1 vnumber="1"> css="font-weight:bold"> א הוי רעים מאבדים ומפצים את צאן מרעיתי--נאם יהוה {ס} art="x-p"/>
2 vnumber="2"> css="font-weight:bold"> ב לכן כה אמר יהוה אלהי ישראל על הרעים הרעים את עמי אתם הפצתם את צאני ותדחום ולא פקדתם אתם הנני פקד עליכם את רע מעלליכם נאם יהוה
3 vnumber="3"> css="font-weight:bold"> ג ואני אקבץ את שארית צאני מכל הארצות אשר הדחתי אתם שם והשבתי אתהן על נוהן ופרו ורבו
4 vnumber="4"> css="font-weight:bold"> ד והקמתי עליהם רעים ורעום ולא ייראו עוד ולא יחתו ולא יפקדו נאם יהוה {ס} art="x-p"/>
5 vnumber="5"> css="font-weight:bold"> ה הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ
6 vnumber="6"> css="font-weight:bold"> ו בימיו תושע יהודה וישראל ישכן לבטח וזה שמו אשר יקראו יהוה צדקנו {פ} art="x-p"/>
7 vnumber="7"> css="font-weight:bold"> ז לכן הנה ימים באים נאם יהוה ולא יאמרו עוד חי יהוה אשר העלה את בני ישראל מארץ מצרים
8 vnumber="8"> css="font-weight:bold"> ח כי אם חי יהוה אשר העלה ואשר הביא את זרע בית ישראל מארץ צפונה ומכל הארצות אשר הדחתים שם וישבו על אדמתם {פ} art="x-p"/>
9 vnumber="9"> css="font-weight:bold"> ט לנבאים נשבר לבי בקרבי רחפו כל עצמותי--הייתי כאיש שכור וכגבר עברו יין מפני יהוה ומפני דברי קדשו
10 vnumber="10"> css="font-weight:bold"> י כי מנאפים מלאה הארץ--כי מפני אלה אבלה הארץ יבשו נאות מדבר ותהי מרוצתם רעה וגבורתם לא כן
11 vnumber="11"> css="font-weight:bold"> יא כי גם נביא גם כהן חנפו גם בביתי מצאתי רעתם נאם יהוה
12 vnumber="12"> css="font-weight:bold"> יב לכן יהיה דרכם להם כחלקלקות באפלה ידחו ונפלו בה כי אביא עליהם רעה שנת פקדתם נאם יהוה
13 vnumber="13"> css="font-weight:bold"> יג ובנביאי שמרון ראיתי תפלה הנבאו בבעל ויתעו את עמי את ישראל
14 vnumber="14"> css="font-weight:bold"> יד ובנבאי ירושלם ראיתי שערורה נאוף והלך בשקר וחזקו ידי מרעים לבלתי שבו איש מרעתו היו לי כלם כסדם וישביה כעמרה {פ} art="x-p"/>
15 vnumber="15"> css="font-weight:bold"> טו לכן כה אמר יהוה צבאות על הנבאים הנני מאכיל אותם לענה והשקתים מי ראש כי מאת נביאי ירושלם יצאה חנפה לכל הארץ {פ} art="x-p"/>
16 vnumber="16"> css="font-weight:bold"> טז כה אמר יהוה צבאות אל תשמעו על דברי הנבאים הנבאים לכם--מהבלים המה אתכם חזון לבם ידברו לא מפי יהוה
17 vnumber="17"> css="font-weight:bold"> יז אמרים אמור למנאצי דבר יהוה שלום יהיה לכם וכל הלך בשררות לבו אמרו לא תבוא עליכם רעה
18 vnumber="18"> css="font-weight:bold"> יח כי מי עמד בסוד יהוה וירא וישמע את דברו מי הקשיב דברי (דברו) וישמע {ס} art="x-p"/>
19 vnumber="19"> css="font-weight:bold"> יט הנה סערת יהוה חמה יצאה וסער מתחולל על ראש רשעים יחול
