1 vnumber="1"> css="font-weight:bold"> א ויאמר יהוה אל משה אמר אל הכהנים בני אהרן ואמרת אלהם לנפש לא יטמא בעמיו
2 vnumber="2"> css="font-weight:bold"> ב כי אם לשארו הקרב אליו לאמו ולאביו ולבנו ולבתו ולאחיו
3 vnumber="3"> css="font-weight:bold"> ג ולאחתו הבתולה הקרובה אליו אשר לא היתה לאיש--לה יטמא
4 vnumber="4"> css="font-weight:bold"> ד לא יטמא בעל בעמיו--להחלו
5 vnumber="5"> css="font-weight:bold"> ה לא יקרחה (יקרחו) קרחה בראשם ופאת זקנם לא יגלחו ובבשרם--לא ישרטו שרטת
6 vnumber="6"> css="font-weight:bold"> ו קדשים יהיו לאלהיהם ולא יחללו שם אלהיהם כי את אשי יהוה לחם אלהיהם הם מקריבם--והיו קדש
7 vnumber="7"> css="font-weight:bold"> ז אשה זנה וחללה לא יקחו ואשה גרושה מאישה לא יקחו כי קדש הוא לאלהיו
8 vnumber="8"> css="font-weight:bold"> ח וקדשתו--כי את לחם אלהיך הוא מקריב קדש יהיה לך--כי קדוש אני יהוה מקדשכם
9 vnumber="9"> css="font-weight:bold"> ט ובת איש כהן כי תחל לזנות--את אביה היא מחללת באש תשרף {ס} art="x-p"/>
10 vnumber="10"> css="font-weight:bold"> י והכהן הגדול מאחיו אשר יוצק על ראשו שמן המשחה ומלא את ידו ללבש את הבגדים--את ראשו לא יפרע ובגדיו לא יפרם
11 vnumber="11"> css="font-weight:bold"> יא ועל כל נפשת מת לא יבא לאביו ולאמו לא יטמא
12 vnumber="12"> css="font-weight:bold"> יב ומן המקדש לא יצא ולא יחלל את מקדש אלהיו כי נזר שמן משחת אלהיו עליו--אני יהוה
13 vnumber="13"> css="font-weight:bold"> יג והוא אשה בבתוליה יקח
14 vnumber="14"> css="font-weight:bold"> יד אלמנה וגרושה וחללה זנה את אלה לא יקח כי אם בתולה מעמיו יקח אשה
15 vnumber="15"> css="font-weight:bold"> טו ולא יחלל זרעו בעמיו כי אני יהוה מקדשו {ס} art="x-p"/>
16 vnumber="16"> css="font-weight:bold"> טז וידבר יהוה אל משה לאמר
17 vnumber="17"> css="font-weight:bold"> יז דבר אל אהרן לאמר איש מזרעך לדרתם אשר יהיה בו מום--לא יקרב להקריב לחם אלהיו
18 vnumber="18"> css="font-weight:bold"> יח כי כל איש אשר בו מום לא יקרב איש עור או פסח או חרם או שרוע
19 vnumber="19"> css="font-weight:bold"> יט או איש אשר יהיה בו שבר רגל או שבר יד
20 vnumber="20"> css="font-weight:bold"> כ או גבן או דק או תבלל בעינו או גרב או ילפת או מרוח אשך
21 vnumber="21"> css="font-weight:bold"> כא כל איש אשר בו מום מזרע אהרן הכהן--לא יגש להקריב את אשי יהוה מום בו--את לחם אלהיו לא יגש להקריב
22 vnumber="22"> css="font-weight:bold"> כב לחם אלהיו מקדשי הקדשים ומן הקדשים יאכל
23 vnumber="23"> css="font-weight:bold"> כג אך אל הפרכת לא יבא ואל המזבח לא יגש--כי מום בו ולא יחלל את מקדשי כי אני יהוה מקדשם
24 vnumber="24"> css="font-weight:bold"> כד וידבר משה אל אהרן ואל בניו ואל כל בני ישראל {פ} art="x-p"/>