1 vnumber="1"> css="font-weight:bold"> א ויבאו שני המלאכים סדמה בערב ולוט ישב בשער סדם וירא לוט ויקם לקראתם וישתחו אפים ארצה
2 vnumber="2"> css="font-weight:bold"> ב ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נלין
3 vnumber="3"> css="font-weight:bold"> ג ויפצר בם מאד--ויסרו אליו ויבאו אל ביתו ויעש להם משתה ומצות אפה ויאכלו
4 vnumber="4"> css="font-weight:bold"> ד טרם ישכבו ואנשי העיר אנשי סדם נסבו על הבית מנער ועד זקן כל העם מקצה
5 vnumber="5"> css="font-weight:bold"> ה ויקראו אל לוט ויאמרו לו איה האנשים אשר באו אליך הלילה הוציאם אלינו ונדעה אתם
6 vnumber="6"> css="font-weight:bold"> ו ויצא אלהם לוט הפתחה והדלת סגר אחריו
7 vnumber="7"> css="font-weight:bold"> ז ויאמר אל נא אחי תרעו
8 vnumber="8"> css="font-weight:bold"> ח הנה נא לי שתי בנות אשר לא ידעו איש--אוציאה נא אתהן אליכם ועשו להן כטוב בעיניכם רק לאנשים האל אל תעשו דבר כי על כן באו בצל קרתי
9 vnumber="9"> css="font-weight:bold"> ט ויאמרו גש הלאה ויאמרו האחד בא לגור וישפט שפוט--עתה נרע לך מהם ויפצרו באיש בלוט מאד ויגשו לשבר הדלת
10 vnumber="10"> css="font-weight:bold"> י וישלחו האנשים את ידם ויביאו את לוט אליהם הביתה ואת הדלת סגרו
11 vnumber="11"> css="font-weight:bold"> יא ואת האנשים אשר פתח הבית הכו בסנורים מקטן ועד גדול וילאו למצא הפתח
12 vnumber="12"> css="font-weight:bold"> יב ויאמרו האנשים אל לוט עד מי לך פה--חתן ובניך ובנתיך וכל אשר לך בעיר הוצא מן המקום
13 vnumber="13"> css="font-weight:bold"> יג כי משחתים אנחנו את המקום הזה כי גדלה צעקתם את פני יהוה וישלחנו יהוה לשחתה
14 vnumber="14"> css="font-weight:bold"> יד ויצא לוט וידבר אל חתניו לקחי בנתיו ויאמר קומו צאו מן המקום הזה כי משחית יהוה את העיר ויהי כמצחק בעיני חתניו
15 vnumber="15"> css="font-weight:bold"> טו וכמו השחר עלה ויאיצו המלאכים בלוט לאמר קום קח את אשתך ואת שתי בנתיך הנמצאת--פן תספה בעון העיר
16 vnumber="16"> css="font-weight:bold"> טז ויתמהמה--ויחזיקו האנשים בידו וביד אשתו וביד שתי בנתיו בחמלת יהוה עליו ויצאהו וינחהו מחוץ לעיר
17 vnumber="17"> css="font-weight:bold"> יז ויהי כהוציאם אתם החוצה ויאמר המלט על נפשך--אל תביט אחריך ואל תעמד בכל הככר ההרה המלט פן תספה
18 vnumber="18"> css="font-weight:bold"> יח ויאמר לוט אלהם אל נא אדני
19 vnumber="19"> css="font-weight:bold"> יט הנה נא מצא עבדך חן בעיניך ותגדל חסדך אשר עשית עמדי להחיות את נפשי ואנכי לא אוכל להמלט ההרה--פן תדבקני הרעה ומתי
20 vnumber="20"> css="font-weight:bold"> כ הנה נא העיר הזאת קרבה לנוס שמה--והוא מצער אמלטה נא שמה הלא מצער הוא--ותחי נפשי
21 vnumber="21"> css="font-weight:bold"> כא ויאמר אליו--הנה נשאתי פניך גם לדבר הזה לבלתי הפכי את העיר אשר דברת
22 vnumber="22"> css="font-weight:bold"> כב מהר המלט שמה כי לא אוכל לעשות דבר עד באך שמה על כן קרא שם העיר צוער
23 vnumber="23"> css="font-weight:bold"> כג השמש יצא על הארץ ולוט בא צערה
24 vnumber="24"> css="font-weight:bold"> כד ויהוה המטיר על סדם ועל עמרה--גפרית ואש מאת יהוה מן השמים
25 vnumber="25"> css="font-weight:bold"> כה ויהפך את הערים האל ואת כל הככר ואת כל ישבי הערים וצמח האדמה
26 vnumber="26"> css="font-weight:bold"> כו ותבט אשתו מאחריו ותהי נציב מלח
27 vnumber="27"> css="font-weight:bold"> כז וישכם אברהם בבקר אל המקום--אשר עמד שם את פני יהוה
28 vnumber="28"> css="font-weight:bold"> כח וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן
29 vnumber="29"> css="font-weight:bold"> כט ויהי בשחת אלהים את ערי הככר ויזכר אלהים את אברהם וישלח את לוט מתוך ההפכה בהפך את הערים אשר ישב בהן לוט
30 vnumber="30"> css="font-weight:bold"> ל ויעל לוט מצוער וישב בהר ושתי בנתיו עמו כי ירא לשבת בצוער וישב במערה--הוא ושתי בנתיו
31 vnumber="31"> css="font-weight:bold"> לא ותאמר הבכירה אל הצעירה אבינו זקן ואיש אין בארץ לבוא עלינו כדרך כל הארץ
32 vnumber="32"> css="font-weight:bold"> לב לכה נשקה את אבינו יין ונשכבה עמו ונחיה מאבינו זרע
33 vnumber="33"> css="font-weight:bold"> לג ותשקין את אביהן יין בלילה הוא ותבא הבכירה ותשכב את אביה ולא ידע בשכבה ובקומה
34 vnumber="34"> css="font-weight:bold"> לד ויהי ממחרת ותאמר הבכירה אל הצעירה הן שכבתי אמש את אבי נשקנו יין גם הלילה ובאי שכבי עמו ונחיה מאבינו זרע
35 vnumber="35"> css="font-weight:bold"> לה ותשקין גם בלילה ההוא את אביהן--יין ותקם הצעירה ותשכב עמו ולא ידע בשכבה ובקמה
36 vnumber="36"> css="font-weight:bold"> לו ותהרין שתי בנות לוט מאביהן
37 vnumber="37"> css="font-weight:bold"> לז ותלד הבכירה בן ותקרא שמו מואב הוא אבי מואב עד היום
38 vnumber="38"> css="font-weight:bold"> לח והצעירה גם הוא ילדה בן ותקרא שמו בן עמי הוא אבי בני עמון עד היום {ס} art="x-p"/>