1 vnumber="1"> תפלה למשה איש-האלהים br אדני--מעון אתה היית לנו בדר ודר br
2 vnumber="2"> בטרם הרים ילדו-- ותחולל ארץ ותבל br ומעולם עד-עולם אתה אל br
3 vnumber="3"> תשב אנוש עד-דכא ותאמר שובו בני-אדם br
4 vnumber="4"> כי אלף שנים בעיניך-- כיום אתמול כי יעבר br ואשמורה בלילה br
5 vnumber="5"> זרמתם שנה יהיו בבקר כחציר יחלף br
6 vnumber="6"> בבקר יציץ וחלף לערב ימולל ויבש br
7 vnumber="7"> כי-כלינו באפך ובחמתך נבהלנו br
8 vnumber="8"> שת (שתה) עונתינו לנגדך עלמנו למאור פניך br
9 vnumber="9"> כי כל-ימינו פנו בעברתך כלינו שנינו כמו-הגה br
10 vnumber="10"> ימי-שנותינו בהם שבעים שנה ואם בגבורת שמונים שנה-- br ורהבם עמל ואון br כי-גז חיש ונעפה br
11 vnumber="11"> מי-יודע עז אפך וכיראתך עברתך br
12 vnumber="12"> למנות ימינו כן הודע ונבא לבב חכמה br
13 vnumber="13"> שובה יהוה עד-מתי והנחם על-עבדיך br
14 vnumber="14"> שבענו בבקר חסדך ונרננה ונשמחה בכל-ימינו br
15 vnumber="15"> שמחנו כימות עניתנו שנות ראינו רעה br
16 vnumber="16"> יראה אל-עבדיך פעלך והדרך על-בניהם br
17 vnumber="17"> ויהי נעם אדני אלהינו-- עלינו br ומעשה ידינו כוננה עלינו ומעשה ידינו כוננהו
art="x-p"/>