1 vnumber="1"> כרע בל קרס נבו--היו עצביהם לחיה ולבהמה נשאתיכם עמוסות משא לעיפה
2 vnumber="2"> קרסו כרעו יחדו לא יכלו מלט משא ונפשם בשבי הלכה {פ}
art="x-p"/>
3 vnumber="3"> שמעו אלי בית יעקב וכל שארית בית ישראל--העמסים מני בטן הנשאים מני רחם
4 vnumber="4"> ועד זקנה אני הוא ועד שיבה אני אסבל אני עשיתי ואני אשא ואני אסבל ואמלט {ס}
art="x-p"/>
5 vnumber="5"> למי תדמיוני ותשוו ותמשלוני ונדמה
6 vnumber="6"> הזלים זהב מכיס וכסף בקנה ישקלו ישכרו צורף ויעשהו אל יסגדו אף ישתחוו
7 vnumber="7"> ישאהו על כתף יסבלהו ויניחהו תחתיו ויעמד--ממקומו לא ימיש אף יצעק אליו ולא יענה מצרתו לא יושיענו {ס}
art="x-p"/>
8 vnumber="8"> זכרו זאת והתאששו השיבו פושעים על לב
9 vnumber="9"> זכרו ראשנות מעולם כי אנכי אל ואין עוד אלהים ואפס כמוני
10 vnumber="10"> מגיד מראשית אחרית ומקדם אשר לא נעשו אמר עצתי תקום וכל חפצי אעשה
11 vnumber="11"> קרא ממזרח עיט מארץ מרחק איש עצתו (עצתי) אף דברתי אף אביאנה--יצרתי אף אעשנה {ס}
art="x-p"/>
12 vnumber="12"> שמעו אלי אבירי לב--הרחוקים מצדקה
13 vnumber="13"> קרבתי צדקתי לא תרחק ותשועתי לא תאחר ונתתי בציון תשועה לישראל תפארתי {ס}
art="x-p"/>