1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב בן אדם הנבא על רועי ישראל הנבא ואמרת אליהם לרעים כה אמר אדני יהוה הוי רעי ישראל אשר היו רעים אותם--הלוא הצאן ירעו הרעים
3 vnumber="3"> css="font-weight:bold"> ג את החלב תאכלו ואת הצמר תלבשו הבריאה תזבחו הצאן לא תרעו
4 vnumber="4"> css="font-weight:bold"> ד את הנחלות לא חזקתם ואת החולה לא רפאתם ולנשברת לא חבשתם ואת הנדחת לא השבתם ואת האבדת לא בקשתם ובחזקה רדיתם אתם ובפרך
5 vnumber="5"> css="font-weight:bold"> ה ותפוצינה מבלי רעה ותהיינה לאכלה לכל חית השדה ותפוצינה
6 vnumber="6"> css="font-weight:bold"> ו ישגו צאני בכל ההרים ועל כל גבעה רמה ועל כל פני הארץ נפצו צאני ואין דורש ואין מבקש
7 vnumber="7"> css="font-weight:bold"> ז לכן רעים שמעו את דבר יהוה
8 vnumber="8"> css="font-weight:bold"> ח חי אני נאם אדני יהוה אם לא יען היות צאני לבז ותהיינה צאני לאכלה לכל חית השדה מאין רעה ולא דרשו רעי את צאני וירעו הרעים אותם ואת צאני לא רעו
9 vnumber="9"> css="font-weight:bold"> ט לכן הרעים--שמעו דבר יהוה
10 vnumber="10"> css="font-weight:bold"> י כה אמר אדני יהוה הנני אל הרעים ודרשתי את צאני מידם והשבתים מרעות צאן ולא ירעו עוד הרעים אותם והצלתי צאני מפיהם ולא תהיין להם לאכלה {ס} art="x-p"/>
11 vnumber="11"> css="font-weight:bold"> יא כי כה אמר אדני יהוה הנני אני ודרשתי את צאני ובקרתים
12 vnumber="12"> css="font-weight:bold"> יב כבקרת רעה עדרו ביום היותו בתוך צאנו נפרשות--כן אבקר את צאני והצלתי אתהם מכל המקומת אשר נפצו שם ביום ענן וערפל
13 vnumber="13"> css="font-weight:bold"> יג והוצאתים מן העמים וקבצתים מן הארצות והביאותים אל אדמתם ורעיתים אל הרי ישראל באפיקים ובכל מושבי הארץ
14 vnumber="14"> css="font-weight:bold"> יד במרעה טוב ארעה אתם ובהרי מרום ישראל יהיה נוהם שם תרבצנה בנוה טוב ומרעה שמן תרעינה אל הרי ישראל
15 vnumber="15"> css="font-weight:bold"> טו אני ארעה צאני ואני ארביצם נאם אדני יהוה
16 vnumber="16"> css="font-weight:bold"> טז את האבדת אבקש ואת הנדחת אשיב ולנשברת אחבש ואת החולה אחזק ואת השמנה ואת החזקה אשמיד ארענה במשפט
17 vnumber="17"> css="font-weight:bold"> יז ואתנה צאני כה אמר אדני יהוה הנני שפט בין שה לשה לאילים ולעתודים
18 vnumber="18"> css="font-weight:bold"> יח המעט מכם המרעה הטוב תרעו ויתר מרעיכם תרמסו ברגליכם ומשקע מים תשתו--ואת הנותרים ברגליכם תרפשון
19 vnumber="19"> css="font-weight:bold"> יט וצאני--מרמס רגליכם תרעינה ומרפש רגליכם תשתינה {פ} art="x-p"/>
20 vnumber="20"> css="font-weight:bold"> כ לכן כה אמר אדני יהוה--אליהם הנני אני--ושפטתי בין שה בריה ובין שה רזה
21 vnumber="21"> css="font-weight:bold"> כא יען בצד ובכתף תהדפו ובקרניכם תנגחו כל הנחלות--עד אשר הפיצותם אותנה אל החוצה
22 vnumber="22"> css="font-weight:bold"> כב והושעתי לצאני ולא תהיינה עוד לבז ושפטתי בין שה לשה
23 vnumber="23"> css="font-weight:bold"> כג והקמתי עליהם רעה אחד ורעה אתהן--את עבדי דויד הוא ירעה אתם והוא יהיה להן לרעה
24 vnumber="24"> css="font-weight:bold"> כד ואני יהוה אהיה להם לאלהים ועבדי דוד נשיא בתוכם אני יהוה דברתי
25 vnumber="25"> css="font-weight:bold"> כה וכרתי להם ברית שלום והשבתי חיה רעה מן הארץ וישבו במדבר לבטח וישנו ביערים
26 vnumber="26"> css="font-weight:bold"> כו ונתתי אותם וסביבות גבעתי ברכה והורדתי הגשם בעתו גשמי ברכה יהיו
27 vnumber="27"> css="font-weight:bold"> כז ונתן עץ השדה את פריו והארץ תתן יבולה והיו על אדמתם לבטח וידעו כי אני יהוה בשברי את מטות עלם והצלתים מיד העבדים בהם
28 vnumber="28"> css="font-weight:bold"> כח ולא יהיו עוד בז לגוים וחית הארץ לא תאכלם וישבו לבטח ואין מחריד
29 vnumber="29"> css="font-weight:bold"> כט והקמתי להם מטע לשם ולא יהיו עוד אספי רעב בארץ ולא ישאו עוד כלמת הגוים
30 vnumber="30"> css="font-weight:bold"> ל וידעו כי אני יהוה אלהיהם--אתם והמה עמי בית ישראל--נאם אדני יהוה
31 vnumber="31"> css="font-weight:bold"> לא ואתן צאני צאן מרעיתי אדם אתם אני אלהיכם--נאם אדני יהוה {פ} art="x-p"/>