1 vnumber="1"> css="font-weight:bold"> א וישב יעקב בארץ מגורי אביו--בארץ כנען
2 vnumber="2"> css="font-weight:bold"> ב אלה תלדות יעקב יוסף בן שבע עשרה שנה היה רעה את אחיו בצאן והוא נער את בני בלהה ואת בני זלפה נשי אביו ויבא יוסף את דבתם רעה אל אביהם
3 vnumber="3"> css="font-weight:bold"> ג וישראל אהב את יוסף מכל בניו--כי בן זקנים הוא לו ועשה לו כתנת פסים
4 vnumber="4"> css="font-weight:bold"> ד ויראו אחיו כי אתו אהב אביהם מכל אחיו--וישנאו אתו ולא יכלו דברו לשלם
5 vnumber="5"> css="font-weight:bold"> ה ויחלם יוסף חלום ויגד לאחיו ויוספו עוד שנא אתו
6 vnumber="6"> css="font-weight:bold"> ו ויאמר אליהם שמעו נא החלום הזה אשר חלמתי
7 vnumber="7"> css="font-weight:bold"> ז והנה אנחנו מאלמים אלמים בתוך השדה והנה קמה אלמתי וגם נצבה והנה תסבינה אלמתיכם ותשתחוין לאלמתי
8 vnumber="8"> css="font-weight:bold"> ח ויאמרו לו אחיו המלך תמלך עלינו אם משול תמשל בנו ויוספו עוד שנא אתו על חלמתיו ועל דבריו
9 vnumber="9"> css="font-weight:bold"> ט ויחלם עוד חלום אחר ויספר אתו לאחיו ויאמר הנה חלמתי חלום עוד והנה השמש והירח ואחד עשר כוכבים משתחוים לי
10 vnumber="10"> css="font-weight:bold"> י ויספר אל אביו ואל אחיו ויגער בו אביו ויאמר לו מה החלום הזה אשר חלמת הבוא נבוא אני ואמך ואחיך להשתחות לך ארצה
11 vnumber="11"> css="font-weight:bold"> יא ויקנאו בו אחיו ואביו שמר את הדבר
12 vnumber="12"> css="font-weight:bold"> יב וילכו אחיו לרעות את צאן אביהם בשכם
13 vnumber="13"> css="font-weight:bold"> יג ויאמר ישראל אל יוסף הלוא אחיך רעים בשכם--לכה ואשלחך אליהם ויאמר לו הנני
14 vnumber="14"> css="font-weight:bold"> יד ויאמר לו לך נא ראה את שלום אחיך ואת שלום הצאן והשבני דבר וישלחהו מעמק חברון ויבא שכמה
15 vnumber="15"> css="font-weight:bold"> טו וימצאהו איש והנה תעה בשדה וישאלהו האיש לאמר מה תבקש
16 vnumber="16"> css="font-weight:bold"> טז ויאמר את אחי אנכי מבקש הגידה נא לי איפה הם רעים
17 vnumber="17"> css="font-weight:bold"> יז ויאמר האיש נסעו מזה--כי שמעתי אמרים נלכה דתינה וילך יוסף אחר אחיו וימצאם בדתן
18 vnumber="18"> css="font-weight:bold"> יח ויראו אתו מרחק ובטרם יקרב אליהם ויתנכלו אתו להמיתו
19 vnumber="19"> css="font-weight:bold"> יט ויאמרו איש אל אחיו הנה בעל החלמות הלזה--בא
20 vnumber="20"> css="font-weight:bold"> כ ועתה לכו ונהרגהו ונשלכהו באחד הברות ואמרנו חיה רעה אכלתהו ונראה מה יהיו חלמתיו
21 vnumber="21"> css="font-weight:bold"> כא וישמע ראובן ויצלהו מידם ויאמר לא נכנו נפש
22 vnumber="22"> css="font-weight:bold"> כב ויאמר אלהם ראובן אל תשפכו דם--השליכו אתו אל הבור הזה אשר במדבר ויד אל תשלחו בו למען הציל אתו מידם להשיבו אל אביו
23 vnumber="23"> css="font-weight:bold"> כג ויהי כאשר בא יוסף אל אחיו ויפשיטו את יוסף את כתנתו את כתנת הפסים אשר עליו
24 vnumber="24"> css="font-weight:bold"> כד ויקחהו--וישלכו אתו הברה והבור רק אין בו מים
25 vnumber="25"> css="font-weight:bold"> כה וישבו לאכל לחם וישאו עיניהם ויראו והנה ארחת ישמעאלים באה מגלעד וגמליהם נשאים נכאת וצרי ולט--הולכים להוריד מצרימה
26 vnumber="26"> css="font-weight:bold"> כו ויאמר יהודה אל אחיו מה בצע כי נהרג את אחינו וכסינו את דמו
27 vnumber="27"> css="font-weight:bold"> כז לכו ונמכרנו לישמעאלים וידנו אל תהי בו כי אחינו בשרנו הוא וישמעו אחיו
28 vnumber="28"> css="font-weight:bold"> כח ויעברו אנשים מדינים סחרים וימשכו ויעלו את יוסף מן הבור וימכרו את יוסף לישמעאלים בעשרים כסף ויביאו את יוסף מצרימה
29 vnumber="29"> css="font-weight:bold"> כט וישב ראובן אל הבור והנה אין יוסף בבור ויקרע את בגדיו
30 vnumber="30"> css="font-weight:bold"> ל וישב אל אחיו ויאמר הילד איננו ואני אנה אני בא
31 vnumber="31"> css="font-weight:bold"> לא ויקחו את כתנת יוסף וישחטו שעיר עזים ויטבלו את הכתנת בדם
32 vnumber="32"> css="font-weight:bold"> לב וישלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא--אם לא
33 vnumber="33"> css="font-weight:bold"> לג ויכירה ויאמר כתנת בני חיה רעה אכלתהו טרף טרף יוסף
34 vnumber="34"> css="font-weight:bold"> לד ויקרע יעקב שמלתיו וישם שק במתניו ויתאבל על בנו ימים רבים
35 vnumber="35"> css="font-weight:bold"> לה ויקמו כל בניו וכל בנתיו לנחמו וימאן להתנחם ויאמר כי ארד אל בני אבל שאלה ויבך אתו אביו
36 vnumber="36"> css="font-weight:bold"> לו והמדנים--מכרו אתו אל מצרים לפוטיפר סריס פרעה שר הטבחים {פ} art="x-p"/>