1 vnumber="1"> css="font-weight:bold"> א ואהבת את יהוה אלהיך ושמרת משמרתו וחקתיו ומשפטיו ומצותיו--כל הימים
2 vnumber="2"> css="font-weight:bold"> ב וידעתם היום כי לא את בניכם אשר לא ידעו ואשר לא ראו את מוסר יהוה אלהיכם את גדלו--את ידו החזקה וזרעו הנטויה
3 vnumber="3"> css="font-weight:bold"> ג ואת אתתיו ואת מעשיו אשר עשה בתוך מצרים--לפרעה מלך מצרים ולכל ארצו
4 vnumber="4"> css="font-weight:bold"> ד ואשר עשה לחיל מצרים לסוסיו ולרכבו אשר הציף את מי ים סוף על פניהם ברדפם אחריכם ויאבדם יהוה עד היום הזה
5 vnumber="5"> css="font-weight:bold"> ה ואשר עשה לכם במדבר עד באכם עד המקום הזה
6 vnumber="6"> css="font-weight:bold"> ו ואשר עשה לדתן ולאבירם בני אליאב בן ראובן אשר פצתה הארץ את פיה ותבלעם ואת בתיהם ואת אהליהם--ואת כל היקום אשר ברגליהם בקרב כל ישראל
7 vnumber="7"> css="font-weight:bold"> ז כי עיניכם הראת את כל מעשה יהוה הגדל אשר עשה
8 vnumber="8"> css="font-weight:bold"> ח ושמרתם את כל המצוה אשר אנכי מצוך היום--למען תחזקו ובאתם וירשתם את הארץ אשר אתם עברים שמה לרשתה
9 vnumber="9"> css="font-weight:bold"> ט ולמען תאריכו ימים על האדמה אשר נשבע יהוה לאבתיכם לתת להם ולזרעם--ארץ זבת חלב ודבש {ס} art="x-p"/>
10 vnumber="10"> css="font-weight:bold"> י כי הארץ אשר אתה בא שמה לרשתה--לא כארץ מצרים הוא אשר יצאתם משם אשר תזרע את זרעך והשקית ברגלך כגן הירק
11 vnumber="11"> css="font-weight:bold"> יא והארץ אשר אתם עברים שמה לרשתה--ארץ הרים ובקעת למטר השמים תשתה מים
12 vnumber="12"> css="font-weight:bold"> יב ארץ אשר יהוה אלהיך דרש אתה תמיד עיני יהוה אלהיך בה--מרשית השנה ועד אחרית שנה {ס} art="x-p"/>
13 vnumber="13"> css="font-weight:bold"> יג והיה אם שמע תשמעו אל מצותי אשר אנכי מצוה אתכם היום--לאהבה את יהוה אלהיכם ולעבדו בכל לבבכם ובכל נפשכם
14 vnumber="14"> css="font-weight:bold"> יד ונתתי מטר ארצכם בעתו יורה ומלקוש ואספת דגנך ותירשך ויצהרך
15 vnumber="15"> css="font-weight:bold"> טו ונתתי עשב בשדך לבהמתך ואכלת ושבעת
16 vnumber="16"> css="font-weight:bold"> טז השמרו לכם פן יפתה לבבכם וסרתם ועבדתם אלהים אחרים והשתחויתם להם
17 vnumber="17"> css="font-weight:bold"> יז וחרה אף יהוה בכם ועצר את השמים ולא יהיה מטר והאדמה לא תתן את יבולה ואבדתם מהרה מעל הארץ הטבה אשר יהוה נתן לכם
18 vnumber="18"> css="font-weight:bold"> יח ושמתם את דברי אלה על לבבכם ועל נפשכם וקשרתם אתם לאות על ידכם והיו לטוטפת בין עיניכם
19 vnumber="19"> css="font-weight:bold"> יט ולמדתם אתם את בניכם לדבר בם בשבתך בביתך ובלכתך בדרך ובשכבך ובקומך
20 vnumber="20"> css="font-weight:bold"> כ וכתבתם על מזוזות ביתך ובשעריך
21 vnumber="21"> css="font-weight:bold"> כא למען ירבו ימיכם וימי בניכם על האדמה אשר נשבע יהוה לאבתיכם לתת להם--כימי השמים על הארץ {ס} art="x-p"/>
22 vnumber="22"> css="font-weight:bold"> כב כי אם שמר תשמרון את כל המצוה הזאת אשר אנכי מצוה אתכם--לעשתה לאהבה את יהוה אלהיכם ללכת בכל דרכיו--ולדבקה בו
23 vnumber="23"> css="font-weight:bold"> כג והוריש יהוה את כל הגוים האלה מלפניכם וירשתם גוים גדלים ועצמים מכם
24 vnumber="24"> css="font-weight:bold"> כד כל המקום אשר תדרך כף רגלכם בו--לכם יהיה מן המדבר והלבנון מן הנהר נהר פרת ועד הים האחרון--יהיה גבלכם
25 vnumber="25"> css="font-weight:bold"> כה לא יתיצב איש בפניכם פחדכם ומוראכם יתן יהוה אלהיכם על פני כל הארץ אשר תדרכו בה כאשר דבר לכם {ס} art="x-p"/>
26 vnumber="26"> css="font-weight:bold"> כו ראה אנכי נתן לפניכם--היום ברכה וקללה
27 vnumber="27"> css="font-weight:bold"> כז את הברכה--אשר תשמעו אל מצות יהוה אלהיכם אשר אנכי מצוה אתכם היום
28 vnumber="28"> css="font-weight:bold"> כח והקללה אם לא תשמעו אל מצות יהוה אלהיכם וסרתם מן הדרך אשר אנכי מצוה אתכם היום ללכת אחרי אלהים אחרים--אשר לא ידעתם {ס} art="x-p"/>
29 vnumber="29"> css="font-weight:bold"> כט והיה כי יביאך יהוה אלהיך אל הארץ אשר אתה בא שמה לרשתה--ונתתה את הברכה על הר גרזים ואת הקללה על הר עיבל
30 vnumber="30"> css="font-weight:bold"> ל הלא המה בעבר הירדן אחרי דרך מבוא השמש בארץ הכנעני הישב בערבה--מול הגלגל אצל אלוני מרה
31 vnumber="31"> css="font-weight:bold"> לא כי אתם עברים את הירדן לבא לרשת את הארץ אשר יהוה אלהיכם נתן לכם וירשתם אתה וישבתם בה
32 vnumber="32"> css="font-weight:bold"> לב ושמרתם לעשות את כל החקים ואת המשפטים אשר אנכי נתן לפניכם היום art="x-p"/>