1 vnumber="1"> css="font-weight:bold"> א חטאת יהודה כתובה בעט ברזל--בצפרן שמיר חרושה על לוח לבם ולקרנות מזבחותיכם
2 vnumber="2"> css="font-weight:bold"> ב כזכר בניהם מזבחותם ואשריהם על עץ רענן על גבעות הגבהות
3 vnumber="3"> css="font-weight:bold"> ג הררי בשדה--חילך כל אוצרותיך לבז אתן במתיך בחטאת בכל גבוליך
4 vnumber="4"> css="font-weight:bold"> ד ושמטתה ובך מנחלתך אשר נתתי לך והעבדתיך את איביך בארץ אשר לא ידעת כי אש קדחתם באפי עד עולם תוקד {ס} art="x-p"/>
5 vnumber="5"> css="font-weight:bold"> ה כה אמר יהוה ארור הגבר אשר יבטח באדם ושם בשר זרעו ומן יהוה יסור לבו
6 vnumber="6"> css="font-weight:bold"> ו והיה כערער בערבה ולא יראה כי יבוא טוב ושכן חררים במדבר ארץ מלחה ולא תשב {ס} art="x-p"/>
7 vnumber="7"> css="font-weight:bold"> ז ברוך הגבר אשר יבטח ביהוה והיה יהוה מבטחו
8 vnumber="8"> css="font-weight:bold"> ח והיה כעץ שתול על מים ועל יובל ישלח שרשיו ולא ירא (יראה) כי יבא חם והיה עלהו רענן ובשנת בצרת לא ידאג ולא ימיש מעשות פרי
9 vnumber="9"> css="font-weight:bold"> ט עקב הלב מכל ואנש הוא מי ידענו
10 vnumber="10"> css="font-weight:bold"> י אני יהוה חקר לב בחן כליות ולתת לאיש כדרכו כפרי מעלליו {ס} art="x-p"/>
11 vnumber="11"> css="font-weight:bold"> יא קרא דגר ולא ילד עשה עשר ולא במשפט בחצי ימו יעזבנו ובאחריתו יהיה נבל
12 vnumber="12"> css="font-weight:bold"> יב כסא כבוד מרום מראשון--מקום מקדשנו
13 vnumber="13"> css="font-weight:bold"> יג מקוה ישראל יהוה כל עזביך יבשו יסורי (וסורי) בארץ יכתבו כי עזבו מקור מים חיים את יהוה {פ} art="x-p"/>
14 vnumber="14"> css="font-weight:bold"> יד רפאני יהוה וארפא הושיעני ואושעה כי תהלתי אתה
15 vnumber="15"> css="font-weight:bold"> טו הנה המה אמרים אלי איה דבר יהוה יבוא נא
16 vnumber="16"> css="font-weight:bold"> טז ואני לא אצתי מרעה אחריך ויום אנוש לא התאויתי--אתה ידעת מוצא שפתי נכח פניך היה
17 vnumber="17"> css="font-weight:bold"> יז אל תהיה לי למחתה מחסי אתה ביום רעה
18 vnumber="18"> css="font-weight:bold"> יח יבשו רדפי ואל אבשה אני--יחתו המה ואל אחתה אני הביא עליהם יום רעה ומשנה שברון שברם {ס} art="x-p"/>
19 vnumber="19"> css="font-weight:bold"> יט כה אמר יהוה אלי הלך ועמדת בשער בני עם (העם) אשר יבאו בו מלכי יהודה ואשר יצאו בו ובכל שערי ירושלם
20 vnumber="20"> css="font-weight:bold"> כ ואמרת אליהם שמעו דבר יהוה מלכי יהודה וכל יהודה וכל ישבי ירושלם--הבאים בשערים האלה
21 vnumber="21"> css="font-weight:bold"> כא כה אמר יהוה השמרו בנפשותיכם ואל תשאו משא ביום השבת והבאתם בשערי ירושלם
22 vnumber="22"> css="font-weight:bold"> כב ולא תוציאו משא מבתיכם ביום השבת וכל מלאכה לא תעשו וקדשתם את יום השבת כאשר צויתי את אבותיכם
23 vnumber="23"> css="font-weight:bold"> כג ולא שמעו ולא הטו את אזנם ויקשו את ערפם לבלתי שומע (שמוע) ולבלתי קחת מוסר
24 vnumber="24"> css="font-weight:bold"> כד והיה אם שמע תשמעון אלי נאם יהוה לבלתי הביא משא בשערי העיר הזאת ביום השבת ולקדש את יום השבת לבלתי עשות בה כל מלאכה
25 vnumber="25"> css="font-weight:bold"> כה ובאו בשערי העיר הזאת מלכים ושרים ישבים על כסא דוד רכבים ברכב ובסוסים המה ושריהם--איש יהודה וישבי ירושלם וישבה העיר הזאת לעולם
26 vnumber="26"> css="font-weight:bold"> כו ובאו מערי יהודה ומסביבות ירושלם ומארץ בנימן ומן השפלה ומן ההר ומן הנגב מבאים עולה וזבח ומנחה ולבונה--ומבאי תודה בית יהוה
27 vnumber="27"> css="font-weight:bold"> כז ואם לא תשמעו אלי לקדש את יום השבת ולבלתי שאת משא ובא בשערי ירושלם ביום השבת והצתי אש בשעריה ואכלה ארמנות ירושלם--ולא תכבה {פ} art="x-p"/>