1 vnumber="1"> css="font-weight:bold"> א ויאמר יהוה אל משה ואל אהרן בארץ מצרים לאמר
2 vnumber="2"> css="font-weight:bold"> ב החדש הזה לכם ראש חדשים ראשון הוא לכם לחדשי השנה
3 vnumber="3"> css="font-weight:bold"> ג דברו אל כל עדת ישראל לאמר בעשר לחדש הזה ויקחו להם איש שה לבית אבת--שה לבית
4 vnumber="4"> css="font-weight:bold"> ד ואם ימעט הבית מהיות משה--ולקח הוא ושכנו הקרב אל ביתו במכסת נפשת איש לפי אכלו תכסו על השה
5 vnumber="5"> css="font-weight:bold"> ה שה תמים זכר בן שנה יהיה לכם מן הכבשים ומן העזים תקחו
6 vnumber="6"> css="font-weight:bold"> ו והיה לכם למשמרת עד ארבעה עשר יום לחדש הזה ושחטו אתו כל קהל עדת ישראל--בין הערבים
7 vnumber="7"> css="font-weight:bold"> ז ולקחו מן הדם ונתנו על שתי המזוזת ועל המשקוף--על הבתים אשר יאכלו אתו בהם
8 vnumber="8"> css="font-weight:bold"> ח ואכלו את הבשר בלילה הזה צלי אש ומצות על מררים יאכלהו
9 vnumber="9"> css="font-weight:bold"> ט אל תאכלו ממנו נא ובשל מבשל במים כי אם צלי אש ראשו על כרעיו ועל קרבו
10 vnumber="10"> css="font-weight:bold"> י ולא תותירו ממנו עד בקר והנתר ממנו עד בקר באש תשרפו
11 vnumber="11"> css="font-weight:bold"> יא וככה תאכלו אתו--מתניכם חגרים נעליכם ברגליכם ומקלכם בידכם ואכלתם אתו בחפזון פסח הוא ליהוה
12 vnumber="12"> css="font-weight:bold"> יב ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשה שפטים אני יהוה
13 vnumber="13"> css="font-weight:bold"> יג והיה הדם לכם לאת על הבתים אשר אתם שם וראיתי את הדם ופסחתי עלכם ולא יהיה בכם נגף למשחית בהכתי בארץ מצרים
14 vnumber="14"> css="font-weight:bold"> יד והיה היום הזה לכם לזכרון וחגתם אתו חג ליהוה לדרתיכם חקת עולם תחגהו
15 vnumber="15"> css="font-weight:bold"> טו שבעת ימים מצות תאכלו--אך ביום הראשון תשביתו שאר מבתיכם כי כל אכל חמץ ונכרתה הנפש ההוא מישראל--מיום הראשן עד יום השבעי
16 vnumber="16"> css="font-weight:bold"> טז וביום הראשון מקרא קדש וביום השביעי מקרא קדש יהיה לכם כל מלאכה לא יעשה בהם--אך אשר יאכל לכל נפש הוא לבדו יעשה לכם
17 vnumber="17"> css="font-weight:bold"> יז ושמרתם את המצות כי בעצם היום הזה הוצאתי את צבאותיכם מארץ מצרים ושמרתם את היום הזה לדרתיכם--חקת עולם
18 vnumber="18"> css="font-weight:bold"> יח בראשן בארבעה עשר יום לחדש בערב תאכלו מצת עד יום האחד ועשרים לחדש--בערב
19 vnumber="19"> css="font-weight:bold"> יט שבעת ימים--שאר לא ימצא בבתיכם כי כל אכל מחמצת ונכרתה הנפש ההוא מעדת ישראל--בגר ובאזרח הארץ
20 vnumber="20"> css="font-weight:bold"> כ כל מחמצת לא תאכלו בכל מושבתיכם תאכלו מצות {פ} art="x-p"/>
21 vnumber="21"> css="font-weight:bold"> כא ויקרא משה לכל זקני ישראל ויאמר אלהם משכו וקחו לכם צאן למשפחתיכם--ושחטו הפסח
22 vnumber="22"> css="font-weight:bold"> כב ולקחתם אגדת אזוב וטבלתם בדם אשר בסף והגעתם אל המשקוף ואל שתי המזוזת מן הדם אשר בסף ואתם לא תצאו איש מפתח ביתו--עד בקר
23 vnumber="23"> css="font-weight:bold"> כג ועבר יהוה לנגף את מצרים וראה את הדם על המשקוף ועל שתי המזוזת ופסח יהוה על הפתח ולא יתן המשחית לבא אל בתיכם לנגף
24 vnumber="24"> css="font-weight:bold"> כד ושמרתם את הדבר הזה לחק לך ולבניך עד עולם
