1 vnumber="1"> בעת ההיא נאם יהוה ויציאו (יוציאו) את עצמות מלכי יהודה ואת עצמות שריו ואת עצמות הכהנים ואת עצמות הנביאים ואת עצמות יושבי ירושלם--מקבריהם
2 vnumber="2"> ושטחום לשמש ולירח ולכל צבא השמים אשר אהבום ואשר עבדום ואשר הלכו אחריהם ואשר דרשום ואשר השתחוו להם לא יאספו ולא יקברו לדמן על פני האדמה יהיו
3 vnumber="3"> ונבחר מות מחיים לכל השארית הנשארים מן המשפחה הרעה הזאת--בכל המקמות הנשארים אשר הדחתים שם נאם יהוה צבאות {ס}
art="x-p"/>
4 vnumber="4"> ואמרת אליהם כה אמר יהוה היפלו ולא יקומו אם ישוב ולא ישוב
5 vnumber="5"> מדוע שובבה העם הזה ירושלם--משבה נצחת החזיקו בתרמת--מאנו לשוב
6 vnumber="6"> הקשבתי ואשמע לוא כן ידברו--אין איש נחם על רעתו לאמר מה עשיתי כלה שב במרצותם (במרוצתם) כסוס שוטף במלחמה
7 vnumber="7"> גם חסידה בשמים ידעה מועדיה ותר וסוס (וסיס) ועגור שמרו את עת באנה ועמי--לא ידעו את משפט יהוה
8 vnumber="8"> איכה תאמרו חכמים אנחנו ותורת יהוה אתנו אכן הנה לשקר עשה עט שקר ספרים
9 vnumber="9"> הבשו חכמים חתו וילכדו הנה בדבר יהוה מאסו וחכמת מה להם
10 vnumber="10"> לכן אתן את נשיהם לאחרים שדותיהם ליורשים--כי מקטן ועד גדול כלה בצע בצע מנביא ועד כהן--כלה עשה שקר
11 vnumber="11"> וירפו את שבר בת עמי על נקלה--לאמר שלום שלום ואין שלום
12 vnumber="12"> הבשו כי תועבה עשו גם בוש לא יבשו והכלם לא ידעו--לכן יפלו בנפלים בעת פקדתם יכשלו אמר יהוה {פ}
art="x-p"/>
13 vnumber="13"> אסף אסיפם נאם יהוה אין ענבים בגפן ואין תאנים בתאנה והעלה נבל--ואתן להם יעברום
14 vnumber="14"> על מה אנחנו ישבים--האספו ונבוא אל ערי המבצר ונדמה שם כי יהוה אלהינו הדמנו וישקנו מי ראש כי חטאנו ליהוה
15 vnumber="15"> קוה לשלום ואין טוב לעת מרפה והנה בעתה
16 vnumber="16"> מדן נשמע נחרת סוסיו--מקול מצהלות אביריו רעשה כל הארץ ויבואו ויאכלו ארץ ומלואה--עיר וישבי בה {פ}
art="x-p"/>
17 vnumber="17"> כי הנני משלח בכם נחשים צפענים אשר אין להם לחש ונשכו אתכם נאם יהוה {ס}
art="x-p"/>
18 vnumber="18"> מבליגיתי עלי יגון עלי לבי דוי
19 vnumber="19"> הנה קול שועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם--בהבלי נכר
20 vnumber="20"> עבר קציר כלה קיץ ואנחנו לוא נושענו
21 vnumber="21"> על שבר בת עמי השברתי קדרתי שמה החזקתני
22 vnumber="22"> הצרי אין בגלעד אם רפא אין שם כי מדוע לא עלתה ארכת בת עמי {ס}
art="x-p"/> (Jeremiah 8:23) מי יתן ראשי מים ועיני מקור דמעה ואבכה יומם ולילה את חללי בת עמי {ס}
art="x-p"/>