1 vnumber="1"> css="font-weight:bold"> א נדרשתי ללוא שאלו נמצאתי ללא בקשני אמרתי הנני הנני אל גוי לא קרא בשמי
2 vnumber="2"> css="font-weight:bold"> ב פרשתי ידי כל היום אל עם סורר--ההלכים הדרך לא טוב אחר מחשבתיהם
3 vnumber="3"> css="font-weight:bold"> ג העם המכעסים אתי על פני--תמיד זבחים בגנות ומקטרים על הלבנים
4 vnumber="4"> css="font-weight:bold"> ד הישבים בקברים ובנצורים ילינו האכלים בשר החזיר ופרק (ומרק) פגלים כליהם
5 vnumber="5"> css="font-weight:bold"> ה האמרים קרב אליך אל תגש בי כי קדשתיך אלה עשן באפי אש יקדת כל היום
6 vnumber="6"> css="font-weight:bold"> ו הנה כתובה לפני לא אחשה כי אם שלמתי ושלמתי על חיקם
7 vnumber="7"> css="font-weight:bold"> ז עונתיכם ועונת אבותיכם יחדו אמר יהוה אשר קטרו על ההרים ועל הגבעות חרפוני ומדתי פעלתם ראשנה על (אל) חיקם {ס} art="x-p"/>
8 vnumber="8"> css="font-weight:bold"> ח כה אמר יהוה כאשר ימצא התירוש באשכול ואמר אל תשחיתהו כי ברכה בו--כן אעשה למען עבדי לבלתי השחית הכל
9 vnumber="9"> css="font-weight:bold"> ט והוצאתי מיעקב זרע ומיהודה יורש הרי וירשוה בחירי ועבדי ישכנו שמה
10 vnumber="10"> css="font-weight:bold"> י והיה השרון לנוה צאן ועמק עכור לרבץ בקר לעמי אשר דרשוני
11 vnumber="11"> css="font-weight:bold"> יא ואתם עזבי יהוה השכחים את הר קדשי--הערכים לגד שלחן והממלאים למני ממסך
12 vnumber="12"> css="font-weight:bold"> יב ומניתי אתכם לחרב וכלכם לטבח תכרעו--יען קראתי ולא עניתם דברתי ולא שמעתם ותעשו הרע בעיני ובאשר לא חפצתי בחרתם {פ} art="x-p"/>
13 vnumber="13"> css="font-weight:bold"> יג לכן כה אמר אדני יהוה הנה עבדי יאכלו ואתם תרעבו--הנה עבדי ישתו ואתם תצמאו הנה עבדי ישמחו ואתם תבשו
14 vnumber="14"> css="font-weight:bold"> יד הנה עבדי ירנו מטוב לב ואתם תצעקו מכאב לב ומשבר רוח תילילו
15 vnumber="15"> css="font-weight:bold"> טו והנחתם שמכם לשבועה לבחירי והמיתך אדני יהוה ולעבדיו יקרא שם אחר
16 vnumber="16"> css="font-weight:bold"> טז אשר המתברך בארץ יתברך באלהי אמן והנשבע בארץ ישבע באלהי אמן כי נשכחו הצרות הראשנות וכי נסתרו מעיני
17 vnumber="17"> css="font-weight:bold"> יז כי הנני בורא שמים חדשים וארץ חדשה ולא תזכרנה הראשנות ולא תעלינה על לב
18 vnumber="18"> css="font-weight:bold"> יח כי אם שישו וגילו עדי עד אשר אני בורא כי הנני בורא את ירושלם גילה ועמה משוש
19 vnumber="19"> css="font-weight:bold"> יט וגלתי בירושלם וששתי בעמי ולא ישמע בה עוד קול בכי וקול זעקה
20 vnumber="20"> css="font-weight:bold"> כ לא יהיה משם עוד עול ימים וזקן אשר לא ימלא את ימיו כי הנער בן מאה שנה ימות והחוטא בן מאה שנה יקלל
21 vnumber="21"> css="font-weight:bold"> כא ובנו בתים וישבו ונטעו כרמים ואכלו פרים
22 vnumber="22"> css="font-weight:bold"> כב לא יבנו ואחר ישב לא יטעו ואחר יאכל כי כימי העץ ימי עמי ומעשה ידיהם יבלו בחירי
23 vnumber="23"> css="font-weight:bold"> כג לא ייגעו לריק ולא ילדו לבהלה כי זרע ברוכי יהוה המה וצאצאיהם אתם
24 vnumber="24"> css="font-weight:bold"> כד והיה טרם יקראו ואני אענה עוד הם מדברים ואני אשמע
25 vnumber="25"> css="font-weight:bold"> כה זאב וטלה ירעו כאחד ואריה כבקר יאכל תבן ונחש עפר לחמו לא ירעו ולא ישחיתו בכל הר קדשי אמר יהוה {ס} art="x-p"/>