1 vnumber="1"> בני אם-תקח אמרי ומצותי תצפן אתך br
2 vnumber="2"> להקשיב לחכמה אזנך תטה לבך לתבונה br
3 vnumber="3"> כי אם לבינה תקרא לתבונה תתן קולך br
4 vnumber="4"> אם-תבקשנה ככסף וכמטמונים תחפשנה br
5 vnumber="5"> אז--תבין יראת יהוה ודעת אלהים תמצא br
6 vnumber="6"> כי-יהוה יתן חכמה מפיו דעת ותבונה br
7 vnumber="7"> וצפן (יצפן) לישרים תושיה מגן להלכי תם br
8 vnumber="8"> לנצר ארחות משפט ודרך חסידו ישמר br
9 vnumber="9"> אז--תבין צדק ומשפט ומישרים כל-מעגל-טוב br
10 vnumber="10"> כי-תבוא חכמה בלבך ודעת לנפשך ינעם br
11 vnumber="11"> מזמה תשמר עליך תבונה תנצרכה br
12 vnumber="12"> להצילך מדרך רע מאיש מדבר תהפכות br
13 vnumber="13"> העזבים ארחות ישר-- ללכת בדרכי-חשך br
14 vnumber="14"> השמחים לעשות רע יגילו בתהפכות רע br
15 vnumber="15"> אשר ארחתיהם עקשים ונלוזים במעגלותם br
16 vnumber="16"> להצילך מאשה זרה מנכריה אמריה החליקה br
17 vnumber="17"> העזבת אלוף נעוריה ואת-ברית אלהיה שכחה br
18 vnumber="18"> כי שחה אל-מות ביתה ואל-רפאים מעגלתיה br
19 vnumber="19"> כל-באיה לא ישובון ולא-ישיגו ארחות חיים br
20 vnumber="20"> למען--תלך בדרך טובים וארחות צדיקים תשמר br
21 vnumber="21"> כי-ישרים ישכנו-ארץ ותמימים יותרו בה br
22 vnumber="22"> ורשעים מארץ יכרתו ובוגדים יסחו ממנה
art="x-p"/>