1 vnumber="1"> css="font-weight:bold"> א ויבאו בני ישראל כל העדה מדבר צן בחדש הראשון וישב העם בקדש ותמת שם מרים ותקבר שם
2 vnumber="2"> css="font-weight:bold"> ב ולא היה מים לעדה ויקהלו על משה ועל אהרן
3 vnumber="3"> css="font-weight:bold"> ג וירב העם עם משה ויאמרו לאמר ולו גוענו בגוע אחינו לפני יהוה
4 vnumber="4"> css="font-weight:bold"> ד ולמה הבאתם את קהל יהוה אל המדבר הזה למות שם אנחנו ובעירנו
5 vnumber="5"> css="font-weight:bold"> ה ולמה העליתנו ממצרים להביא אתנו אל המקום הרע הזה לא מקום זרע ותאנה וגפן ורמון ומים אין לשתות
6 vnumber="6"> css="font-weight:bold"> ו ויבא משה ואהרן מפני הקהל אל פתח אהל מועד ויפלו על פניהם וירא כבוד יהוה אליהם {פ} art="x-p"/>
7 vnumber="7"> css="font-weight:bold"> ז וידבר יהוה אל משה לאמר
8 vnumber="8"> css="font-weight:bold"> ח קח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשקית את העדה ואת בעירם
9 vnumber="9"> css="font-weight:bold"> ט ויקח משה את המטה מלפני יהוה כאשר צוהו
10 vnumber="10"> css="font-weight:bold"> י ויקהלו משה ואהרן את הקהל--אל פני הסלע ויאמר להם שמעו נא המרים--המן הסלע הזה נוציא לכם מים
11 vnumber="11"> css="font-weight:bold"> יא וירם משה את ידו ויך את הסלע במטהו--פעמים ויצאו מים רבים ותשת העדה ובעירם {ס} art="x-p"/>
12 vnumber="12"> css="font-weight:bold"> יב ויאמר יהוה אל משה ואל אהרן יען לא האמנתם בי להקדישני לעיני בני ישראל--לכן לא תביאו את הקהל הזה אל הארץ אשר נתתי להם
13 vnumber="13"> css="font-weight:bold"> יג המה מי מריבה אשר רבו בני ישראל את יהוה ויקדש בם {ס} art="x-p"/>
14 vnumber="14"> css="font-weight:bold"> יד וישלח משה מלאכים מקדש אל מלך אדום כה אמר אחיך ישראל אתה ידעת את כל התלאה אשר מצאתנו
15 vnumber="15"> css="font-weight:bold"> טו וירדו אבתינו מצרימה ונשב במצרים ימים רבים וירעו לנו מצרים ולאבתינו
16 vnumber="16"> css="font-weight:bold"> טז ונצעק אל יהוה וישמע קלנו וישלח מלאך ויצאנו ממצרים והנה אנחנו בקדש עיר קצה גבולך
17 vnumber="17"> css="font-weight:bold"> יז נעברה נא בארצך לא נעבר בשדה ובכרם ולא נשתה מי באר דרך המלך נלך לא נטה ימין ושמאול עד אשר נעבר גבלך
18 vnumber="18"> css="font-weight:bold"> יח ויאמר אליו אדום לא תעבר בי--פן בחרב אצא לקראתך
19 vnumber="19"> css="font-weight:bold"> יט ויאמרו אליו בני ישראל במסלה נעלה ואם מימיך נשתה אני ומקני ונתתי מכרם רק אין דבר ברגלי אעברה
20 vnumber="20"> css="font-weight:bold"> כ ויאמר לא תעבר ויצא אדום לקראתו בעם כבד וביד חזקה
21 vnumber="21"> css="font-weight:bold"> כא וימאן אדום נתן את ישראל עבר בגבלו ויט ישראל מעליו {פ} art="x-p"/>
22 vnumber="22"> css="font-weight:bold"> כב ויסעו מקדש ויבאו בני ישראל כל העדה הר ההר
23 vnumber="23"> css="font-weight:bold"> כג ויאמר יהוה אל משה ואל אהרן בהר ההר על גבול ארץ אדום לאמר
24 vnumber="24"> css="font-weight:bold"> כד יאסף אהרן אל עמיו כי לא יבא אל הארץ אשר נתתי לבני ישראל--על אשר מריתם את פי למי מריבה
25 vnumber="25"> css="font-weight:bold"> כה קח את אהרן ואת אלעזר בנו והעל אתם הר ההר
26 vnumber="26"> css="font-weight:bold"> כו והפשט את אהרן את בגדיו והלבשתם את אלעזר בנו ואהרן יאסף ומת שם
27 vnumber="27"> css="font-weight:bold"> כז ויעש משה כאשר צוה יהוה ויעלו אל הר ההר לעיני כל העדה
28 vnumber="28"> css="font-weight:bold"> כח ויפשט משה את אהרן את בגדיו וילבש אתם את אלעזר בנו וימת אהרן שם בראש ההר וירד משה ואלעזר מן ההר
29 vnumber="29"> css="font-weight:bold"> כט ויראו כל העדה כי גוע אהרן ויבכו את אהרן שלשים יום כל בית ישראל {ס} art="x-p"/>