1 vnumber="1"> css="font-weight:bold"> א ואמר שמעו נא ראשי יעקב וקציני בית ישראל הלוא לכם לדעת את המשפט
2 vnumber="2"> css="font-weight:bold"> ב שנאי טוב ואהבי רעה (רע) גזלי עורם מעליהם ושארם מעל עצמותם
3 vnumber="3"> css="font-weight:bold"> ג ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת
4 vnumber="4"> css="font-weight:bold"> ד אז יזעקו אל יהוה ולא יענה אותם ויסתר פניו מהם בעת ההיא כאשר הרעו מעלליהם {פ} art="x-p"/>
5 vnumber="5"> css="font-weight:bold"> ה כה אמר יהוה על הנביאים המתעים את עמי--הנשכים בשניהם וקראו שלום ואשר לא יתן על פיהם וקדשו עליו מלחמה
6 vnumber="6"> css="font-weight:bold"> ו לכן לילה לכם מחזון וחשכה לכם מקסם ובאה השמש על הנביאים וקדר עליהם היום
7 vnumber="7"> css="font-weight:bold"> ז ובשו החזים וחפרו הקסמים ועטו על שפם כלם כי אין מענה אלהים
8 vnumber="8"> css="font-weight:bold"> ח ואולם אנכי מלאתי כח את רוח יהוה ומשפט וגבורה--להגיד ליעקב פשעו ולישראל חטאתו {ס} art="x-p"/>
9 vnumber="9"> css="font-weight:bold"> ט שמעו נא זאת ראשי בית יעקב וקציני בית ישראל--המתעבים משפט ואת כל הישרה יעקשו
10 vnumber="10"> css="font-weight:bold"> י בנה ציון בדמים וירושלם בעולה
11 vnumber="11"> css="font-weight:bold"> יא ראשיה בשחד ישפטו וכהניה במחיר יורו ונביאיה בכסף יקסמו ועל יהוה ישענו לאמר הלוא יהוה בקרבנו לא תבוא עלינו רעה
12 vnumber="12"> css="font-weight:bold"> יב לכן בגללכם ציון שדה תחרש וירושלם עיין תהיה והר הבית לבמות יער {פ} art="x-p"/>