1 vnumber="1"> css="font-weight:bold"> א וידבר יהוה אל משה בערבת מואב על ירדן ירחו לאמר
2 vnumber="2"> css="font-weight:bold"> ב צו את בני ישראל ונתנו ללוים מנחלת אחזתם ערים לשבת ומגרש לערים סביבתיהם תתנו ללוים
3 vnumber="3"> css="font-weight:bold"> ג והיו הערים להם לשבת ומגרשיהם יהיו לבהמתם ולרכשם ולכל חיתם
4 vnumber="4"> css="font-weight:bold"> ד ומגרשי הערים אשר תתנו ללוים--מקיר העיר וחוצה אלף אמה סביב
5 vnumber="5"> css="font-weight:bold"> ה ומדתם מחוץ לעיר את פאת קדמה אלפים באמה ואת פאת נגב אלפים באמה ואת פאת ים אלפים באמה ואת פאת צפון אלפים באמה--והעיר בתוך זה יהיה להם מגרשי הערים
6 vnumber="6"> css="font-weight:bold"> ו ואת הערים אשר תתנו ללוים--את שש ערי המקלט אשר תתנו לנס שמה הרצח ועליהם תתנו ארבעים ושתים עיר
7 vnumber="7"> css="font-weight:bold"> ז כל הערים אשר תתנו ללוים--ארבעים ושמנה עיר אתהן ואת מגרשיהן
8 vnumber="8"> css="font-weight:bold"> ח והערים אשר תתנו מאחזת בני ישראל--מאת הרב תרבו ומאת המעט תמעיטו איש כפי נחלתו אשר ינחלו יתן מעריו ללוים {פ} art="x-p"/>
9 vnumber="9"> css="font-weight:bold"> ט וידבר יהוה אל משה לאמר
10 vnumber="10"> css="font-weight:bold"> י דבר אל בני ישראל ואמרת אלהם כי אתם עברים את הירדן ארצה כנען
11 vnumber="11"> css="font-weight:bold"> יא והקריתם לכם ערים ערי מקלט תהיינה לכם ונס שמה רצח מכה נפש בשגגה
12 vnumber="12"> css="font-weight:bold"> יב והיו לכם הערים למקלט מגאל ולא ימות הרצח עד עמדו לפני העדה למשפט
13 vnumber="13"> css="font-weight:bold"> יג והערים אשר תתנו--שש ערי מקלט תהיינה לכם
14 vnumber="14"> css="font-weight:bold"> יד את שלש הערים תתנו מעבר לירדן ואת שלש הערים תתנו בארץ כנען ערי מקלט תהיינה
15 vnumber="15"> css="font-weight:bold"> טו לבני ישראל ולגר ולתושב בתוכם תהיינה שש הערים האלה למקלט--לנוס שמה כל מכה נפש בשגגה
16 vnumber="16"> css="font-weight:bold"> טז ואם בכלי ברזל הכהו וימת רצח הוא מות יומת הרצח
17 vnumber="17"> css="font-weight:bold"> יז ואם באבן יד אשר ימות בה הכהו וימת--רצח הוא מות יומת הרצח
18 vnumber="18"> css="font-weight:bold"> יח או בכלי עץ יד אשר ימות בו הכהו וימת--רצח הוא מות יומת הרצח
19 vnumber="19"> css="font-weight:bold"> יט גאל הדם הוא ימית את הרצח בפגעו בו הוא ימתנו
20 vnumber="20"> css="font-weight:bold"> כ ואם בשנאה יהדפנו או השליך עליו בצדיה וימת
21 vnumber="21"> css="font-weight:bold"> כא או באיבה הכהו בידו וימת--מות יומת המכה רצח הוא גאל הדם ימית את הרצח--בפגעו בו
22 vnumber="22"> css="font-weight:bold"> כב ואם בפתע בלא איבה הדפו או השליך עליו כל כלי בלא צדיה
23 vnumber="23"> css="font-weight:bold"> כג או בכל אבן אשר ימות בה בלא ראות ויפל עליו וימת--והוא לא אויב לו ולא מבקש רעתו
24 vnumber="24"> css="font-weight:bold"> כד ושפטו העדה בין המכה ובין גאל הדם--על המשפטים האלה
25 vnumber="25"> css="font-weight:bold"> כה והצילו העדה את הרצח מיד גאל הדם והשיבו אתו העדה אל עיר מקלטו אשר נס שמה וישב בה עד מות הכהן הגדל אשר משח אתו בשמן הקדש
26 vnumber="26"> css="font-weight:bold"> כו ואם יצא יצא הרצח את גבול עיר מקלטו אשר ינוס שמה
27 vnumber="27"> css="font-weight:bold"> כז ומצא אתו גאל הדם מחוץ לגבול עיר מקלטו ורצח גאל הדם את הרצח--אין לו דם
28 vnumber="28"> css="font-weight:bold"> כח כי בעיר מקלטו ישב עד מות הכהן הגדל ואחרי מות הכהן הגדל--ישוב הרצח אל ארץ אחזתו
29 vnumber="29"> css="font-weight:bold"> כט והיו אלה לכם לחקת משפט לדרתיכם בכל מושבתיכם
30 vnumber="30"> css="font-weight:bold"> ל כל מכה נפש--לפי עדים ירצח את הרצח ועד אחד לא יענה בנפש למות
31 vnumber="31"> css="font-weight:bold"> לא ולא תקחו כפר לנפש רצח אשר הוא רשע למות כי מות יומת
32 vnumber="32"> css="font-weight:bold"> לב ולא תקחו כפר לנוס אל עיר מקלטו לשוב לשבת בארץ עד מות הכהן
33 vnumber="33"> css="font-weight:bold"> לג ולא תחניפו את הארץ אשר אתם בה כי הדם הוא יחניף את הארץ ולארץ לא יכפר לדם אשר שפך בה כי אם בדם שפכו
34 vnumber="34"> css="font-weight:bold"> לד ולא תטמא את הארץ אשר אתם ישבים בה--אשר אני שכן בתוכה כי אני יהוה--שכן בתוך בני ישראל {פ} art="x-p"/>