1 vnumber="1"> css="font-weight:bold"> א אל תשמח ישראל אל גיל כעמים כי זנית מעל אלהיך אהבת אתנן על כל גרנות דגן
2 vnumber="2"> css="font-weight:bold"> ב גרן ויקב לא ירעם ותירוש יכחש בה
3 vnumber="3"> css="font-weight:bold"> ג לא ישבו בארץ יהוה ושב אפרים מצרים ובאשור טמא יאכלו
4 vnumber="4"> css="font-weight:bold"> ד לא יסכו ליהוה יין ולא יערבו לו--זבחיהם כלחם אונים להם כל אכליו יטמאו כי לחמם לנפשם לא יבוא בית יהוה
5 vnumber="5"> css="font-weight:bold"> ה מה תעשו ליום מועד וליום חג יהוה
6 vnumber="6"> css="font-weight:bold"> ו כי הנה הלכו משד מצרים תקבצם מף תקברם מחמד לכספם קמוש יירשם חוח באהליהם
7 vnumber="7"> css="font-weight:bold"> ז באו ימי הפקדה באו ימי השלם--ידעו ישראל אויל הנביא משגע איש הרוח--על רב עונך ורבה משטמה
8 vnumber="8"> css="font-weight:bold"> ח צפה אפרים עם אלהי נביא פח יקוש על כל דרכיו--משטמה בבית אלהיו
9 vnumber="9"> css="font-weight:bold"> ט העמיקו שחתו כימי הגבעה יזכור עונם יפקוד חטאותם {ס} art="x-p"/>
10 vnumber="10"> css="font-weight:bold"> י כענבים במדבר מצאתי ישראל--כבכורה בתאנה בראשיתה ראיתי אבותיכם המה באו בעל פעור וינזרו לבשת ויהיו שקוצים כאהבם
11 vnumber="11"> css="font-weight:bold"> יא אפרים כעוף יתעופף כבודם מלדה ומבטן ומהריון
12 vnumber="12"> css="font-weight:bold"> יב כי אם יגדלו את בניהם ושכלתים מאדם כי גם אוי להם בשורי מהם
13 vnumber="13"> css="font-weight:bold"> יג אפרים כאשר ראיתי לצור שתולה בנוה ואפרים להוציא אל הרג בניו
14 vnumber="14"> css="font-weight:bold"> יד תן להם יהוה מה תתן תן להם רחם משכיל ושדים צמקים
15 vnumber="15"> css="font-weight:bold"> טו כל רעתם בגלגל כי שם שנאתים על רע מעלליהם מביתי אגרשם לא אוסף אהבתם כל שריהם סררים
16 vnumber="16"> css="font-weight:bold"> טז הכה אפרים--שרשם יבש פרי בלי (בל) יעשון גם כי ילדון והמתי מחמדי בטנם
17 vnumber="17"> css="font-weight:bold"> יז ימאסם אלהי כי לא שמעו לו ויהיו נדדים בגוים {ס} art="x-p"/>