1 vnumber="1"> ויקבצו כל ישראל אל דויד חברונה לאמר הנה עצמך ובשרך אנחנו
2 vnumber="2"> גם תמול גם שלשום גם בהיות שאול מלך--אתה המוציא והמביא את ישראל ויאמר יהוה אלהיך לך אתה תרעה את עמי את ישראל ואתה תהיה נגיד על עמי ישראל
3 vnumber="3"> ויבאו כל זקני ישראל אל המלך חברונה ויכרת להם דויד ברית בחברון לפני יהוה וימשחו את דויד למלך על ישראל כדבר יהוה ביד שמואל {ס}
4 vnumber="4"> וילך דויד וכל ישראל ירושלם היא יבוס ושם היבוסי ישבי הארץ
5 vnumber="5"> ויאמרו ישבי יבוס לדויד לא תבוא הנה וילכד דויד את מצדת ציון היא עיר דויד
6 vnumber="6"> ויאמר דויד--כל מכה יבוסי בראשונה יהיה לראש ולשר ויעל בראשונה יואב בן צרויה ויהי לראש
7 vnumber="7"> וישב דויד במצד על כן קראו לו עיר דויד
8 vnumber="8"> ויבן העיר מסביב מן המלוא ועד הסביב ויואב יחיה את שאר העיר
9 vnumber="9"> וילך דויד הלוך וגדול ויהוה צבאות עמו {פ} br
art="x-p"/>
10 vnumber="10"> ואלה ראשי הגברים אשר לדויד המתחזקים עמו במלכותו עם כל ישראל להמליכו--כדבר יהוה על ישראל {ס}
11 vnumber="11"> ואלה מספר הגברים אשר לדויד ישבעם בן חכמוני ראש השלושים (השלישים)--הוא עורר את חניתו על שלש מאות חלל בפעם אחת
12 vnumber="12"> ואחריו אלעזר בן דודו האחוחי הוא בשלושה הגברים
13 vnumber="13"> הוא היה עם דויד בפס דמים והפלשתים נאספו שם למלחמה ותהי חלקת השדה מלאה שעורים והעם נסו מפני פלשתים
14 vnumber="14"> ויתיצבו בתוך החלקה ויצילוה ויכו את פלשתים ויושע יהוה תשועה גדולה
15 vnumber="15"> וירדו שלושה מן השלושים ראש על הצר אל דויד--אל מערת עדלם ומחנה פלשתים חנה בעמק רפאים
16 vnumber="16"> ודויד אז במצודה ונציב פלשתים אז בבית לחם
17 vnumber="17"> ויתאו דויד ויאמר מי ישקני מים מבור בית לחם אשר בשער
18 vnumber="18"> ויבקעו השלשה במחנה פלשתים וישאבו מים מבור בית לחם אשר בשער וישאו ויבאו אל דויד ולא אבה דויד לשתותם וינסך אתם ליהוה
19 vnumber="19"> ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים
20 vnumber="20"> ואבשי אחי יואב הוא היה ראש השלושה והוא עורר את חניתו על שלש מאות חלל ולא (ולו) שם בשלושה
21 vnumber="21"> מן השלושה בשנים נכבד ויהי להם לשר ועד השלושה לא בא {ס}
22 vnumber="22"> בניה בן יהוידע בן איש חיל רב פעלים מן קבצאל הוא הכה את שני אריאל מואב והוא ירד והכה את הארי בתוך הבור ביום השלג
23 vnumber="23"> והוא הכה את האיש המצרי איש מדה חמש באמה וביד המצרי חנית כמנור ארגים וירד אליו בשבט ויגזל את החנית מיד המצרי ויהרגהו בחניתו
24 vnumber="24"> אלה עשה בניהו בן יהוידע ולו שם בשלושה הגברים
25 vnumber="25"> מן השלושים הנו נכבד הוא ואל השלשה לא בא וישימהו דויד על משמעתו {ס}
26 vnumber="26"> וגבורי החילים עשהאל {ר} br אחי יואב {ס} אלחנן בן דודו מבית לחם {ס}
27 vnumber="27"> שמות {ר} br ההרורי {ס} חלץ הפלוני {ס}
28 vnumber="28"> עירא בן עקש {ר} br התקועי {ס} אביעזר הענתותי {ס}
29 vnumber="29"> סבכי {ר} br החשתי {ס} עילי האחוחי {ס}
30 vnumber="30"> מהרי {ר} br הנטפתי {ס} חלד בן בענה הנטופתי {ס}
31 vnumber="31"> איתי {ר} br בן ריבי מגבעת בני בנימן {ס} בניה הפרעתני {ס}
32 vnumber="32"> חורי {ר} br מנחלי געש {ס} אביאל הערבתי {ס}
33 vnumber="33"> עזמות {ר} br הבחרומי {ס} אליחבא השעלבני {ס}
34 vnumber="34"> בני השם {ר} br הגזוני {ס} יונתן בן שגה ההררי {ס}
35 vnumber="35"> אחיאם {ר} br בן שכר ההררי {ס} אליפל בן אור {ס}
36 vnumber="36"> חפר המכרתי {ר} br אחיה הפלני {ס}
37 vnumber="37"> חצרו הכרמלי {ס} נערי {ר} br בן אזבי {ס}
38 vnumber="38"> יואל אחי נתן {ס} מבחר בן {ר} br הגרי {ס}
39 vnumber="39"> צלק העמוני נחרי הברתי נשא כלי יואב בן {ר} br צרויה {ס}
40 vnumber="40"> עירא היתרי {ס} גרב היתרי {ס}
41 vnumber="41"> אוריה {ר} br החתי {ס} זבד בן אחלי {ס}
42 vnumber="42"> עדינא בן שיזא הראובני {ר} br ראש לראובני--ועליו שלשים {ס}
43 vnumber="43"> חנן בן מעכה ויושפט {ר} br המתני {ס}
44 vnumber="44"> עזיא העשתרתי {ס} שמע ויעואל (ויעיאל) {ר} br בני חותם הערערי {ס}
45 vnumber="45"> ידיעאל בן שמרי ויחא אחיו {ר} br התיצי {ס}
46 vnumber="46"> אליאל המחוים ויריבי ויושויה בני אלנעם {ס} ויתמה {ר} br המואבי
47 vnumber="47"> אליאל ועובד {ס} ויעשיאל המצביה {פ} br
art="x-p"/>