold"> כד ויהי כמשלש חדשים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשרף
25 vnumber="25"> css="font-weight:bold"> כה הוא מוצאת והיא שלחה אל חמיה לאמר לאיש אשר אלה לו אנכי הרה ותאמר הכר נא--למי החתמת והפתילים והמטה האלה
26 vnumber="26"> css="font-weight:bold"> כו ויכר יהודה ויאמר צדקה ממני כי על כן לא נתתיה לשלה בני ולא יסף עוד לדעתה
27 vnumber="27"> css="font-weight:bold"> כז ויהי בעת לדתה והנה תאומים בבטנה
28 vnumber="28"> css="font-weight:bold"> כח ויהי בלדתה ויתן יד ותקח המילדת ותקשר על ידו שני לאמר זה יצא ראשנה
29 vnumber="29"> css="font-weight:bold"> כט ויהי כמשיב ידו והנה יצא אחיו ותאמר מה פרצת עליך פרץ ויקרא שמו פרץ
30 vnumber="30"> css="font-weight:bold"> ל ואחר יצא אחיו אשר על ידו השני ויקרא שמו זרח {ס} art="x-p"/>