1 vnumber="1"> css="font-weight:bold"> א ויסף עוד דוד את כל בחור בישראל שלשים אלף
2 vnumber="2"> css="font-weight:bold"> ב ויקם וילך דוד וכל העם אשר אתו מבעלי יהודה--להעלות משם את ארון האלהים אשר נקרא שם שם יהוה צבאות ישב הכרבים עליו
3 vnumber="3"> css="font-weight:bold"> ג וירכבו את ארון האלהים אל עגלה חדשה וישאהו מבית אבינדב אשר בגבעה ועזא ואחיו בני אבינדב נהגים את העגלה חדשה
4 vnumber="4"> css="font-weight:bold"> ד וישאהו מבית אבינדב אשר בגבעה עם ארון האלהים ואחיו הלך לפני הארון
5 vnumber="5"> css="font-weight:bold"> ה ודוד וכל בית ישראל משחקים לפני יהוה בכל עצי ברושים ובכנרות ובנבלים ובתפים ובמנענעים ובצלצלים
6 vnumber="6"> css="font-weight:bold"> ו ויבאו עד גרן נכון וישלח עזה אל ארון האלהים ויאחז בו--כי שמטו הבקר
7 vnumber="7"> css="font-weight:bold"> ז ויחר אף יהוה בעזה ויכהו שם האלהים על השל וימת שם עם ארון האלהים
8 vnumber="8"> css="font-weight:bold"> ח ויחר לדוד על אשר פרץ יהוה פרץ בעזה ויקרא למקום ההוא פרץ עזה עד היום הזה
9 vnumber="9"> css="font-weight:bold"> ט וירא דוד את יהוה ביום ההוא ויאמר איך יבוא אלי ארון יהוה
10 vnumber="10"> css="font-weight:bold"> י ולא אבה דוד להסיר אליו את ארון יהוה--על עיר דוד ויטהו דוד בית עבד אדם הגתי
11 vnumber="11"> css="font-weight:bold"> יא וישב ארון יהוה בית עבד אדם הגתי--שלשה חדשים ויברך יהוה את עבד אדם ואת כל ביתו
12 vnumber="12"> css="font-weight:bold"> יב ויגד למלך דוד לאמר ברך יהוה את בית עבד אדם ואת כל אשר לו בעבור ארון האלהים וילך דוד ויעל את ארון האלהים מבית עבד אדם עיר דוד--בשמחה
13 vnumber="13"> css="font-weight:bold"> יג ויהי כי צעדו נשאי ארון יהוה--ששה צעדים ויזבח שור ומריא
14 vnumber="14"> css="font-weight:bold"> יד ודוד מכרכר בכל עז לפני יהוה ודוד חגור אפוד בד
15 vnumber="15"> css="font-weight:bold"> טו ודוד וכל בית ישראל מעלים את ארון יהוה בתרועה ובקול שופר
16 vnumber="16"> css="font-weight:bold"> טז והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה
17 vnumber="17"> css="font-weight:bold"> יז ויבאו את ארון יהוה ויצגו אתו במקומו בתוך האהל אשר נטה לו דוד ויעל דוד עלות לפני יהוה ושלמים
18 vnumber="18"> css="font-weight:bold"> יח ויכל דוד מהעלות העולה והשלמים ויברך את העם בשם יהוה צבאות
19 vnumber="19"> css="font-weight:bold"> יט ויחלק לכל העם לכל המון ישראל למאיש ועד אשה לאיש חלת לחם אחת ואשפר אחד ואשישה אחת וילך כל העם איש לביתו
20 vnumber="20"> css="font-weight:bold"> כ וישב דוד לברך את ביתו {ס} ותצא מיכל בת שאול לקראת דוד ותאמר מה נכבד היום מלך ישראל אשר נגלה היום לעיני אמהות עבדיו כהגלות נגלות אחד הרקים
21 vnumber="21"> css="font-weight:bold"> כא ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה
22 vnumber="22"> css="font-weight:bold"> כב ונקלתי עוד מזאת והייתי שפל בעיני ועם האמהות אשר אמרת עמם אכבדה
23 vnumber="23"> css="font-weight:bold"> כג ולמיכל בת שאול לא היה לה ילד--עד יום מותה {פ} art="x-p"/>