1 vnumber="1"> וידבר יהוה אל משה לאמר
2 vnumber="2"> ראה קראתי בשם בצלאל בן אורי בן חור למטה יהודה
3 vnumber="3"> ואמלא אתו רוח אלהים בחכמה ובתבונה ובדעת ובכל מלאכה
4 vnumber="4"> לחשב מחשבת לעשות בזהב ובכסף ובנחשת
5 vnumber="5"> ובחרשת אבן למלאת ובחרשת עץ לעשות בכל מלאכה
6 vnumber="6"> ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשו את כל אשר צויתך
7 vnumber="7"> את אהל מועד ואת הארן לעדת ואת הכפרת אשר עליו ואת כל כלי האהל
8 vnumber="8"> ואת השלחן ואת כליו ואת המנרה הטהרה ואת כל כליה ואת מזבח הקטרת
9 vnumber="9"> ואת מזבח העלה ואת כל כליו ואת הכיור ואת כנו
10 vnumber="10"> ואת בגדי השרד ואת בגדי הקדש לאהרן הכהן ואת בגדי בניו לכהן
11 vnumber="11"> ואת שמן המשחה ואת קטרת הסמים לקדש ככל אשר צויתך יעשו {פ}
art="x-p"/>
12 vnumber="12"> ויאמר יהוה אל משה לאמר
13 vnumber="13"> ואתה דבר אל בני ישראל לאמר אך את שבתתי תשמרו כי אות הוא ביני וביניכם לדרתיכם--לדעת כי אני יהוה מקדשכם
14 vnumber="14"> ושמרתם את השבת כי קדש הוא לכם מחלליה מות יומת--כי כל העשה בה מלאכה ונכרתה הנפש ההוא מקרב עמיה
15 vnumber="15"> ששת ימים יעשה מלאכה וביום השביעי שבת שבתון קדש ליהוה כל העשה מלאכה ביום השבת מות יומת
16 vnumber="16"> ושמרו בני ישראל את השבת לעשות את השבת לדרתם ברית עולם
17 vnumber="17"> ביני ובין בני ישראל--אות הוא לעלם כי ששת ימים עשה יהוה את השמים ואת הארץ וביום השביעי שבת וינפש {ס}
art="x-p"/>
18 vnumber="18"> ויתן אל משה ככלתו לדבר אתו בהר סיני שני לחת העדת--לחת אבן כתבים באצבע אלהים
art="x-p"/>