1 vnumber="1"> css="font-weight:bold"> א ויהי אחרי כן באו בני מואב ובני עמון ועמהם מהעמונים על יהושפט--למלחמה
2 vnumber="2"> css="font-weight:bold"> ב ויבאו ויגידו ליהושפט לאמר בא עליך המון רב מעבר לים מארם והנם בחצצון תמר היא עין גדי
3 vnumber="3"> css="font-weight:bold"> ג וירא ויתן יהושפט את פניו לדרוש ליהוה ויקרא צום על כל יהודה
4 vnumber="4"> css="font-weight:bold"> ד ויקבצו יהודה לבקש מיהוה גם מכל ערי יהודה באו לבקש את יהוה
5 vnumber="5"> css="font-weight:bold"> ה ויעמד יהושפט בקהל יהודה וירושלם--בבית יהוה לפני החצר החדשה
6 vnumber="6"> css="font-weight:bold"> ו ויאמר יהוה אלהי אבתינו הלא אתה הוא אלהים בשמים ואתה מושל בכל ממלכות הגוים ובידך כח וגבורה ואין עמך להתיצב
7 vnumber="7"> css="font-weight:bold"> ז הלא אתה אלהינו הורשת את ישבי הארץ הזאת מלפני עמך ישראל ותתנה לזרע אברהם אהבך--לעולם
8 vnumber="8"> css="font-weight:bold"> ח וישבו בה ויבנו לך בה מקדש לשמך לאמר
9 vnumber="9"> css="font-weight:bold"> ט אם תבוא עלינו רעה חרב שפוט ודבר ורעב נעמדה לפני הבית הזה ולפניך כי שמך בבית הזה ונזעק אליך מצרתנו ותשמע ותושיע
10 vnumber="10"> css="font-weight:bold"> י ועתה הנה בני עמון ומואב והר שעיר אשר לא נתתה לישראל לבוא בהם בבאם מארץ מצרים כי סרו מעליהם ולא השמידום
11 vnumber="11"> css="font-weight:bold"> יא והנה הם--גמלים עלינו לבוא לגרשנו מירשתך אשר הורשתנו
12 vnumber="12"> css="font-weight:bold"> יב אלהינו הלא תשפט בם כי אין בנו כח לפני ההמון הרב הזה הבא עלינו ואנחנו לא נדע מה נעשה--כי עליך עינינו
13 vnumber="13"> css="font-weight:bold"> יג וכל יהודה--עמדים לפני יהוה גם טפם נשיהם ובניהם {ס}
14 vnumber="14"> css="font-weight:bold"> יד ויחזיאל בן זכריהו בן בניה בן יעיאל בן מתניה הלוי--מן בני אסף היתה עליו רוח יהוה בתוך הקהל
15 vnumber="15"> css="font-weight:bold"> טו ויאמר הקשיבו כל יהודה וישבי ירושלם והמלך יהושפט כה אמר יהוה לכם אתם אל תיראו ואל תחתו מפני ההמון הרב הזה--כי לא לכם המלחמה כי לאלהים
16 vnumber="16"> css="font-weight:bold"> טז מחר רדו עליהם הנם עלים במעלה הציץ ומצאתם אתם בסוף הנחל פני מדבר ירואל
17 vnumber="17"> css="font-weight:bold"> יז לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו--מחר צאו לפניהם ויהוה עמכם
18 vnumber="18"> css="font-weight:bold"> יח ויקד יהושפט אפים ארצה וכל יהודה וישבי ירושלם נפלו לפני יהוה להשתחות ליהוה
19 vnumber="19"> css="font-weight:bold"> יט ויקמו הלוים מן בני הקהתים ומן בני הקרחים--להלל ליהוה אלהי ישראל בקול גדול למעלה
20 vnumber="20"> css="font-weight:bold"> כ וישכימו בבקר ויצאו למדבר תקוע ובצאתם עמד יהושפט ויאמר שמעוני יהודה וישבי ירושלם--האמינו ביהוה אלהיכם ותאמנו האמינו בנביאיו והצליחו
21 vnumber="21"> css="font-weight:bold"> כא ויועץ אל העם ויעמד משררים ליהוה ומהללים להדרת קדש--בצאת לפני החלוץ ואמרים הודו ליהוה כי לעולם חסדו
22 vnumber="22"> css="font-weight:bold"> כב ובעת החלו ברנה ותהלה נתן יהוה מארבים על בני עמון מואב והר שעיר הבאים ליהודה--וינגפו
23 vnumber="23"> css="font-weight:bold"> כג ויעמדו בני עמון ומואב על ישבי הר שעיר--להחרים ולהשמיד וככלותם ביושבי שעיר עזרו איש ברעהו למשחית
24 vnumber="24"> css="font-weight:bold"> כד ויהודה בא על המצפה למדבר ויפנו אל ההמון והנם פגרים נפלים ארצה ואין פליטה
25 vnumber="25"> css="font-weight:bold"> כה ויבא יהושפט ועמו לבז את שללם וימצאו בהם לרב ורכוש ופגרים וכלי חמדות וינצלו להם לאין משא ויהיו ימים שלושה בזזים את השלל--כי רב הוא
26 vnumber="26"> css="font-weight:bold"> כו וביום הרבעי נקהלו לעמק ברכה--כי שם ברכו את יהוה על כן קראו את שם המקום ההוא עמק ברכה--עד היום
27 vnumber="27"> css="font-weight:bold"> כז וישבו כל איש יהודה וירושלם ויהושפט בראשם לשוב אל ירושלם בשמחה כי שמחם יהוה מאויביהם
28 vnumber="28"> css="font-weight:bold"> כח ויבאו ירושלם בנבלים ובכנרות ובחצצרות--אל בית יהוה
29 vnumber="29"> css="font-weight:bold"> כט ויהי פחד אלהים על כל ממלכות הארצות בשמעם--כי נלחם יהוה עם אויבי ישראל
30 vnumber="30"> css="font-weight:bold"> ל ותשקט מלכות יהושפט וינח לו אלהיו מסביב {פ} br art="x-p"/>
31 vnumber="31"> css="font-weight:bold"> לא וימלך יהושפט על יהודה--בן שלשים וחמש שנה במלכו ועשרים וחמש שנה מלך בירושלם ושם אמו עזובה בת שלחי
32 vnumber="32"> css="font-weight:bold"> לב וילך בדרך אביו אסא--ולא סר ממנה לעשות הישר בעיני יהוה
33 vnumber="33"> css="font-weight:bold"> לג אך הבמות לא סרו ועוד העם לא הכינו לבבם לאלהי אבתיהם
34 vnumber="34"> css="font-weight:bold"> לד ויתר דברי יהושפט הראשנים והאחרנים--הנם כתובים בדברי יהוא בן חנני אשר העלה על ספר מלכי ישראל
35 vnumber="35"> css="font-weight:bold"> לה ואחרי כן אתחבר יהושפט מלך יהודה עם אחזיה מלך ישראל הוא הרשיע לעשות
36 vnumber="36"> css="font-weight:bold"> לו ויחברהו עמו לעשות אניות ללכת תרשיש ויעשו אניות בעציון גבר
37 vnumber="37"> css="font-weight:bold"> לז ויתנבא אליעזר בן דדוהו ממרשה על יהושפט לאמר כהתחברך עם אחזיהו פרץ יהוה את מעשיך וישברו אניות ולא עצרו ללכת אל תרשיש art="x-p"/>