1 vnumber="1"> css="font-weight:bold"> א והנחש היה ערום מכל חית השדה אשר עשה יהוה אלהים ויאמר אל האשה אף כי אמר אלהים לא תאכלו מכל עץ הגן
2 vnumber="2"> css="font-weight:bold"> ב ותאמר האשה אל הנחש מפרי עץ הגן נאכל
3 vnumber="3"> css="font-weight:bold"> ג ומפרי העץ אשר בתוך הגן--אמר אלהים לא תאכלו ממנו ולא תגעו בו פן תמתון
4 vnumber="4"> css="font-weight:bold"> ד ויאמר הנחש אל האשה לא מות תמתון
5 vnumber="5"> css="font-weight:bold"> ה כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע
6 vnumber="6"> css="font-weight:bold"> ו ותרא האשה כי טוב העץ למאכל וכי תאוה הוא לעינים ונחמד העץ להשכיל ותקח מפריו ותאכל ותתן גם לאישה עמה ויאכל
7 vnumber="7"> css="font-weight:bold"> ז ותפקחנה עיני שניהם וידעו כי עירמם הם ויתפרו עלה תאנה ויעשו להם חגרת
8 vnumber="8"> css="font-weight:bold"> ח וישמעו את קול יהוה אלהים מתהלך בגן--לרוח היום ויתחבא האדם ואשתו מפני יהוה אלהים בתוך עץ הגן
9 vnumber="9"> css="font-weight:bold"> ט ויקרא יהוה אלהים אל האדם ויאמר לו איכה
10 vnumber="10"> css="font-weight:bold"> י ויאמר את קלך שמעתי בגן ואירא כי עירם אנכי ואחבא
11 vnumber="11"> css="font-weight:bold"> יא ויאמר--מי הגיד לך כי עירם אתה המן העץ אשר צויתיך לבלתי אכל ממנו--אכלת
12 vnumber="12"> css="font-weight:bold"> יב ויאמר האדם האשה אשר נתתה עמדי הוא נתנה לי מן העץ ואכל
13 vnumber="13"> css="font-weight:bold"> יג ויאמר יהוה אלהים לאשה מה זאת עשית ותאמר האשה הנחש השיאני ואכל
14 vnumber="14"> css="font-weight:bold"> יד ויאמר יהוה אלהים אל הנחש כי עשית זאת ארור אתה מכל הבהמה ומכל חית השדה על גחנך תלך ועפר תאכל כל ימי חייך
15 vnumber="15"> css="font-weight:bold"> טו ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב {ס} art="x-p"/>
16 vnumber="16"> css="font-weight:bold"> טז אל האשה אמר הרבה ארבה עצבונך והרנך--בעצב תלדי בנים ואל אישך תשוקתך והוא ימשל בך {ס} art="x-p"/>
17 vnumber="17"> css="font-weight:bold"> יז ולאדם אמר כי שמעת לקול אשתך ותאכל מן העץ אשר צויתיך לאמר לא תאכל ממנו--ארורה האדמה בעבורך בעצבון תאכלנה כל ימי חייך
18 vnumber="18"> css="font-weight:bold"> יח וקוץ ודרדר תצמיח לך ואכלת את עשב השדה
19 vnumber="19"> css="font-weight:bold"> יט בזעת אפיך תאכל לחם עד שובך אל האדמה כי ממנה לקחת כי עפר אתה ואל עפר תשוב
20 vnumber="20"> css="font-weight:bold"> כ ויקרא האדם שם אשתו חוה כי הוא היתה אם כל חי
21 vnumber="21"> css="font-weight:bold"> כא ויעש יהוה אלהים לאדם ולאשתו כתנות עור--וילבשם {פ} art="x-p"/>
22 vnumber="22"> css="font-weight:bold"> כב ויאמר יהוה אלהים הן האדם היה כאחד ממנו לדעת טוב ורע ועתה פן ישלח ידו ולקח גם מעץ החיים ואכל וחי לעלם
23 vnumber="23"> css="font-weight:bold"> כג וישלחהו יהוה אלהים מגן עדן--לעבד את האדמה אשר לקח משם
24 vnumber="24"> css="font-weight:bold"> כד ויגרש את האדם וישכן מקדם לגן עדן את הכרבים ואת להט החרב המתהפכת לשמר את דרך עץ החיים {ס} art="x-p"/>