1 vnumber="1"> כה אמר יהוה למשיחו לכורש אשר החזקתי בימינו לרד לפניו גוים ומתני מלכים אפתח--לפתח לפניו דלתים ושערים לא יסגרו
2 vnumber="2"> אני לפניך אלך והדורים אושר (אישר) דלתות נחושה אשבר ובריחי ברזל אגדע
3 vnumber="3"> ונתתי לך אוצרות חשך ומטמני מסתרים למען תדע כי אני יהוה הקורא בשמך--אלהי ישראל
4 vnumber="4"> למען עבדי יעקב וישראל בחירי ואקרא לך בשמך אכנך ולא ידעתני
5 vnumber="5"> אני יהוה ואין עוד זולתי אין אלהים אאזרך ולא ידעתני
6 vnumber="6"> למען ידעו ממזרח שמש וממערבה כי אפס בלעדי אני יהוה ואין עוד
7 vnumber="7"> יוצר אור ובורא חשך עשה שלום ובורא רע אני יהוה עשה כל אלה {פ}
art="x-p"/>
8 vnumber="8"> הרעיפו שמים ממעל ושחקים יזלו צדק תפתח ארץ ויפרו ישע וצדקה תצמיח יחד--אני יהוה בראתיו {ס}
art="x-p"/>
9 vnumber="9"> הוי רב את יצרו--חרש את חרשי אדמה היאמר חמר ליצרו מה תעשה ופעלך אין ידים לו {ס}
art="x-p"/>
10 vnumber="10"> הוי אמר לאב מה תוליד ולאשה מה תחילין {ס}
art="x-p"/>
11 vnumber="11"> כה אמר יהוה קדוש ישראל ויצרו האתיות שאלוני על בני ועל פעל ידי תצוני
12 vnumber="12"> אנכי עשיתי ארץ ואדם עליה בראתי אני ידי נטו שמים וכל צבאם צויתי
13 vnumber="13"> אנכי העירתהו בצדק וכל דרכיו אישר הוא יבנה עירי וגלותי ישלח--לא במחיר ולא בשחד אמר יהוה צבאות {ס}
art="x-p"/>
14 vnumber="14"> כה אמר יהוה יגיע מצרים וסחר כוש וסבאים אנשי מדה עליך יעברו ולך יהיו אחריך ילכו בזקים יעברו ואליך ישתחוו אליך יתפללו אך בך אל ואין עוד אפס אלהים
15 vnumber="15"> אכן אתה אל מסתתר--אלהי ישראל מושיע
16 vnumber="16"> בושו וגם נכלמו כלם יחדו הלכו בכלמה חרשי צירים
17 vnumber="17"> ישראל נושע ביהוה תשועת עולמים לא תבשו ולא תכלמו עד עולמי עד {פ}
art="x-p"/>
18 vnumber="18"> כי כה אמר יהוה בורא השמים הוא האלהים יצר הארץ ועשה הוא כוננה--לא תהו בראה לשבת יצרה אני יהוה ואין עוד
19 vnumber="19"> לא בסתר דברתי במקום ארץ חשך--לא אמרתי לזרע יעקב תהו בקשוני אני יהוה דבר צדק מגיד מישרים
20 vnumber="20"> הקבצו ובאו התנגשו יחדו פליטי הגוים לא ידעו הנשאים את עץ פסלם ומתפללים אל אל לא יושיע
21 vnumber="21"> הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי--אל צדיק ומושיע אין זולתי
22 vnumber="22"> פנו אלי והושעו כל אפסי ארץ כי אני אל ואין עוד
23 vnumber="23"> בי נשבעתי--יצא מפי צדקה דבר ולא ישוב כי לי תכרע כל ברך תשבע כל לשון
24 vnumber="24"> אך ביהוה לי אמר צדקות ועז עדיו יבוא ויבשו כל הנחרים בו
25 vnumber="25"> ביהוה יצדקו ויתהללו כל זרע ישראל
art="x-p"/>