1 vnumber="1"> ותשא אתי רוח ותבא אתי אל שער בית יהוה הקדמוני הפונה קדימה והנה בפתח השער עשרים וחמשה איש ואראה בתוכם את יאזניה בן עזר ואת פלטיהו בן בניהו--שרי העם {פ}
art="x-p"/>
2 vnumber="2"> ויאמר אלי בן אדם--אלה האנשים החשבים און והיעצים עצת רע בעיר הזאת
3 vnumber="3"> האמרים לא בקרוב בנות בתים היא הסיר ואנחנו הבשר {ס}
art="x-p"/>
4 vnumber="4"> לכן הנבא עליהם הנבא בן אדם
5 vnumber="5"> ותפל עלי רוח יהוה ויאמר אלי אמר כה אמר יהוה כן אמרתם בית ישראל ומעלות רוחכם אני ידעתיה
6 vnumber="6"> הרביתם חלליכם בעיר הזאת ומלאתם חוצתיה חלל {פ}
art="x-p"/>
7 vnumber="7"> לכן כה אמר אדני יהוה חלליכם אשר שמתם בתוכה המה הבשר והיא הסיר ואתכם הוציא מתוכה
8 vnumber="8"> חרב יראתם וחרב אביא עליכם נאם אדני יהוה
9 vnumber="9"> והוצאתי אתכם מתוכה ונתתי אתכם ביד זרים ועשיתי בכם שפטים
10 vnumber="10"> בחרב תפלו על גבול ישראל אשפוט אתכם וידעתם כי אני יהוה
11 vnumber="11"> היא לא תהיה לכם לסיר ואתם תהיו בתוכה לבשר אל גבול ישראל אשפט אתכם
12 vnumber="12"> וידעתם כי אני יהוה אשר בחקי לא הלכתם ומשפטי לא עשיתם וכמשפטי הגוים אשר סביבותיכם עשיתם
13 vnumber="13"> ויהי כהנבאי ופלטיהו בן בניה מת ואפל על פני ואזעק קול גדול ואמר אהה אדני יהוה--כלה אתה עשה את שארית ישראל {פ}
art="x-p"/>
14 vnumber="14"> ויהי דבר יהוה אלי לאמר
15 vnumber="15"> בן אדם אחיך אחיך אנשי גאלתך וכל בית ישראל כלה אשר אמרו להם ישבי ירושלם רחקו מעל יהוה--לנו היא נתנה הארץ למורשה {ס}
art="x-p"/>
16 vnumber="16"> לכן אמר כה אמר אדני יהוה כי הרחקתים בגוים וכי הפיצותים בארצות ואהי להם למקדש מעט בארצות אשר באו שם {ס}
art="x-p"/>
17 vnumber="17"> לכן אמר כה אמר אדני יהוה וקבצתי אתכם מן העמים ואספתי אתכם מן הארצות אשר נפצותם בהם ונתתי לכם את אדמת ישראל
18 vnumber="18"> ובאו שמה והסירו את כל שקוציה ואת כל תועבותיה--ממנה
19 vnumber="19"> ונתתי להם לב אחד ורוח חדשה אתן בקרבכם והסרתי לב האבן מבשרם ונתתי להם לב בשר
20 vnumber="20"> למען בחקתי ילכו ואת משפטי ישמרו ועשו אתם והיו לי לעם--ואני אהיה להם לאלהים
21 vnumber="21"> ואל לב שקוציהם ותועבותיהם לבם הלך--דרכם בראשם נתתי נאם אדני יהוה
22 vnumber="22"> וישאו הכרובים את כנפיהם והאופנים לעמתם וכבוד אלהי ישראל עליהם מלמעלה
23 vnumber="23"> ויעל כבוד יהוה מעל תוך העיר ויעמד על ההר אשר מקדם לעיר
24 vnumber="24"> ורוח נשאתני ותבאני כשדימה אל הגולה במראה ברוח אלהים ויעל מעלי המראה אשר ראיתי
25 vnumber="25"> ואדבר אל הגולה את כל דברי יהוה אשר הראני {פ}
art="x-p"/>