1 vnumber="1"> css="font-weight:bold"> א משא גיא חזיון מה לך אפוא כי עלית כלך לגגות
2 vnumber="2"> css="font-weight:bold"> ב תשאות מלאה עיר הומיה--קריה עליזה חלליך לא חללי חרב ולא מתי מלחמה
3 vnumber="3"> css="font-weight:bold"> ג כל קציניך נדדו יחד מקשת אסרו כל נמצאיך אסרו יחדו מרחוק ברחו
4 vnumber="4"> css="font-weight:bold"> ד על כן אמרתי שעו מני אמרר בבכי אל תאיצו לנחמני על שד בת עמי
5 vnumber="5"> css="font-weight:bold"> ה כי יום מהומה ומבוסה ומבוכה לאדני יהוה צבאות--בגי חזיון מקרקר קר ושוע אל ההר
6 vnumber="6"> css="font-weight:bold"> ו ועילם נשא אשפה ברכב אדם פרשים וקיר ערה מגן
7 vnumber="7"> css="font-weight:bold"> ז ויהי מבחר עמקיך מלאו רכב והפרשים שת שתו השערה
8 vnumber="8"> css="font-weight:bold"> ח ויגל את מסך יהודה ותבט ביום ההוא אל נשק בית היער
9 vnumber="9"> css="font-weight:bold"> ט ואת בקיעי עיר דוד ראיתם כי רבו ותקבצו את מי הברכה התחתונה
10 vnumber="10"> css="font-weight:bold"> י ואת בתי ירושלם ספרתם ותתצו הבתים לבצר החומה
11 vnumber="11"> css="font-weight:bold"> יא ומקוה עשיתם בין החמתים למי הברכה הישנה ולא הבטתם אל עשיה ויצרה מרחוק לא ראיתם
12 vnumber="12"> css="font-weight:bold"> יב ויקרא אדני יהוה צבאות--ביום ההוא לבכי ולמספד ולקרחה ולחגר שק
13 vnumber="13"> css="font-weight:bold"> יג והנה ששון ושמחה הרג בקר ושחט צאן אכל בשר ושתות יין אכול ושתו כי מחר נמות
14 vnumber="14"> css="font-weight:bold"> יד ונגלה באזני יהוה צבאות אם יכפר העון הזה לכם עד תמתון אמר אדני יהוה צבאות {פ} art="x-p"/>
15 vnumber="15"> css="font-weight:bold"> טו כה אמר אדני יהוה צבאות לך בא אל הסכן הזה על שבנא אשר על הבית
16 vnumber="16"> css="font-weight:bold"> טז מה לך פה ומי לך פה כי חצבת לך פה קבר חצבי מרום קברו חקקי בסלע משכן לו
17 vnumber="17"> css="font-weight:bold"> יז הנה יהוה מטלטלך טלטלה גבר ועטך עטה
18 vnumber="18"> css="font-weight:bold"> יח צנוף יצנפך צנפה כדור אל ארץ רחבת ידים שמה תמות ושמה מרכבות כבודך--קלון בית אדניך
19 vnumber="19"> css="font-weight:bold"> יט והדפתיך ממצבך וממעמדך יהרסך
20 vnumber="20"> css="font-weight:bold"> כ והיה ביום ההוא וקראתי לעבדי לאליקים בן חלקיהו
21 vnumber="21"> css="font-weight:bold"> כא והלבשתיו כתנתך ואבנטך אחזקנו וממשלתך אתן בידו והיה לאב ליושב ירושלם ולבית יהודה
22 vnumber="22"> css="font-weight:bold"> כב ונתתי מפתח בית דוד על שכמו ופתח ואין סגר וסגר ואין פתח
23 vnumber="23"> css="font-weight:bold"> כג ותקעתיו יתד במקום נאמן והיה לכסא כבוד לבית אביו
24 vnumber="24"> css="font-weight:bold"> כד ותלו עליו כל כבוד בית אביו הצאצאים והצפעות כל כלי הקטן--מכלי האגנות ועד כל כלי הנבלים
25 vnumber="25"> css="font-weight:bold"> כה ביום ההוא נאם יהוה צבאות תמוש היתד התקועה במקום נאמן ונגדעה ונפלה ונכרת המשא אשר עליה--כי יהוה דבר {פ} art="x-p"/>