25 vnumber="25"> css="font-weight:bold"> כה והיה כי תבאו אל הארץ אשר יתן יהוה לכם--כאשר דבר ושמרתם את העבדה הזאת
26 vnumber="26"> css="font-weight:bold"> כו והיה כי יאמרו אליכם בניכם מה העבדה הזאת לכם
27 vnumber="27"> css="font-weight:bold"> כז ואמרתם זבח פסח הוא ליהוה אשר פסח על בתי בני ישראל במצרים בנגפו את מצרים ואת בתינו הציל ויקד העם וישתחוו
28 vnumber="28"> css="font-weight:bold"> כח וילכו ויעשו בני ישראל כאשר צוה יהוה את משה ואהרן כן עשו {ס} art="x-p"/>
29 vnumber="29"> css="font-weight:bold"> כט ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה
30 vnumber="30"> css="font-weight:bold"> ל ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת
31 vnumber="31"> css="font-weight:bold"> לא ויקרא למשה ולאהרן לילה ויאמר קומו צאו מתוך עמי--גם אתם גם בני ישראל ולכו עבדו את יהוה כדברכם
32 vnumber="32"> css="font-weight:bold"> לב גם צאנכם גם בקרכם קחו כאשר דברתם ולכו וברכתם גם אתי
33 vnumber="33"> css="font-weight:bold"> לג ותחזק מצרים על העם למהר לשלחם מן הארץ כי אמרו כלנו מתים
34 vnumber="34"> css="font-weight:bold"> לד וישא העם את בצקו טרם יחמץ משארתם צררת בשמלתם על שכמם
35 vnumber="35"> css="font-weight:bold"> לה ובני ישראל עשו כדבר משה וישאלו ממצרים כלי כסף וכלי זהב ושמלת
36 vnumber="36"> css="font-weight:bold"> לו ויהוה נתן את חן העם בעיני מצרים--וישאלום וינצלו את מצרים {פ} art="x-p"/>
37 vnumber="37"> css="font-weight:bold"> לז ויסעו בני ישראל מרעמסס סכתה כשש מאות אלף רגלי הגברים לבד מטף
38 vnumber="38"> css="font-weight:bold"> לח וגם ערב רב עלה אתם וצאן ובקר מקנה כבד מאד
39 vnumber="39"> css="font-weight:bold"> לט ויאפו את הבצק אשר הוציאו ממצרים עגת מצות--כי לא חמץ כי גרשו ממצרים ולא יכלו להתמהמה וגם צדה לא עשו להם
40 vnumber="40"> css="font-weight:bold"> מ ומושב בני ישראל אשר ישבו במצרים--שלשים שנה וארבע מאות שנה
41 vnumber="41"> css="font-weight:bold"> מא ויהי מקץ שלשים שנה וארבע מאות שנה ויהי בעצם היום הזה יצאו כל צבאות יהוה מארץ מצרים
42 vnumber="42"> css="font-weight:bold"> מב ליל שמרים הוא ליהוה להוציאם מארץ מצרים הוא הלילה הזה ליהוה שמרים לכל בני ישראל לדרתם {פ} art="x-p"/>
43 vnumber="43"> css="font-weight:bold"> מג ויאמר יהוה אל משה ואהרן זאת חקת הפסח כל בן נכר לא יאכל בו
44 vnumber="44"> css="font-weight:bold"> מד וכל עבד איש מקנת כסף--ומלתה אתו אז יאכל בו
45 vnumber="45"> css="font-weight:bold"> מה תושב ושכיר לא יאכל בו
46 vnumber="46"> css="font-weight:bold"> מו בבית אחד יאכל לא תוציא מן הבית מן הבשר חוצה ועצם לא תשברו בו
47 vnumber="47"> css="font-weight:bold"> מז כל עדת ישראל יעשו אתו
48 vnumber="48"> css="font-weight:bold"> מח וכי יגור אתך גר ועשה פסח ליהוה--המול לו כל זכר ואז יקרב לעשתו והיה כאזרח הארץ וכל ערל לא יאכל בו
49 vnumber="49"> css="font-weight:bold"> מט תורה אחת יהיה לאזרח ולגר הגר בתוככם
50 vnumber="50"> css="font-weight:bold"> נ ויעשו כל בני ישראל כאשר צוה יהוה את משה ואת אהרן כן עשו {ס} art="x-p"/>
51 vnumber="51"> css="font-weight:bold"> נא ויהי בעצם היום הזה הוציא יהוה את בני ישראל מארץ מצרים--על צבאתם {פ} art="x-p"/>