1 vnumber="1"> css="font-weight:bold"> א רני עקרה לא ילדה פצחי רנה וצהלי לא חלה כי רבים בני שוממה מבני בעולה אמר יהוה
2 vnumber="2"> css="font-weight:bold"> ב הרחיבי מקום אהלך ויריעות משכנותיך יטו--אל תחשכי האריכי מיתריך ויתדתיך חזקי
3 vnumber="3"> css="font-weight:bold"> ג כי ימין ושמאול תפרצי וזרעך גוים יירש וערים נשמות יושיבו
4 vnumber="4"> css="font-weight:bold"> ד אל תיראי כי לא תבושי ואל תכלמי כי לא תחפירי כי בשת עלומיך תשכחי וחרפת אלמנותיך לא תזכרי עוד
5 vnumber="5"> css="font-weight:bold"> ה כי בעליך עשיך יהוה צבאות שמו וגאלך קדוש ישראל אלהי כל הארץ יקרא
6 vnumber="6"> css="font-weight:bold"> ו כי כאשה עזובה ועצובת רוח קראך יהוה ואשת נעורים כי תמאס אמר אלהיך
7 vnumber="7"> css="font-weight:bold"> ז ברגע קטן עזבתיך וברחמים גדלים אקבצך
8 vnumber="8"> css="font-weight:bold"> ח בשצף קצף הסתרתי פני רגע ממך ובחסד עולם רחמתיך--אמר גאלך יהוה {ס} art="x-p"/>
9 vnumber="9"> css="font-weight:bold"> ט כי מי נח זאת לי אשר נשבעתי מעבר מי נח עוד על הארץ--כן נשבעתי מקצף עליך ומגער בך
10 vnumber="10"> css="font-weight:bold"> י כי ההרים ימושו והגבעות תמוטינה--וחסדי מאתך לא ימוש וברית שלומי לא תמוט אמר מרחמך יהוה {ס} art="x-p"/>
11 vnumber="11"> css="font-weight:bold"> יא עניה סערה לא נחמה הנה אנכי מרביץ בפוך אבניך ויסדתיך בספירים
12 vnumber="12"> css="font-weight:bold"> יב ושמתי כדכד שמשתיך ושעריך לאבני אקדח וכל גבולך לאבני חפץ
13 vnumber="13"> css="font-weight:bold"> יג וכל בניך למודי יהוה ורב שלום בניך
14 vnumber="14"> css="font-weight:bold"> יד בצדקה תכונני רחקי מעשק כי לא תיראי וממחתה כי לא תקרב אליך
15 vnumber="15"> css="font-weight:bold"> טו הן גור יגור אפס מאותי--מי גר אתך עליך יפול
16 vnumber="16"> css="font-weight:bold"> טז הן (הנה) אנכי בראתי חרש--נפח באש פחם ומוציא כלי למעשהו ואנכי בראתי משחית לחבל
17 vnumber="17"> css="font-weight:bold"> יז כל כלי יוצר עליך לא יצלח וכל לשון תקום אתך למשפט תרשיעי זאת נחלת עבדי יהוה וצדקתם מאתי--נאם יהוה {ס} art="x-p"/>