1 vnumber="1"> מזמור שיר-חנכת הבית לדוד br
2 vnumber="2"> ארוממך יהוה כי דליתני ולא-שמחת איבי לי br
3 vnumber="3"> יהוה אלהי-- שועתי אליך ותרפאני br
4 vnumber="4"> יהוה--העלית מן-שאול נפשי חייתני מיורדי- (מירדי-) בור br
5 vnumber="5"> זמרו ליהוה חסידיו והודו לזכר קדשו br
6 vnumber="6"> כי רגע באפו-- חיים ברצונו br בערב ילין בכי ולבקר רנה br
7 vnumber="7"> ואני אמרתי בשלוי-- בל-אמוט לעולם br
8 vnumber="8"> יהוה-- ברצונך העמדתה להררי-עז br הסתרת פניך הייתי נבהל br
9 vnumber="9"> אליך יהוה אקרא ואל-אדני אתחנן br
10 vnumber="10"> מה-בצע בדמי ברדתי אל-שחת br היודך עפר היגיד אמתך br
11 vnumber="11"> שמע-יהוה וחנני יהוה היה-עזר לי br
12 vnumber="12"> הפכת מספדי למחול לי פתחת שקי ותאזרני שמחה br (Psalms 30:13) למען יזמרך כבוד-- ולא ידם br יהוה אלהי לעולם אודך
art="x-p"/>