1 vnumber="1"> הוי חשבי און ופעלי רע על משכבותם באור הבקר יעשוה כי יש לאל ידם
2 vnumber="2"> וחמדו שדות וגזלו ובתים ונשאו ועשקו גבר וביתו ואיש ונחלתו {פ}
art="x-p"/>
3 vnumber="3"> לכן כה אמר יהוה הנני חשב על המשפחה הזאת רעה אשר לא תמישו משם צוארתיכם ולא תלכו רומה--כי עת רעה היא
4 vnumber="4"> ביום ההוא ישא עליכם משל ונהה נהי נהיה אמר שדוד נשדנו--חלק עמי ימיר איך ימיש לי לשובב שדינו יחלק
5 vnumber="5"> לכן לא יהיה לך משליך חבל בגורל בקהל יהוה
6 vnumber="6"> אל תטפו יטיפון לא יטפו לאלה לא יסג כלמות
7 vnumber="7"> האמור בית יעקב הקצר רוח יהוה--אם אלה מעלליו הלוא דברי ייטיבו עם הישר הלך
8 vnumber="8"> ואתמול עמי לאויב יקומם ממול שלמה אדר תפשטון מעברים בטח שובי מלחמה
9 vnumber="9"> נשי עמי תגרשון מבית תענגיה מעל עלליה תקחו הדרי לעולם
10 vnumber="10"> קומו ולכו כי לא זאת המנוחה בעבור טמאה תחבל וחבל נמרץ
11 vnumber="11"> לו איש הלך רוח ושקר כזב אטף לך ליין ולשכר והיה מטיף העם הזה
12 vnumber="12"> אסף אאסף יעקב כלך קבץ אקבץ שארית ישראל--יחד אשימנו כצאן בצרה כעדר בתוך הדברו תהימנה מאדם
13 vnumber="13"> עלה הפרץ לפניהם--פרצו ויעברו שער ויצאו בו ויעבר מלכם לפניהם ויהוה בראשם {פ}
art="x-p"/>