1 vnumber="1"> וידבר יהוה אל משה בהר סיני לאמר
2 vnumber="2"> דבר אל בני ישראל ואמרת אלהם כי תבאו אל הארץ אשר אני נתן לכם--ושבתה הארץ שבת ליהוה
3 vnumber="3"> שש שנים תזרע שדך ושש שנים תזמר כרמך ואספת את תבואתה
4 vnumber="4"> ובשנה השביעת שבת שבתון יהיה לארץ--שבת ליהוה שדך לא תזרע וכרמך לא תזמר
5 vnumber="5"> את ספיח קצירך לא תקצור ואת ענבי נזירך לא תבצר שנת שבתון יהיה לארץ
6 vnumber="6"> והיתה שבת הארץ לכם לאכלה--לך ולעבדך ולאמתך ולשכירך ולתושבך הגרים עמך
7 vnumber="7"> ולבהמתך--ולחיה אשר בארצך תהיה כל תבואתה לאכל {ס}
art="x-p"/>
8 vnumber="8"> וספרת לך שבע שבתת שנים--שבע שנים שבע פעמים והיו לך ימי שבע שבתת השנים תשע וארבעים שנה
9 vnumber="9"> והעברת שופר תרועה בחדש השבעי בעשור לחדש ביום הכפרים תעבירו שופר בכל ארצכם
10 vnumber="10"> וקדשתם את שנת החמשים שנה וקראתם דרור בארץ לכל ישביה יובל הוא תהיה לכם ושבתם איש אל אחזתו ואיש אל משפחתו תשבו
11 vnumber="11"> יובל הוא שנת החמשים שנה--תהיה לכם לא תזרעו--ולא תקצרו את ספיחיה ולא תבצרו את נזריה
12 vnumber="12"> כי יובל הוא קדש תהיה לכם מן השדה--תאכלו את תבואתה
13 vnumber="13"> בשנת היובל הזאת תשבו איש אל אחזתו
14 vnumber="14"> וכי תמכרו ממכר לעמיתך או קנה מיד עמיתך--אל תונו איש את אחיו
15 vnumber="15"> במספר שנים אחר היובל תקנה מאת עמיתך במספר שני תבואת ימכר לך
16 vnumber="16"> לפי רב השנים תרבה מקנתו ולפי מעט השנים תמעיט מקנתו כי מספר תבואת הוא מכר לך
17 vnumber="17"> ולא תונו איש את עמיתו ויראת מאלהיך כי אני יהוה אלהיכם
18 vnumber="18"> ועשיתם את חקתי ואת משפטי תשמרו ועשיתם אתם--וישבתם על הארץ לבטח
19 vnumber="19"> ונתנה הארץ פריה ואכלתם לשבע וישבתם לבטח עליה
20 vnumber="20"> וכי תאמרו מה נאכל בשנה השביעת הן לא נזרע ולא נאסף את תבואתנו
21 vnumber="21"> וצויתי את ברכתי לכם בשנה הששית ועשת את התבואה לשלש השנים
22 vnumber="22"> וזרעתם את השנה השמינת ואכלתם מן התבואה ישן עד השנה התשיעת עד בוא תבואתה--תאכלו ישן
23 vnumber="23"> והארץ לא תמכר לצמתת--כי לי הארץ כי גרים ותושבים אתם עמדי
24 vnumber="24"> ובכל ארץ אחזתכם גאלה תתנו לארץ {ס}
art="x-p"/>
25 vnumber="25"> כי ימוך אחיך ומכר מאחזתו--ובא גאלו הקרב אליו וגאל את ממכר אחיו
26 vnumber="26"> ואיש כי לא יהיה לו גאל והשיגה ידו ומצא כדי גאלתו
27 vnumber="27"> וחשב את שני ממכרו והשיב את העדף לאיש אשר מכר לו ושב לאחזתו
28 vnumber="28"> ואם לא מצאה ידו די השיב לו--והיה ממכרו ביד הקנה אתו עד שנת היובל ויצא ביבל ושב לאחזתו {ס}
