1 vnumber="1"> css="font-weight:bold"> א ונפש כי תקריב קרבן מנחה ליהוה--סלת יהיה קרבנו ויצק עליה שמן ונתן עליה לבנה
2 vnumber="2"> css="font-weight:bold"> ב והביאה אל בני אהרן הכהנים וקמץ משם מלא קמצו מסלתה ומשמנה על כל לבנתה והקטיר הכהן את אזכרתה המזבחה--אשה ריח ניחח ליהוה
3 vnumber="3"> css="font-weight:bold"> ג והנותרת מן המנחה--לאהרן ולבניו קדש קדשים מאשי יהוה {ס} art="x-p"/>
4 vnumber="4"> css="font-weight:bold"> ד וכי תקרב קרבן מנחה מאפה תנור--סלת חלות מצת בלולת בשמן ורקיקי מצות משחים בשמן {ס} art="x-p"/>
5 vnumber="5"> css="font-weight:bold"> ה ואם מנחה על המחבת קרבנך--סלת בלולה בשמן מצה תהיה
6 vnumber="6"> css="font-weight:bold"> ו פתות אתה פתים ויצקת עליה שמן מנחה הוא {ס} art="x-p"/>
7 vnumber="7"> css="font-weight:bold"> ז ואם מנחת מרחשת קרבנך--סלת בשמן תעשה
8 vnumber="8"> css="font-weight:bold"> ח והבאת את המנחה אשר יעשה מאלה--ליהוה והקריבה אל הכהן והגישה אל המזבח
9 vnumber="9"> css="font-weight:bold"> ט והרים הכהן מן המנחה את אזכרתה והקטיר המזבחה--אשה ריח ניחח ליהוה
10 vnumber="10"> css="font-weight:bold"> י והנותרת מן המנחה--לאהרן ולבניו קדש קדשים מאשי יהוה
11 vnumber="11"> css="font-weight:bold"> יא כל המנחה אשר תקריבו ליהוה--לא תעשה חמץ כי כל שאר וכל דבש לא תקטירו ממנו אשה ליהוה
12 vnumber="12"> css="font-weight:bold"> יב קרבן ראשית תקריבו אתם ליהוה ואל המזבח לא יעלו לריח ניחח
13 vnumber="13"> css="font-weight:bold"> יג וכל קרבן מנחתך במלח תמלח ולא תשבית מלח ברית אלהיך מעל מנחתך על כל קרבנך תקריב מלח {ס} art="x-p"/>
14 vnumber="14"> css="font-weight:bold"> יד ואם תקריב מנחת בכורים ליהוה--אביב קלוי באש גרש כרמל תקריב את מנחת בכוריך
15 vnumber="15"> css="font-weight:bold"> טו ונתת עליה שמן ושמת עליה לבנה מנחה הוא
16 vnumber="16"> css="font-weight:bold"> טז והקטיר הכהן את אזכרתה מגרשה ומשמנה על כל לבנתה--אשה ליהוה {פ} art="x-p"/>