1 vnumber="1"> ויאמר יהוה אל משה אמר אל אהרן נטה את ידך במטך על הנהרת על היארים ועל האגמים והעל את הצפרדעים על ארץ מצרים
2 vnumber="2"> ויט אהרן את ידו על מימי מצרים ותעל הצפרדע ותכס את ארץ מצרים
3 vnumber="3"> ויעשו כן החרטמים בלטיהם ויעלו את הצפרדעים על ארץ מצרים
4 vnumber="4"> ויקרא פרעה למשה ולאהרן ויאמר העתירו אל יהוה ויסר הצפרדעים ממני ומעמי ואשלחה את העם ויזבחו ליהוה
5 vnumber="5"> ויאמר משה לפרעה התפאר עלי למתי אעתיר לך ולעבדיך ולעמך להכרית הצפרדעים ממך ומבתיך רק ביאר תשארנה
6 vnumber="6"> ויאמר למחר ויאמר כדברך--למען תדע כי אין כיהוה אלהינו
7 vnumber="7"> וסרו הצפרדעים ממך ומבתיך ומעבדיך ומעמך רק ביאר תשארנה
8 vnumber="8"> ויצא משה ואהרן מעם פרעה ויצעק משה אל יהוה על דבר הצפרדעים אשר שם לפרעה
9 vnumber="9"> ויעש יהוה כדבר משה וימתו הצפרדעים מן הבתים מן החצרת ומן השדת
10 vnumber="10"> ויצברו אתם חמרם חמרם ותבאש הארץ
11 vnumber="11"> וירא פרעה כי היתה הרוחה והכבד את לבו ולא שמע אלהם כאשר דבר יהוה {ס}
art="x-p"/>
12 vnumber="12"> ויאמר יהוה אל משה אמר אל אהרן נטה את מטך והך את עפר הארץ והיה לכנם בכל ארץ מצרים
13 vnumber="13"> ויעשו כן ויט אהרן את ידו במטהו ויך את עפר הארץ ותהי הכנם באדם ובבהמה כל עפר הארץ היה כנים בכל ארץ מצרים
14 vnumber="14"> ויעשו כן החרטמים בלטיהם להוציא את הכנים ולא יכלו ותהי הכנם באדם ובבהמה
15 vnumber="15"> ויאמרו החרטמם אל פרעה אצבע אלהים הוא ויחזק לב פרעה ולא שמע אלהם כאשר דבר יהוה {ס}
art="x-p"/>
16 vnumber="16"> ויאמר יהוה אל משה השכם בבקר והתיצב לפני פרעה--הנה יוצא המימה ואמרת אליו כה אמר יהוה שלח עמי ויעבדני
17 vnumber="17"> כי אם אינך משלח את עמי--הנני משליח בך ובעבדיך ובעמך ובבתיך את הערב ומלאו בתי מצרים את הערב וגם האדמה אשר הם עליה
18 vnumber="18"> והפליתי ביום ההוא את ארץ גשן אשר עמי עמד עליה לבלתי היות שם ערב--למען תדע כי אני יהוה בקרב הארץ
19 vnumber="19"> ושמתי פדת בין עמי ובין עמך למחר יהיה האת הזה
20 vnumber="20"> ויעש יהוה כן ויבא ערב כבד ביתה פרעה ובית עבדיו ובכל ארץ מצרים תשחת הארץ מפני הערב
21 vnumber="21"> ויקרא פרעה אל משה ולאהרן ויאמר לכו זבחו לאלהיכם--בארץ
22 vnumber="22"> ויאמר משה לא נכון לעשות כן כי תועבת מצרים נזבח ליהוה אלהינו הן נזבח את תועבת מצרים לעיניהם--ולא יסקלנו
23 vnumber="23"> דרך שלשת ימים נלך במדבר וזבחנו ליהוה אלהינו כאשר יאמר אלינו
24 vnumber="24"> ויאמר פרעה אנכי אשלח אתכם וזבחתם ליהוה אלהיכם במדבר--רק הרחק לא תרחיקו ללכת העתירו בעדי
25 vnumber="25"> ויאמר משה הנה אנכי יוצא מעמך והעתרתי אל יהוה וסר הערב מפרעה מעבדיו ומעמו מחר רק אל יסף פרעה התל לבלתי שלח את העם לזבח ליהוה
26 vnumber="26"> ויצא משה מעם פרעה ויעתר אל יהוה
27 vnumber="27"> ויעש יהוה כדבר משה ויסר הערב מפרעה מעבדיו ומעמו לא נשאר אחד
28 vnumber="28"> ויכבד פרעה את לבו גם בפעם הזאת ולא שלח את העם {פ}
art="x-p"/>