20 vnumber="20"> css="font-weight:bold"> כ לא ישוב אף יהוה עד עשתו ועד הקימו מזמות לבו באחרית הימים תתבוננו בה בינה
21 vnumber="21"> css="font-weight:bold"> כא לא שלחתי את הנבאים והם רצו לא דברתי אליהם והם נבאו
22 vnumber="22"> css="font-weight:bold"> כב ואם עמדו בסודי--וישמעו דברי את עמי וישבום מדרכם הרע ומרע מעלליהם {ס} art="x-p"/>
23 vnumber="23"> css="font-weight:bold"> כג האלהי מקרב אני נאם יהוה ולא אלהי מרחק
24 vnumber="24"> css="font-weight:bold"> כד אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוה
25 vnumber="25"> css="font-weight:bold"> כה שמעתי את אשר אמרו הנבאים הנבאים בשמי שקר לאמר חלמתי חלמתי
26 vnumber="26"> css="font-weight:bold"> כו עד מתי היש בלב הנבאים--נבאי השקר ונביאי תרמת לבם
27 vnumber="27"> css="font-weight:bold"> כז החשבים להשכיח את עמי שמי בחלומתם אשר יספרו איש לרעהו--כאשר שכחו אבותם את שמי בבעל
28 vnumber="28"> css="font-weight:bold"> כח הנביא אשר אתו חלום יספר חלום ואשר דברי אתו ידבר דברי אמת מה לתבן את הבר נאם יהוה
29 vnumber="29"> css="font-weight:bold"> כט הלוא כה דברי כאש נאם יהוה וכפטיש יפצץ סלע {ס} art="x-p"/>
30 vnumber="30"> css="font-weight:bold"> ל לכן הנני על הנבאים נאם יהוה מגנבי דברי איש מאת רעהו
31 vnumber="31"> css="font-weight:bold"> לא הנני על הנביאם נאם יהוה הלקחים לשונם וינאמו נאם
32 vnumber="32"> css="font-weight:bold"> לב הנני על נבאי חלמות שקר נאם יהוה ויספרום ויתעו את עמי בשקריהם ובפחזותם ואנכי לא שלחתים ולא צויתים והועיל לא יועילו לעם הזה--נאם יהוה
33 vnumber="33"> css="font-weight:bold"> לג וכי ישאלך העם הזה או הנביא או כהן לאמר מה משא יהוה--ואמרת אליהם את מה משא ונטשתי אתכם נאם יהוה
34 vnumber="34"> css="font-weight:bold"> לד והנביא והכהן והעם אשר יאמר משא יהוה--ופקדתי על האיש ההוא ועל ביתו
35 vnumber="35"> css="font-weight:bold"> לה כה תאמרו איש על רעהו ואיש אל אחיו מה ענה יהוה ומה דבר יהוה
36 vnumber="36"> css="font-weight:bold"> לו ומשא יהוה לא תזכרו עוד כי המשא יהיה לאיש דברו והפכתם את דברי אלהים חיים יהוה צבאות אלהינו
37 vnumber="37"> css="font-weight:bold"> לז כה תאמר אל הנביא מה ענך יהוה ומה דבר יהוה
38 vnumber="38"> css="font-weight:bold"> לח ואם משא יהוה תאמרו לכן כה אמר יהוה יען אמרכם את הדבר הזה משא יהוה--ואשלח אליכם לאמר לא תאמרו משא יהוה
39 vnumber="39"> css="font-weight:bold"> לט לכן הנני ונשיתי אתכם נשא ונטשתי אתכם ואת העיר אשר נתתי לכם ולאבותיכם--מעל פני
40 vnumber="40"> css="font-weight:bold"> מ ונתתי עליכם חרפת עולם וכלמות עולם אשר לא תשכח {פ} art="x-p"/>