1 vnumber="1"> ברית כרתי לעיני ומה אתבונן על-בתולה br
2 vnumber="2"> ומה חלק אלוה ממעל ונחלת שדי ממרמים br
3 vnumber="3"> הלא-איד לעול ונכר לפעלי און br
4 vnumber="4"> הלא-הוא יראה דרכי וכל-צעדי יספור br
5 vnumber="5"> אם-הלכתי עם-שוא ותחש על-מרמה רגלי br
6 vnumber="6"> ישקלני במאזני-צדק וידע אלוה תמתי br
7 vnumber="7"> אם תטה אשרי מני הדרך br ואחר עיני הלך לבי ובכפי דבק מאום br
8 vnumber="8"> אזרעה ואחר יאכל וצאצאי ישרשו br
9 vnumber="9"> אם-נפתה לבי על-אשה ועל-פתח רעי ארבתי br
10 vnumber="10"> תטחן לאחר אשתי ועליה יכרעון אחרין br
11 vnumber="11"> כי-הוא (היא) זמה והיא (והוא) עון פלילים br
12 vnumber="12"> כי אש היא עד-אבדון תאכל ובכל-תבואתי תשרש br
13 vnumber="13"> אם-אמאס--משפט עבדי ואמתי ברבם עמדי br
14 vnumber="14"> ומה אעשה כי-יקום אל וכי-יפקד מה אשיבנו br
15 vnumber="15"> הלא-בבטן עשני עשהו ויכננו ברחם אחד br
16 vnumber="16"> אם-אמנע מחפץ דלים ועיני אלמנה אכלה br
17 vnumber="17"> ואכל פתי לבדי ולא-אכל יתום ממנה br
18 vnumber="18"> כי מנעורי גדלני כאב ומבטן אמי אנחנה br
19 vnumber="19"> אם-אראה אובד מבלי לבוש ואין כסות לאביון br
20 vnumber="20"> אם-לא ברכוני חלצו ומגז כבשי יתחמם br
21 vnumber="21"> אם-הניפותי על-יתום ידי כי-אראה בשער עזרתי br
22 vnumber="22"> כתפי משכמה תפול ואזרעי מקנה תשבר br
23 vnumber="23"> כי פחד אלי איד אל ומשאתו לא אוכל br
24 vnumber="24"> אם-שמתי זהב כסלי ולכתם אמרתי מבטחי br
25 vnumber="25"> אם-אשמח כי-רב חילי וכי-כביר מצאה ידי br
26 vnumber="26"> אם-אראה אור כי יהל וירח יקר הלך br
27 vnumber="27"> ויפת בסתר לבי ותשק ידי לפי br
28 vnumber="28"> גם-הוא עון פלילי כי-כחשתי לאל ממעל br
29 vnumber="29"> אם-אשמח בפיד משנאי והתעררתי כי-מצאו רע br
30 vnumber="30"> ולא-נתתי לחטא חכי-- לשאל באלה נפשו br
31 vnumber="31"> אם-לא אמרו מתי אהלי מי-יתן מבשרו לא נשבע br
32 vnumber="32"> בחוץ לא-ילין גר דלתי לארח אפתח br
33 vnumber="33"> אם-כסיתי כאדם פשעי-- לטמון בחבי עוני br
34 vnumber="34"> כי אערוץ המון רבה-- ובוז-משפחות יחתני br ואדם לא-אצא פתח br
35 vnumber="35"> מי יתן-לי שמע לי-- הן-תוי שדי יענני br וספר כתב איש ריבי br
36 vnumber="36"> אם-לא על-שכמי אשאנו אענדנו עטרות לי br
37 vnumber="37"> מספר צעדי אגידנו כמו-נגיד אקרבנו br
38 vnumber="38"> אם-עלי אדמתי תזעק ויחד תלמיה יבכיון br
39 vnumber="39"> אם-כחה אכלתי בלי-כסף ונפש בעליה הפחתי br
40 vnumber="40"> תחת חטה יצא חוח--ותחת-שערה באשה תמו דברי איוב
art="x-p"/>