1 vnumber="1"> css="font-weight:bold"> א ויהי כאשר זקן שמואל וישם את בניו שפטים לישראל
2 vnumber="2"> css="font-weight:bold"> ב ויהי שם בנו הבכור יואל ושם משנהו אביה--שפטים בבאר שבע
3 vnumber="3"> css="font-weight:bold"> ג ולא הלכו בניו בדרכו ויטו אחרי הבצע ויקחו שחד--ויטו משפט {פ} art="x-p"/>
4 vnumber="4"> css="font-weight:bold"> ד ויתקבצו כל זקני ישראל ויבאו אל שמואל הרמתה
5 vnumber="5"> css="font-weight:bold"> ה ויאמרו אליו הנה אתה זקנת ובניך לא הלכו בדרכיך עתה שימה לנו מלך לשפטנו--ככל הגוים
6 vnumber="6"> css="font-weight:bold"> ו וירע הדבר בעיני שמואל כאשר אמרו תנה לנו מלך לשפטנו ויתפלל שמואל אל יהוה {פ} art="x-p"/>
7 vnumber="7"> css="font-weight:bold"> ז ויאמר יהוה אל שמואל שמע בקול העם לכל אשר יאמרו אליך כי לא אתך מאסו כי אתי מאסו ממלך עליהם
8 vnumber="8"> css="font-weight:bold"> ח ככל המעשים אשר עשו מיום העלתי אותם ממצרים ועד היום הזה ויעזבני ויעבדו אלהים אחרים--כן המה עשים גם לך
9 vnumber="9"> css="font-weight:bold"> ט ועתה שמע בקולם אך כי העד תעיד בהם והגדת להם משפט המלך אשר ימלך עליהם {ס} art="x-p"/>
10 vnumber="10"> css="font-weight:bold"> י ויאמר שמואל את כל דברי יהוה אל העם השאלים מאתו מלך {ס} art="x-p"/>
11 vnumber="11"> css="font-weight:bold"> יא ויאמר--זה יהיה משפט המלך אשר ימלך עליכם את בניכם יקח ושם לו במרכבתו ובפרשיו ורצו לפני מרכבתו
12 vnumber="12"> css="font-weight:bold"> יב ולשום לו שרי אלפים ושרי חמשים ולחרש חרישו ולקצר קצירו ולעשות כלי מלחמתו וכלי רכבו
13 vnumber="13"> css="font-weight:bold"> יג ואת בנותיכם יקח לרקחות ולטבחות ולאפות
14 vnumber="14"> css="font-weight:bold"> יד ואת שדותיכם ואת כרמיכם וזיתיכם הטובים--יקח ונתן לעבדיו
15 vnumber="15"> css="font-weight:bold"> טו וזרעיכם וכרמיכם יעשר ונתן לסריסיו ולעבדיו
16 vnumber="16"> css="font-weight:bold"> טז ואת עבדיכם ואת שפחותיכם ואת בחוריכם הטובים ואת חמוריכם--יקח ועשה למלאכתו
17 vnumber="17"> css="font-weight:bold"> יז צאנכם יעשר ואתם תהיו לו לעבדים
18 vnumber="18"> css="font-weight:bold"> יח וזעקתם ביום ההוא מלפני מלככם אשר בחרתם לכם ולא יענה יהוה אתכם ביום ההוא
19 vnumber="19"> css="font-weight:bold"> יט וימאנו העם לשמע בקול שמואל ויאמרו לא כי אם מלך יהיה עלינו
20 vnumber="20"> css="font-weight:bold"> כ והיינו גם אנחנו ככל הגוים ושפטנו מלכנו ויצא לפנינו ונלחם את מלחמתנו
21 vnumber="21"> css="font-weight:bold"> כא וישמע שמואל את כל דברי העם וידברם באזני יהוה {פ} art="x-p"/>
22 vnumber="22"> css="font-weight:bold"> כב ויאמר יהוה אל שמואל שמע בקולם והמלכת להם מלך ויאמר שמואל אל אנשי ישראל לכו איש לעירו {פ} art="x-p"/>