1 vnumber="1"> css="font-weight:bold"> א ויאמר יהוה אל משה עוד נגע אחד אביא על פרעה ועל מצרים--אחרי כן ישלח אתכם מזה כשלחו--כלה גרש יגרש אתכם מזה
2 vnumber="2"> css="font-weight:bold"> ב דבר נא באזני העם וישאלו איש מאת רעהו ואשה מאת רעותה כלי כסף וכלי זהב
3 vnumber="3"> css="font-weight:bold"> ג ויתן יהוה את חן העם בעיני מצרים גם האיש משה גדול מאד בארץ מצרים בעיני עבדי פרעה ובעיני העם {ס} art="x-p"/>
4 vnumber="4"> css="font-weight:bold"> ד ויאמר משה כה אמר יהוה כחצת הלילה אני יוצא בתוך מצרים
5 vnumber="5"> css="font-weight:bold"> ה ומת כל בכור בארץ מצרים--מבכור פרעה הישב על כסאו עד בכור השפחה אשר אחר הרחים וכל בכור בהמה
6 vnumber="6"> css="font-weight:bold"> ו והיתה צעקה גדלה בכל ארץ מצרים אשר כמהו לא נהיתה וכמהו לא תסף
7 vnumber="7"> css="font-weight:bold"> ז ולכל בני ישראל לא יחרץ כלב לשנו למאיש ועד בהמה--למען תדעון אשר יפלה יהוה בין מצרים ובין ישראל
8 vnumber="8"> css="font-weight:bold"> ח וירדו כל עבדיך אלה אלי והשתחוו לי לאמר צא אתה וכל העם אשר ברגליך ואחרי כן אצא ויצא מעם פרעה בחרי אף {ס} art="x-p"/>
9 vnumber="9"> css="font-weight:bold"> ט ויאמר יהוה אל משה לא ישמע אליכם פרעה--למען רבות מופתי בארץ מצרים
10 vnumber="10"> css="font-weight:bold"> י ומשה ואהרן עשו את כל המפתים האלה--לפני פרעה ויחזק יהוה את לב פרעה ולא שלח את בני ישראל מארצו {ס} art="x-p"/>