art="x-p"/>
29 vnumber="29"> ואיש כי ימכר בית מושב עיר חומה--והיתה גאלתו עד תם שנת ממכרו ימים תהיה גאלתו
30 vnumber="30"> ואם לא יגאל עד מלאת לו שנה תמימה--וקם הבית אשר בעיר אשר לא (לו) חמה לצמיתת לקנה אתו לדרתיו לא יצא ביבל
31 vnumber="31"> ובתי החצרים אשר אין להם חמה סביב--על שדה הארץ יחשב גאלה תהיה לו וביבל יצא
32 vnumber="32"> וערי הלוים--בתי ערי אחזתם גאלת עולם תהיה ללוים
33 vnumber="33"> ואשר יגאל מן הלוים ויצא ממכר בית ועיר אחזתו ביבל כי בתי ערי הלוים הוא אחזתם בתוך בני ישראל
34 vnumber="34"> ושדה מגרש עריהם לא ימכר כי אחזת עולם הוא להם {ס}
art="x-p"/>
35 vnumber="35"> וכי ימוך אחיך ומטה ידו עמך--והחזקת בו גר ותושב וחי עמך
36 vnumber="36"> אל תקח מאתו נשך ותרבית ויראת מאלהיך וחי אחיך עמך
37 vnumber="37"> את כספך--לא תתן לו בנשך ובמרבית לא תתן אכלך
38 vnumber="38"> אני יהוה אלהיכם אשר הוצאתי אתכם מארץ מצרים--לתת לכם את ארץ כנען להיות לכם לאלהים {ס}
art="x-p"/>
39 vnumber="39"> וכי ימוך אחיך עמך ונמכר לך--לא תעבד בו עבדת עבד
40 vnumber="40"> כשכיר כתושב יהיה עמך עד שנת היבל יעבד עמך
41 vnumber="41"> ויצא מעמך--הוא ובניו עמו ושב אל משפחתו ואל אחזת אבתיו ישוב
42 vnumber="42"> כי עבדי הם אשר הוצאתי אתם מארץ מצרים לא ימכרו ממכרת עבד
43 vnumber="43"> לא תרדה בו בפרך ויראת מאלהיך
44 vnumber="44"> ועבדך ואמתך אשר יהיו לך מאת הגוים אשר סביבתיכם--מהם תקנו עבד ואמה
45 vnumber="45"> וגם מבני התושבים הגרים עמכם מהם תקנו וממשפחתם אשר עמכם אשר הולידו בארצכם והיו לכם לאחזה
46 vnumber="46"> והתנחלתם אתם לבניכם אחריכם לרשת אחזה--לעלם בהם תעבדו ובאחיכם בני ישראל איש באחיו לא תרדה בו בפרך {ס}
art="x-p"/>
47 vnumber="47"> וכי תשיג יד גר ותושב עמך ומך אחיך עמו ונמכר לגר תושב עמך או לעקר משפחת גר
48 vnumber="48"> אחרי נמכר גאלה תהיה לו אחד מאחיו יגאלנו
49 vnumber="49"> או דדו או בן דדו יגאלנו או משאר בשרו ממשפחתו יגאלנו או השיגה ידו ונגאל
50 vnumber="50"> וחשב עם קנהו משנת המכרו לו עד שנת היבל והיה כסף ממכרו במספר שנים כימי שכיר יהיה עמו
51 vnumber="51"> אם עוד רבות בשנים--לפיהן ישיב גאלתו מכסף מקנתו
52 vnumber="52"> ואם מעט נשאר בשנים עד שנת היבל--וחשב לו כפי שניו ישיב את גאלתו
53 vnumber="53"> כשכיר שנה בשנה יהיה עמו לא ירדנו בפרך לעיניך
54 vnumber="54"> ואם לא יגאל באלה--ויצא בשנת היבל הוא ובניו עמו
55 vnumber="55"> כי לי בני ישראל עבדים--עבדי הם אשר הוצאתי אותם מארץ מצרים אני יהוה אלהיכם
art="x-p"/>