1 vnumber="1"> ויקרא יעקב אל בניו ויאמר האספו ואגידה לכם את אשר יקרא אתכם באחרית הימים
2 vnumber="2"> הקבצו ושמעו בני יעקב ושמעו אל ישראל אביכם
3 vnumber="3"> ראובן בכרי אתה כחי וראשית אוני--יתר שאת ויתר עז
4 vnumber="4"> פחז כמים אל תותר כי עלית משכבי אביך אז חללת יצועי עלה {פ}
art="x-p"/>
5 vnumber="5"> שמעון ולוי אחים--כלי חמס מכרתיהם
6 vnumber="6"> בסדם אל תבא נפשי בקהלם אל תחד כבדי כי באפם הרגו איש וברצנם עקרו שור
7 vnumber="7"> ארור אפם כי עז ועברתם כי קשתה אחלקם ביעקב ואפיצם בישראל {פ}
art="x-p"/>
8 vnumber="8"> יהודה אתה יודוך אחיך--ידך בערף איביך ישתחוו לך בני אביך
9 vnumber="9"> גור אריה יהודה מטרף בני עלית כרע רבץ כאריה וכלביא מי יקימנו
10 vnumber="10"> לא יסור שבט מיהודה ומחקק מבין רגליו עד כי יבא שילה ולו יקהת עמים
11 vnumber="11"> אסרי לגפן עירה ולשרקה בני אתנו כבס ביין לבשו ובדם ענבים סותה
12 vnumber="12"> חכלילי עינים מיין ולבן שנים מחלב {פ}
art="x-p"/>
13 vnumber="13"> זבולן לחוף ימים ישכן והוא לחוף אנית וירכתו על צידן {פ}
art="x-p"/>
14 vnumber="14"> יששכר חמר גרם--רבץ בין המשפתים
15 vnumber="15"> וירא מנחה כי טוב ואת הארץ כי נעמה ויט שכמו לסבל ויהי למס עבד {ס}
art="x-p"/>
16 vnumber="16"> דן ידין עמו--כאחד שבטי ישראל
17 vnumber="17"> יהי דן נחש עלי דרך שפיפן עלי ארח--הנשך עקבי סוס ויפל רכבו אחור
18 vnumber="18"> לישועתך קויתי יהוה {ס}
art="x-p"/>
19 vnumber="19"> גד גדוד יגודנו והוא יגד עקב {ס}
art="x-p"/>
20 vnumber="20"> מאשר שמנה לחמו והוא יתן מעדני מלך {ס}
art="x-p"/>
21 vnumber="21"> נפתלי אילה שלחה--הנתן אמרי שפר {ס}
art="x-p"/>
22 vnumber="22"> בן פרת יוסף בן פרת עלי עין בנות צעדה עלי שור
23 vnumber="23"> וימררהו ורבו וישטמהו בעלי חצים
24 vnumber="24"> ותשב באיתן קשתו ויפזו זרעי ידיו מידי אביר יעקב משם רעה אבן ישראל
25 vnumber="25"> מאל אביך ויעזרך ואת שדי ויברכך ברכת שמים מעל ברכת תהום רבצת תחת ברכת שדים ורחם
26 vnumber="26"> ברכת אביך גברו על ברכת הורי עד תאות גבעת עולם תהיין לראש יוסף ולקדקד נזיר אחיו {פ}
art="x-p"/>
27 vnumber="27"> בנימין זאב יטרף בבקר יאכל עד ולערב יחלק שלל
28 vnumber="28"> כל אלה שבטי ישראל שנים עשר וזאת אשר דבר להם אביהם ויברך אותם--איש אשר כברכתו ברך אתם
29 vnumber="29"> ויצו אותם ויאמר אלהם אני נאסף אל עמי--קברו אתי אל אבתי אל המערה--אשר בשדה עפרון החתי
30 vnumber="30"> במערה אשר בשדה המכפלה אשר על פני ממרא--בארץ כנען אשר קנה אברהם את השדה מאת עפרן החתי--לאחזת קבר
31 vnumber="31"> שמה קברו את אברהם ואת שרה אשתו שמה קברו את יצחק ואת רבקה אשתו ושמה קברתי את לאה
32 vnumber="32"> מקנה השדה והמערה אשר בו מאת בני חת
33 vnumber="33"> ויכל יעקב לצות את בניו ויאסף רגליו אל המטה ויגוע ויאסף אל עמיו
art="x-p"/>